.·¤ تجمع الحوامل اللي ولادتهم في محرم¤·.

[Marawy]

موون ،، الله يبارك فيج يالغاليه ،، وعقبال ما نشوف اغراض النونو تبعك يارب ،، وان شاء الله تعرفين جنس الجنين ،، وكثير بنات ماعرفوا ياقلبي ،، ومعظم اللي عرفوا كلهم احتمال هههههه يعني كلنا بالهوا سوا ،،

[Marawy]

اللهم سترك ،، بسم الله عليج حبيبتي ،، ارتاحي وممكن يكون دمج قاصر او نقص فيتامينات عندج الله لايقول ،،
وربي يطمن قلبج مثل ما طمنتي قلبي ،، وامس بالليل حسيت بشغلات خفيفه كلش ،، يعني ماتنذكر ،، بس طمنتني شوي ع الاقل ،،

[Marawy]

احب دادو ،، الف مبروك البنوته وربي يبلغج فيها عروسه حلوة ،، وبسم الله عليج من التقلصات ،، ربي يبعد عنج كل شر يارب ،، اسم تركي حلو ومتعب بعد حلو ،،

[Marawy]

اعز الناس ،، صج المستشفيات الحكوميه ما يقولون جنس البيبي ،، ولما رحت للدكتورة اخر مره قلت لها ليش مايقولون لي جنس البيبي ! يعني الوحده تبي تجهز تبي تعرف اللي لها واللي عليها !! قالت هذا طبعهم مايقولون ،، يعتبرونها من الكماليات ههههه ان شاء الله ياربي تتطمنين وتجين تطمنينا ،، وراح احاول اسحب ع موضوع الحركه يمكن عل وعسى احس بشي ،، وربي يطمن قلبج يالغلا ،، صمت يوم اللي كان عندي تحليل السكر ههههههه وامي تقول لي بتصومين قلت لها خلاص صمت وجربت الصيام ههههه كان خفيف لكن الوقت له دور بعد ،، لاني صايمه من 7 بالليل لين 7 الصبح ،، الحر اقل والعطش اقل ،، الله يستر ،،

[Marawy]

ام التوينز ،، اي والله ياليت لو فيه طريقه نسويها عشان نعرف ،، ولا ان نروح المستشفى ويقولون لنا للحين مافتح شي او 1سم ! احس احباط ،، هههه

[Marawy]

شولولي ،، ياهلا فيج فديتج ،، وين الغيبه ،، لاتقطعين ،،
وربي يبارك فيج فديتج ،، وعقبالج يارب ،، والله انا احس افضل واريح تجهزين هالوقت ،، خصوصا ان رمضان بنكون ف الشهر السادس وراح نضطر نأجل الطلعات والسوق عشان التعب ،، وبعده بنكون في السابع تقريبا ،، ويبدا الثقل ،،
انا لو علي ما كنت جهزت الحين بس زوجي مشجعني ويبي يشتري ويخلص يقول ارتاح جي ،،
انا رايي من رأي رفيجتج ،، توكلي على الله وروحي ،، لان انتي الحين خلصتي 21 اسبوع يعني الحمدلله عديتي الخطر ،، وكلها اسبوع وتدخلين السادس ان شاء الله ،، فمافي اي خوف ان شاء الله ،، بس راجعي دكتورتج وشوفي شتقول لج وضع المشيمه والبيبي وهل خطر السفر عليج او لا ،، لان كل وحده يعتمد على وضعها ،،

[Marawy]

جنان الورد ،، الف مبروك الولد ،، ربي يبلغج فيه يارب ،، والحمدلله تطمنتي ،، شنو الحبوب اللي عطاج اياه ؟ حبه بيضه مدوره صغيره قبل النوم ؟؟ لان عطتني الدكتورة نفسها لما قلت لها ان تجيني كحه قالت هالكحه تكون مصاحبه مع الحاروق (الحارج) بس اكلتها يومين ووقفتها لاني خفت بصراحه تنومني وصرت 3 ايام من بعدها ما احس بنبض للجنين ،، خفت بصراحه وقعدت اوسوس اكثر ،، ولما تركتها امس حسيت شوي بنبض وحسيت بحركات خفيفه حيل نفس قبل ،، تتوقعون اكلها الحبوب مره ثانيه او اتركها خلاص ،،؟؟

[Marawy]

اووف واخيرا خلصت كل الصفحات اللي فاتتني ،، ما شاء الله عليكم هذرتكم زايده ،، هههه

ام اسكندر وينها اليوم ؟ وملكتني بهمسك ؟


بنات بخاطري اروح اسوي سونار ملون ،، بس ما ابي استعجل ،، اقول اصبر لين ادخل السادس افضل واوضح يكون ،، بس متشوقه لهاللحظه ،، احس لو سويت كل يوم بقعد اشغل السي دي على التلفزيون وبقعد اشوف ههههههه بصير اجن من الجنون اللي انا فيه ،،

صار لي يومين كثير افكر في الولاده وافكر بالبيبي وشكله شلون ،، واتخيل شكله ،، يمكن لاني شريت الاغراض والحين مشتاقه اشوفه ،، مدري وش بيصبرني هالاربع شهور الجايه ،،

[ام اسكندر]

غيرت لون شريطي

[ام اسكندر]

عيش الحياة بالله لاتنصحي احد مثلما نصحتيني بالدكتورة سمر

شكلها توزع اولاد بكيفها للكل

انا وانتي اعطتنا اولاد
بس بعدين ظهر انهم بنات !!!

ربي يحفظهن ويوصلهن بالسلامة