دردشة بنات فلسطين, دردشة حوامل فلسطين, تجمع بنات فلسطين

[احساس أنثى]

بسيطه حبيبتي بعد مايفطر بكون روق اقعدي معاه وتفاهمي معاه

احكيلو احلى شي برمضان اللمه ولازم نجامل الكل ... كل ناس والها علينا مابنفع طول رمضان عند اهلك

احكيلو انا كمان بدي يوم افطر انا وانت لحالنا خلينا نجرب يوم يومين ... بكلمتين حلوين بمشي الحال

[احساس أنثى]

صبايا مين جوزها بدخن متل زوجي ؟؟ والله منا قادره افتح معو اي موضوع ههههههههه

بكلمو وبسايسو لحد مايفطر متل الأطفال هههههههه

[حيفا]

حبيبتي بينک والله لو الموضوع راي زوجي مش مشکله بس هو وافق نروح ع اهلي واتصل عامه يخبرها قالتله لاء تعالو عندي وبتروحو يوم تاني يعني بدها مش راي زوجي رايها هي
وعفکره هي بناتها کل يوم عندها اما انا کل اسبوع او اکثر لاشوف اهلي والله شي صعب

[حيفا]

ياستي بعين الله
انا زوجي بدخن وبشرب قهوه کتير بس عالاغلب مزاجه رايق بس اليوم لاء مع انه ما عصب وصيح بس بستفز فيي بسکاته
اما اقلکم بدي اطنشه وانبسط وافردها لحالي لانه هو قاعد بحضر عالتلفزيون وانا قاهره حالي بالغرفه يعني بس بسم ببدني عالفاضي

[مسك السنين]

مرحبا بناااااااااات انا كازي طافي ع الاخر لانو لحد هلا صايمة
وعندي مراجعة بالسويدي ومارحت
ومبارح مادخلت المنتدى كنت عازمة ماما عندي وبعدها رحنا ع بيت خالو
واليوم مش طابخة لانو مبارح جبت اكل جاهز كتير وماحد اكلل اشي اليوم حسخنو وخلص
بينك ازا بدك دكتورة شاطرة في وحدها اسمها وسام ابوعمر بتشتغل بالصحابة وبالشفا

[احساس أنثى]

والله هيا صعبه بجد ... طيب انتي احكي معو احكيلو هيك شايف خواتك دايما عند املك ومبسوطين وانا نفسي اروح عند امي واشوف خواتو وانبسط متلهم

احكيلو أهلي هيك بزعلو لو مارحنا بقولوا مش عاملين النا قيمه ... من هالكلام يمكن مخو يلين

حقوم اصلي العصر وارجعلكم

[احساس أنثى]

هلا مسك منوره ... كيف الصيام معك؟؟ الويم أول يوم تصومي كيف الهمه ؟؟

ياالله هانت ان شاالله ... بس ماتكوني تعبتي ... الله يعينا ,,,

وصحتين وهنا على الاكل

[حيفا]

ان شاء الله بس يجي يراضيني ههههه
تقبل الله مقدما

[بينك روز]

بعين الله حيفا
معلش حبيبتي سايسيه شوي
وان شاء الله بكره بتروحي على اهلك
هيني انا اهل زوجي كانوا بدهم اياني كل يوم افطر عندهم
بس انا وضعي ما بسمح
شغل وحمل بالشهر الاخير مابقدر
مع انه الوقفة قدام الغاز تعباني بس حكيت مابدي اروح لزوجي
وبدي افطر انا وايااك
ما عارض وما حكا شي
وهينا بالبيت لحالنا راح نفطر لاول مرة مع بعض
هلا مسك بعين الله حبيبتي هانت فاضل اكم ساعة بس
يسلمو على اسم الدكتور غلبتك
وانا كمان بدي اقوم اصلي العصر وبرجع

[حيفا]

ان شاء الله بحکي معاه اليوم بس نروح بالليل لاني هلاء ممکن ازيد الطين بله واحکي حکي يزيد الزعل
وتقبل الله منکم صبايا صالح الاعمال وانا کمان قايمه بنشوفکم بالليل