دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[أحلى موني]

ياجماعه والله شكلي مسويه شريط الحمل والتوقيع المتحرك غلط مهم راضين يتغرور رغم اني دخلت الرابع ايش اسوي؟؟

[روح الانوثه]

كيفك اختي احلى موني حتى انا شريطي ما يتغير ما اعرف ايش فيه
ممكن اطلب منك طلب لوسمحتي

[ثلجه فوشيه]

احلى مووني أنا من زمان ملاحظه توقيعك مايتحررك هههههههه

روح الأنووثه ..
والله مو فاكره انا سويت لكم وحده هنا بس انتي قلتيلي متى آخر دوره لكي طيب ؟؟
عشان افتكر فكرريني ..

[روح الانوثه]

الله يعطيك العافيه اخر دوره 19-4

[ثلجه فوشيه]

غريبه روح صحيح الفرق بيني وبينك 4 ايام بس انا آخر دوره 24 وسويت لك التوقيع على دا الاساس بس اكيد كان فيه غلط لموقع او شي زي كدا

[روح الانوثه]

الله يعطيك العافيه اختي ثلجه
ممكن تسويلي التوقيع المتحرك اللي لونه اسود
واكون لك شاكره اسفه كثرت عليك الطلبات

[لوووورا]

لبيك الله هم لبيك لبيك لا شريك لك لبيك ان الحمد ونعمة لك والملك لا شريك لك
لبيك الله هم لبيك لبيك لا شريك لك لبيك ان الحمد ونعمة لك الملك لا شريك لك
لبيك االله هم لبيك لبيك لا شريك لك لبيك ان الحمد والنعمة لك الملك لا شريك لك
لبيك الله هم لبيك لبيك لاشريك لك لبيك ان الحمد والنعمة لك والملك لا شريك لك

بنات اكثروا من قول
(لا اله الا الله وحده لا شريك له له الملك وله الحمد وهو على كل شيء قدير) كان الرسول صلي الله عليه وسلم يكثر منها ايام عرفه

اله يتقبل منا ومنكم صيااااماااا وقيامنااااا والله يتقبل من الحجج
اللهم يارب اغرلنا ذنوبنا وكفرا عنا سيائتنا وتوفنا مع الابرار

يالله يارب انك تسهل علينا وعلى كل حامل حملها وولادتها واجعل كل جنين في بطنه امه من الصالحين المصالحين الله باركلن فيهم وبلغنا برهم

قالووووووووا ( امــــــــــــــــــــــــــــــــــــــــــــــــ ـين)

[اموورة وكتكوتة]

كل سنة وانتو طيبين قبل الزحمة وربي يرزقني واياكم هون الطلق وحسن الخلق ويسهل لنا ولاداتنا ويرزق كل من تتمنى الحمل بالحمل السليم ويفرح قلبها .. ويحفظلنا اهالينا من كل مكروه اااامين يارب

كيفكم حبيباتي مرررة وحشتووني كلكم كلكم .. انا صايمة اليوم والحمدلله ومرررا مرررا دايخة وصداع وان شاء الله ربي يتقبل مني ومنكم جميع الاعمال الصالحة..

كروزة ريحي نفسك دحين والحمدلله اتطمنا عنك وبس ترتاحي احكيلنا قصة ولادتك ياعسل
عدولة عمر ان شاء الله تولدي بالسلامة باين من توقيعك خلاص بطيختك استوت ربي يسهلك ويسهلنا جميعا
فوشية حبيبتي الدوخة هادي من نقص الحديد ياقلبي خلي زوجك او اي احد يجبلك سبانخ واطبخيه وكلي منو طول الوقت وكمان كلي تفاح كتيير اقل شي حبتين باليوم ياقلبي عشان البيبي وربي يقومك بسلامة.. مافي احد يخرجني اخواني مشغولين ومين اللي حيرضى يوديني الزايدي في الزحمة اللي احنا فيها اصلا العزيزية ماتقدري تخرجي فيها مررا.. صرت امشي بين الغرف حنى اخوية الصغير طفش مني اهئ اهئ
ام رانسي وانتي وحشتينا بعد العيد ان شاء الله نجتمع كلنا هنا ونجلس نشرب كباتشينو خخخخخ
ام يسوري وطوق الياسمين وام ميسومة هلا فيكم زمان عنكم كيفكم.. انتو عند اهلكم مو؟

