تجمع حوامل سوريا-دردشة ورود سوريا-دردشة الغاليات

[@أم يويو@]

المشاركة الأصلية كتبت بواسطة شام الهوى

ام يويو والله بتشرف ياعمري
وانتي كمان تعي لعندي والله كتير بنبسط عنجد عم احكي ماعم امزح يالله من زمان اتمنى يكون عندي حدى اعرفه بالكويت يواسيني بغربتي

ياحبيبه قلبي انت بتشرف انا فيك اكيد مابستغني انشالله هيك تصير ظروف مناسبه ونلتقي
وشوف كتاكيتك الصغار اكيد ورا بعضن اجوا لانك صغيره كتير
شي كتير حلو هيك بكره تترافقوا بس يكبروا انشالله
نيالهن اصلا عل هيك ام
الله يخليلكياهم وتفرحي بشوفتن عرسان

[شام الهوى]

ام علي :
المقادير :عجينة بف باستري محمرة بالفرن ومكسرة قطع متوسطة يعني الشريحة اربع قطعيها
مكسرات جوز هند وفستق مجروش ولوز مجروش وفي ناس بتحط زبيب بس انا مابحط طبعا محموس حمس خفيف بالفرن لحد ماتحسي الريحة طلعت حلوه طبعا عدا جوز الهند لاتحطي بالفرن
بعدين بتجيبي طنجرة بتحطي فيها 4كاسات حليب سائل نفس السعودية او المراعي وفنجان حليب بودرة نيدو الي هو فنجان القهوة العربية عايري فيه
وسكر حسب الرغبة وظرف دريم ويب وشوية فانيليا بتحطيهن عالغاز لحد مايغلوا بعدين طفي الغاز وحطيلن قشطة واحد بس وقلبيهم
وجيبي صحن عميق تبع الفرن بايركس او طاجن الي بدك وحطي البف باستري والمكسرات وصبي عليهن الحليب كله وغطيهن وخليهن شوي على جنب لحد ماتحسي البف تشرب الحليب
دخليه الفرن يتحمر شوي بس وطلعيه وقدميه طبعا مايكون ناشف كتير يكون فيه حليب يعني مسئسئة ههههه
وصحة وهنا سلفا يارب تعجبكن
وجاري كتابة طريقة الهريسة

[شام الهوى]

الهريسة والمقادير هي بتعمل 2كيلو تقريبا وطبعا هي الطريقة الهريسة الاصلية
اذا بدك التقليد قوليلي هههههه

6 كوب سميد
1 ونص كوب سمن او زبده
2 كوب سكر ناعم
2ونص كوب ماء او لبن
2 ملعقه صغيره بكنج باودر
2 ملعقه كبيره طحينية
3 كوب قطر
للزينه لوز حب او صنوبر او فستق حلبي وجوز الهند مبروش

الطريقه
نخلط السميد والبكنج باودر والزبده او السمن
اذا استعملنا ماء نذوب السكر فيه اما اذا لبن فنضيفه مع السكر الى السميد ونخلطها جيدا
ندهن صينية مستديرها قطرها 35 سم بالطحنيه ونصب فيها هذه العجينه ونزين سطحها باللوز المسلوق والمقشر وتقطع او تعمل خطوط بالسكين
تدخل فرن 210 شديد الحرارة وتترك لمده نص ساعه في الوسط طبعا حتى يتلون اطراف الصينيه ثم نحمر الوجه قليلا وندخل السسكين للتاكد من عدم التصاق شيء ونخرجها من الفرن
ونضع القطر البارد عليها وهي ساخنه وتترك لتبرد وتقطع ويرش الجوز والفستق المبشور على وجهها وصحتين وعافية

[شام الهوى]

لاياقلبي لاعزاب ولاشي
بس بدي تبعتيلي كم يبرئاية وكوساية امممممممممم ياحبي لليبرق انا هههههههه
الله يعطيكي العافية يا قلبي طعميلي كنتي منيح إيه اسم الله عليها

[أم ملاك ومالك]

المشاركة الأصلية كتبت بواسطة شام الهوى

لاياقلبي لاعزاب ولاشي
بس بدي تبعتيلي كم يبرئاية وكوساية امممممممممم ياحبي لليبرق انا هههههههه
الله يعطيكي العافية يا قلبي طعميلي كنتي منيح إيه اسم الله عليها

لك تكرم عيونك حبيبتي تعالي وإلك أحلى سفرة تليق فيكي لا تخافي ع كنتك من عمرها 5 شهور بطعميها يبرق ومحشي هههههههههههههههههههههه الله يعافيكي يارب كلك ذوق

مع كل الود
♥ تحياتي (^_*) ♥

[شام الهوى]

ياربي كيف بدي حط صورة بالتوقيع وبالصورة الرمزية ماعم يرضى يصير

[@أم يويو@]

المشاركة الأصلية كتبت بواسطة شام الهوى

ياربي كيف بدي حط صورة بالتوقيع وبالصورة الرمزية ماعم يرضى يصير

حبيبتي بالنسبه للتوقيع انت بس عملي نسخ للصوره وحطيها بمكان التوقيع عمليلها لصق وهي تصير انشالله
والصوره الرمزيه احفظي الصوره بشي فايل عندك واحفظيها باسم تعرفيه
اوعلى سطح المكتب واختاري الbrowes من صفحه تعديل الصوره الرمزيه
وشوفي انت وين حفظتيها عندك واكتبي اسمها وحطي الاوكي
ويمشي الحال انشالله
ياريت كون قدرت وصللك المعلومه هيك

[@أم يويو@]

أم ملاك لك ريتو الف صحه وهنا عالمحاشي
والله شهيتيني عليها
مع اني عملتها من اسبوع بس
بس بتعرفي اديش مدلله هالاكله عندنا نحنا السوريين
كلي عنك وعني بوسيلي ملاك
الله يحميها ياارب وتشوفيها عروس

[شام الهوى]

حبيبة قلبي انتي ام يويو
ان شاء الله تجي فرصة وتجمعوا يارب عالخير
اي والله ابني الكبير عمره خمس سنين وبنتي رح تصير اربع والصغير بدو يصير سنتين تزوجت عمري 16 هههههه لسى كنت كتكوتة صغيرة ما
بالنسبة لصور انا المشكلة عم ارسل من الايباد فشلون اعمل

انتي شلون بتلبسي عباية ولا نقاب سؤال بضحك ما بس اذا بزعجك لاتردي عني انا ولله الحمد موباين مني شي خيال اسود ههههههه بس الحمد لله كتير مرتاحة الله يسترنا فوق الارض وتحت الارض ويوم العرض

[@أم يويو@]

الله يخليلكياهم يارب
حبيبتي بالنسبه للصور جربي فوتي من اللاب توب بتصور يمشي الحال لأني ماجربت نزل الصور من الايباد
بالعكس سؤالك كتيرحلو
انا بلبس عبايه وحجاب بس زوجي عم بيحاول معي اني اتنقب كمان
بس لسه مااقتنعت ومشي حالي الله يهدينا ياارب
وبالفعل مافي احلى من الستر
الله يسمع منك