تجمع حــوامل التوائم

[قمرين 2]

سوسو .. وكل البنات اللي يسألون عن حركة التوأم اقولكم لا تخافون راح تحسون فيها قريبا انشاء الله .. عني أنا حسيت بها بنصف الخامس يعني مو من زمان انا الحين بالاسبوع 21 والحركه توها صارت واضحة وأعرف أفرق بين حركة الاثنين الله يحفضهم.

بنات ما زال وانتوا بكرامه الاسهال مستمر ما أعرف شو صار فيني العايله كلها كلت نفس وجبة العشا ومحد صار فيه شي غيري أنا الوحيده ... معقوله يكون من الشمام اللي هو البطيخ الاصفر والله حدي خايفه والدكتوره تقول ما في خطر على الاجنه .. الله يسمع منها .

محجبه ليش الاغماءات يمكن عندج نقص بالحديد لاسمح الله .. والثقل حدث ولا حرج مع التوأم أكيد طبيعة الحمل تختلف يعني بروز للبطن اذا انتي بالرابع يبين بطنج كأنه بالسادس بس يقولون فتره من الفترات يثبت على حجم معين وبعدين يرجع يكبر واذا انتي مو نحيفه وايد راح يبين شكله عادي بس اذا انتي نحيفه راح يبين أكبر من الحمل العادي
والله أنا أعرف وحده لو تحمل بواحد يبين كأن فيها 4 لانها مررره نحيفة وقصيره وتلفت النظر لما تكون حامل أعتقد على حسب حجم الجسم الطول والعرض

[نورة نايف]

صباح الخير يابنات
الله يقومك بالسلامه ياتوامي

[متلهفة لحظوركم..]

سوسو حبيبتي رديت عليك على الخاااص...
قمرين 2 لازم روحين تسوين تحاليل اخاف يكون فيك لاقدر الله تسمم ويضر الاجنه روحي وتطمني وان شاء الله مافيك الا العااافية يارب..
بناااااات مرره شايله هم رمضان عندناا هنا في كندا النهاار مره طويل تخيلوا السحور الساعه 4 والفطور الساعه تسعه الليل ماراح اقدر اتحمل لازم مووويه اعطش بسرعه انتوا وش بتسوون بتصومون ولا لا؟؟؟

[قمرين 2]

متلهفة لحضوركم
الدكتوره اتصلت عليها تقول ما في دواء للاسهال بس اذا صار معاج جفاف راح تعطيني مغذي بس هذا اللي موجود

[محجبه]

قمرين الله يطمنك ياقلبي ارتحت لكلامك بس تعرفين اللي يقوم ويقعد ماعنده احد يساعده لاخدامه ولاشي وعيالي طلبات لازم اشيل هم لبعدين اقول وش اسوي انتي باي شهر وعاااادي اجلس بهذي الاشهر لاني خايفه من كثره الجلوس ماعندي لاب توب خرررربان وكمبيوتراللي اكتب به مكتبي حق زوجي واخاف يأثر على تقدم الولاده
انصحك ماتاكلين شمام ولابطيخ بالذات لانهم ثقيلات على المعده وشلون الحامل مادام عندك اسهال اشربي سفن اب كثير جاااني اسهال الشهر اللي راااح قال الدكتور اشربي سوايل تصير موبارده لانها البارده مره تزيده يعني خليها عشر دقايق بالجو وشربيه مع ترك الدهون كل ذا بس يومين والحمد لله وقف الاسهال مع حبوب سكوبنال حبتين باليوم مده يومين نصيحه قبل الوجبه مع انه طول معي شهر كامل

نوره حياك ربي صباااااح النووووووور


متلهفه مثلك بالضبط خايفة على جسمي لاني لازم على طول السوايل مادري برمضاااان وامي تقول ربي مايكلف على احد

[نورة نايف]

متلهفه لحظوركم اسالي شيخ من اهل لعلم في الصيام ولايكلف الله نفس الا وسعها والله يكوووون معك

[نورة نايف]

كيفك محجبه وكيف الحمل معك

[نورة نايف]

قمرين2انا كان عندي اسهال بشهور الاولى وجلست اكل زبادي واشرب سفن وعليك بلمهلبيه وحدة بوحده والله يكووون معك حبيبتي

[قمرين 2]

محجبة
انا أقعد فترات طويله واذا تعبت تلقيني تسطحت على طوووول
أهم شيء نامي قد ما تقدرين .. انا وحده نوااااامه من الدرجة الاولى وها الشيء مريحني وايد انشاء الله اظل جذي على طول هههههههههههه بس ما أضمنها بعد الولاده الله يعيني
وأنا بالاسبوع 21 ما أعرف اشكثر بالخامس أعتقد انه اخر أسبوع لان السادس يبدأ من 22 اسبوع

[متلهفة لحظوركم..]

ان شاء الله بسأل شيخ والدين يسر..

قمرين 2 .. تدخلين السادس ان شاء الله 22 اسبوع 2ويومين..