دلوعة سمسم تسلمي حبيبتي بس انا من لما حملت مارحت افراح ابو الشباب مانعني اهئ اهئ.. اصلا ما عندي فستان يجي مقاسي دحين خخخخ.. روحي وانبسطي بس لاترقي امسكي نفسك
احلى موني هلا فيكي ياقلبي كيفك انتي وبنوتتك ؟ ياريت اقدر اطلع السطح عمري بحياتي ما طلعتلو .. تبغي اولاد الجيران كلهم يطلعو سطوح بيوتهم يسلووني خخخخخ ياسلاام وناسة خخخخ..

انشودة المطر حكينا كيف العيد بالطايف .. شوقتيني للبرد وجو العيد

لينا ربي يحفظلك بناتك ويتربو بعزك ويكبرو بحنانك وحبك ياقلبي
روح الانوثة وتالا وام فايز نورتو وهلا فيكم بينا

انا يمكن اروح الحرم يمكن مع ام زوجي واخواتو المتزوجات هيه ساكنة مرررا قريب من بيت اهلي بس لو مارحنا حروح افطر عندهم عشان اهلي راحو يحجو والبيت فاضي .. موني اذا رحت خليني اشوفك.. وبلاش ملاهي بدر هههه روحي جدة

[انشودةمطر]

اهلين بنات كل سنه وانتم والبيبيات طيبين لكم وحشه
اموره وكتكوته والله الجو بارد بس بروده حلوه مو اسكيمو يعني اذا طلعت السوق مثل ما البس ثقيل ممكن قطن كم طويل لانه مع الحركه حر
اما العيد الناس محتفله بقووووه محلات الجزم وانتم بكرامه زحمه والملابس والحلاقين زي الفطر في مكه

[ثلجه فوشيه]

مسسسساء النور كروشات ..

الله يتقبل مننا ومنكم اكيد اغلبكم اليوم صايمين .. يا الله لما شفت الحجاج في عرفه اتمنيت اكون معاهم بس يلا ربي يكتبلنا هيا السنه الجااايه ..

روح الأنووثه .. ان شاء الله اسوي لك هوا لحسن أنا حست حوووسه ماهي طبيعيه في دا التوقيع بس لو افتكرت الطريقه راح اسوي واحط لك هوا هنا لو ماعرفت اعذريني .. لأنو ممكن اكون ناسيه الطرريقه بس راح احاول اسوي لك هوا ..

لورا جزاك الله خير والله يتقبل مننا ويسهل علينا ويفرج كربه المكروب فينا يارب ويرزق المحرومه بأذن الله ويسهل عللى كل حامل يارب ياكرريم ..

كتكوته ربي يعينك ياقلبي صحيح انتو كمان في العزيزيه منبع الزحمه يلا ربي يهوونها عليك يارب كلها أيام ويروحو خلاص من اليوم يعتبر الحج خلص ههههه
وعن الدووخه أنا عارفه انو من الحديد وحسنت اكلي كثير بس ماني عارفه لسا ارتفع والا لا لاني مارحت سويت التحليل ثاني مو معقوله آخذ حبتين حديد واكلي اشياء فيها حديد وبرضو احس بدووخه اتجننت والله بس الله كرريم كل شي بأجروو ..

قال النبي صلى الله عليه وسلم

"خير الدعاء دعاء يوم عرفة، وخير ما قلت أنا والنبيون من قبلي:

لا إله إلا الله وحده لا شريك له ، له الملك ، وله الحمد ، وهو على كل شيء قدير"

رواه أصحاب السنن.

ذكروا كبيركم ولقنوا صغيركم