دردشة بنات فلسطين, دردشة حوامل فلسطين, تجمع بنات فلسطين

Heba T · 07-22-2012, 03:41 PM

احساس والله مستمر من 3 اسابيع تقريبا فحصت دم ونظر وكلو بس لسا مش عارفة

انا اليوم عاملة عالفطور فطيرة بطاطا

بنات حد بعرف شوربة البرغل كيف بتنعمل يقولي

بينك روز · 07-22-2012, 03:46 PM

يسلمو اديكي هبة
اخدت الرقم ان شاء الله بتصل فيه وبروح عليه بلكن هوا الي ولدني
بدي حد يدير باله عليه انا بصراحة مابدي اي دكتور وخلص
احساس صحه وهنا حبيبتي
بس بدي اسئل انتي وزوجك بتفطروا لحالكم واهلو لحال ولا كيف

بينك روز · 07-22-2012, 03:48 PM

سهلة كتير هبة
اول شي بتقطعي بصلة وبشوحيها على النار مع شوية سيرج
بعد كده بتجيبي البرغل وبتحطيه عليه طبعا البرغل لازم يكون منقوع
انتي وزوجك بتكفيكي كاسة شاي برغل بتنقعيها قبل بوقت
بعد كده بتحركيهم مع بعض بعدين بتحطي المية والماجي او تلما
وبتسبيها تغلي شوي بعدين بتوطي الغاز عليها
احيانا انا بحط معها بهار قرنفل بيعطها طعم رائع

احساس أنثى · 07-22-2012, 03:50 PM

والله ياهبوش انا صفر بالطبخ هههههههههه ماعندي خبره

لا بينك كلنا على سفره وحده ... بس بطبيعة الحال مابنعمل اكل كتير الحمد لله كل شي بنعمل على قد اليوم حتى مايضل وينكب

بس عادي احيانا كنا نطلع انا واياه نتغدا بره او نتعشى برا ... وناوية اطلع انا واياه لقدام ونفطر ع البحر عادي دار حمايا على سلامتهم ... وكان يجبلي وجبات غدا ونتغدا بغرفتنا ...

بس يمكن عشان السمبوسه لأنو هوا جابها مبارح ومن مبارح نفسو فيها بس جابها متأخر كنا عاملين فطاير وعدنا اليوم نعملها

عارفين يابنات انا جاي عبالي الفتوش بس حماتي بتعملو بطريقه غير عن دار اهلي ... وأنا بحب فتوش دار اهلي هههههههه

Heba T · 07-22-2012, 03:56 PM

بينك يسلمو كتير

احساس اعمليه زي ما انت بدك او اعزمي حالك بكرا عند اهلك و خلي امك تعملك فتوش :)

احساس أنثى · 07-22-2012, 03:58 PM

هههههههههههههه والله هيا هيك ياهبه ...

أنا قلت شويه بكلمها وباخد طريقتها وبعملها

عمتي بتقلي طريقة اهلك مش فتوش اسمها ملاحه مابعرف شو يعني ههههههههه

بينك روز · 07-22-2012, 04:03 PM

ههههههههههههه
احساس هيا حماتك كيف بتعملوا
صار عندي فضول اعرف طريقة اهلك وطريقة حماتك

بينك روز · 07-22-2012, 04:04 PM

يابنات خلصت غسيل بس مابدي انشروا هلا لانه الدنيا بره شوووووووب بالبرنده
هوا منشف راح احطه بالبرنده وبعد بشوي بنشره
زوجي جابلي فانوس رمضان امبارح
حسيت حالي بنت صغيره
كتير حلو
مين عندها فانوس

احساس أنثى · 07-22-2012, 04:06 PM

حماتي بتعملو بخبز رقييق جدا ... وبتحمرو ... وبتحط كل انواااااااااع الخضار

ملفوف أحمر ... أبيض ... خس ... بندورة ... خيار ... بقدونس ... نعنع ... ملح ... يعني شو عندك خضره بتحط

أنا أمي لأ الخبز العادي بتحمرو مش على الاخر ... ووبتحط بندورة وخيار وزتون وملح .. ورشة زيت بس

كيف بتعملوه انتو ياصبايا ؟؟

Heba T · 07-22-2012, 04:07 PM

بينك من وين بجيبو الفوانييييس نفسي اجيب لميلو

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	15243	06-15-2013 02:43 AM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
دردشة حوامل اهل فلسطين الغاليات ^_^	* ام لؤي *	إستفسارات حوامل من الشهر السابع إلى الشهر التاسع	2433	01-02-2012 09:14 PM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
بنات فلسطين الغاليه..كيف تعيشون؟؟	دلع	منتدى الحياة الأسرية والزوجية	18	07-17-2010 05:18 AM