♥ تجمع حوامل جمادى الثاني 1435هـ - أبريل 2014م ♥

جوجو1434 · 04-09-2014, 02:12 AM

اخر اخباري

بعد مادخلت لدكتورتي الي كنت اتابع عنها قالت لي خلاص كفايه انتظار لازم تولدين روحي للمستشفى عشان يعطونك طلق صناعي
وزن البيبي كبير وسوت لي كشف عالرحم قالت مفتوح واحد سانتي
صراحه خفت ورحت المستشفى وحجزت عندهم وسو لي تخطيط وكشفيه ثانيه للرحم وقالت الدكتوره مفتوح واحد ونص سانتي
واجيهم الصبح الساعه تسع يعطوني تحاميل
والله يسهلها مدري راح يجيني نوم او لا من التفكير خاصه اني متعوده انام بعد الفجر وهذي غلطتي ودي اجيهم وانا شبعانه نوم

شي ثاني يابنات اقدر اكل شي قبل ما اجيهم او اتوقف من الان
لاني ناويه اكل تمر بس مدري ماعندي خبره

واذا عطوني تحاميل الطلق كيف وضع الصلاة افكر فيها اتوضى واصلي عادي ماني فاهمه كيف الوضع

( ام يوسف ) · 04-09-2014, 02:23 AM

جوجو الله يسهل عليج يارب وكلها كم ساعه واتشوفي ابنك بحضنك
حاولي تنامين حتى تكون عندج طاقه ومن ناحيه الاكل والله ماعندي فكره
انتي متى كان موعد ولادتك المفروض ؟؟؟ وكم يوم عديتي موعدج
وسالتي الدكتوره ع السائل الابيض وشنو قالتلك عنه

بريق اللجين · 04-09-2014, 02:38 AM

مرحبا ياحلواات..يسلمو للي اسألوا عني والله يسمع منكم..
انا للحين على وضعي ماافيه طلق ولا شي..
بس الزكاااام متعبني ع الاخر مو قااادرة اتنفس ...
ومترددة مرة اخذ طلق صناااعي ولا انتظر لما ربي يفرجها من عنده...
اليوووم رحت مشيت بس ماقدرت اطول حلقي يوجعني خفت اتعب اكثر ..
وقبل شوي شربت قرفة اول مرة اجربها بصراحة ..
ودي اوولد خلاص وبنفس الوقت ماادري وش اسوي مع الزكااام هالك جسمي..
دعواااتكن لي بالتيسير ..

( ام يوسف ) · 04-09-2014, 02:44 AM

الله يسهل عليج بريق ويرزقج الولاده السهله يارب
حبيبتي اشربي حليب دافي مع العسل وان شاء الله تخف
انتظري كم يوم حبيبتي ولتستعجلين فات الكثير مابقى غير اسبوع

يارب تسهل علينا يااااااارب

جوجو1434 · 04-09-2014, 09:17 AM

عيونه دنيتي
موعد ولادتي كان يوم الجمعه الي راح
الدكتوره بس سوت لي كشف واستعجلتني عالولاده
والحين رحت الميتشفى انتظرهم يدخلوني
وحاسه بإرهاق مانمت زين البارح
الله يفرجها دعواتكم بنات

دلوعة زوجهآآ · 04-09-2014, 10:00 AM

الله يسهل عليك جوجو
انا ولدت بطلق صناعي
ﻻ تخافي ياقلبي اكثري من سوره الزلزلة وسوره مريم
والله يفرحك بشوفه ضناك

ام عبدالرحمن969 · 04-09-2014, 10:43 AM

نفسيتي تعباااانه احس بطني بيتشقق خلاص ماعاد يكفي للجنين ماشاءالله وعظامه تحك بعظامي من الحوض والقفص الصدري الله يعجل علينا بالفرج

الأميرة شهرزاد · 04-09-2014, 11:10 AM

الله يسهل لكم ياررب ..

ام عبد الرحمن انتي نفس وضعي من كثر الالم مااقدر اجلس
رجله تصفق ف ضلوعي الحمد لله كله باجره
والله يكتب لنا الساعه المباركه ويغرجها ع الجميع يارررب

عاشقة السفر · 04-09-2014, 11:56 AM

وأنا مثلكم أحس بطني بيشق!! ولهذا السبب راح يولد وني الأسبوع الجاي الموافق 18 ! وزنه أربعة يعني إذا وصلت الأسبوع الأربعين أو الواحد والأربعين راح توصل ال5 كيلو !

ام مريم ورحمة · 04-09-2014, 12:27 PM

الله يسهل عليكم وتولدوا بالسلامة
جوجو
الله ييسر امرك ويرزقك الولادة السهلة اللهم ااامين

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
♥ تعالو نلعب ♥ أسم ♥ حيوان ♥ نبات ♥ جماد ♥ بلاد ♥	إحساس إمرأة	ملتقى عضوات حوامل	266	10-04-2014 11:42 PM
@@ :♥♥♥:لذيذ ..طعمه يجنن::♥♥♥ دجاج .. مشـــوي ... مدخن ♥♥♥ ::: بالصوور♥♥♥::.. @@	Mقمة البرااااائهM	قسم التغذية	25	05-01-2013 10:13 PM
♥ ♥ فساتين سهره للحوامل على منتديات حوامل النسائية ♥ ♥	NoNa roze	الموضة و الجمال	10	05-01-2013 06:02 AM
\|♥\|♥\| علمتنى منتدى حوامل النسائية\|♥\|♥\|	NoNa roze	المـنـتـدى الـعـام	20	07-17-2011 09:29 PM