تجمع الولاده القيصريه

[متغليه لعيوني]

اشكركم على الرد طيب انتم تحطوا شي على الخياطه وخياطتكم كيف باينه انا الدكتور قال تحت الجلد الخياطه وفيه غرز من برا بس زي النقط وتحرقني اكثر شي وقت الحر والعرق وايش تسوى تربطوا خلينا ناخذاتجربت كل واحده انا عشاني ما اعرف شي اول مره اولد قيصري كل واحده تكتب ايش تسوي بزات الي مجربين من قبل وكمان الكرش كيف بيروح وربي يسعد كل من ترد

[غنو حياتي]

متغليه

الحمدالله عالسلامه,,الالم طبيعي شوي شي بيخف ان شاء الله

انا كنت انظف الجرح بال"مره"بالصباح المسحه الطبيه بالليل

خذي بالك من ان الجرح يسير رطب

انصحك البسي ارواب فضفاضه لازم تهوي الجرح يعني لا تغطيه على طول
لاتجيه الرطوبه

وماقدامك الا العااافيه ان شاء الله

[متغليه لعيوني]

غنو حياتي تسلمي على الرد

[متغليه لعيوني]

بنات ايش فيكم القروب نايم مافي تفاعل

[غنو حياتي]

هلا وغلا بالجميع

متغليه
اخبارك كيف العمليه ان شاء الله خفت؟
العمليه تبعك ليزر ولا خياطه عاديه؟؟

انا عملتها ليزر ماكان فيه الا خط للعمليه بدون نقط اوشي

ان من كم يم تعبت ,,سار معي املاح
وتكرار الذهاب للحمام الله يكرمكم الم بعد البول
وما اقدر اجلس عشان احس بضغط كبير
ل جلست شويه ,,احتاج اروح للحمام
سويت بحث طلع اللي فيني التهاب بالمثانه
علاجه مضاد"ما افضل اني استخدمه"
الافضل مغلي الشعير, ا وقهوه الشعير
والتوت البري

الان استخدم شراب الشعير
ادعو لي انه يخف لانه كثير تاعبني

كله باجره ان شاء الله

[متغليه لعيوني]

غنو حياتي ربي يشفيكي يارب وترى الشعير مره كويس وانا الحمدالله احسن من اول بس اقلك عادي احط حنى وهرد الحمل خلاني سوده ابغى اهتم بنفسي ايش عندك خلطات او ايش تسوي انصحيني وربي يعطيكي الف عافيه يارب

[حلاااااا]

مرحبا يا بنات اسمحوا لي انضم لكم في التجمع
ولدت قبل 25 يوم قيصريه والحمد لله العملية تمام وعملتها لي الدكتوره تجميليه
بس العضلات اللي فوق الجرح احسها تألمني واذا مشيت لازم امسك بطني
وصار يجيني الم اسفل ظهري هل هو طبيعي يا بنات ؟

طولت عليكم بس اعذروني اول ولاده لي

[غنو حياتي]

حلا
الحمدالله على السلامه
عادي حبيبتي
ترى البطناومكان العمليه اللي حله يحتاج لشهر عشان يروح الخدر اللي فيه
انتبهي
ثم انتبهي من رفع شي ثقيل
وحاولي لما تجلسي لاتضغطي على بطنك
والم الظهر عادي اشربي الماش او الحلبه تشد لك ظهرك

متغليه

يسعدك ربي
انا مأجله خلطات التبييض لبعد الولاده مره ماينفع اعملها الان لان الهرمونات مضروبه خخخخ
انصحك بكريم الجلسوليد والليمون يوميا للاماكن الخشنه الغامقه: الاكواع -الركب-لمشط القدم لاتنسين تلبسي شراب الافضل قبل الشراب تحطي كيس فوقه الشراب شوفي النعوومه
الصنفره ثم الصنفره انا كنت استخدم صنفره المشمش تدي نعومه روووعه
لاتنسين ترطيب يومي استخدمي كريم جونسن اند جنسون بزبده الشيا بجد حلو ويرطب

[حلاااااا]

غنو تسلمين حبيبتي على الرد

[ملكه]

ماشاء الله متى صار فيه تجمع قيصريات ياحليلكم

انا الان والدة قيصري والسبب الجنين نموه ضعيف يعني حجمه اصغر من عمره وذلك بسبب قلة الدم في المشيمة وساااالفه والله مادري عنهم صادقين والا لا بس الحمدلله على كل حال وطفلي بالحضانة الان ربي يشفيه ويعافيه ويرده لي بصحة وسلامة يااااااارب
والتخدير كان نصفي وكل الحريم اللي معي نصفي والظاهر صاير موضة خخخخخخ
والله من جد كل ماشفت حرمة قيصري اسالها وتقول نصفي وحتى يوم طلعوني من العمليات الى غرفة الافاقة لقيت الحريم صاحيات ويتكلمون عادي موتعبانين ولا شي ماشاء الله لان النصفي مايخليك تعبانه الا لما يروح مفعول المخدر خلاااااااااااااص تتعبين وماتقدرين تتكلمين زين وكذا
مادري وش سالفتهم على النصفي !!!!!

وبعد عمليتي كبس مو خياطة ولي الان 9 ايام وجرحي يصب من طرفه شي ماتقولين دم لااا مرة يصير لونه لون دم خفييييييييف يعني مخلوط معه مويه ومرة سايل اصفر مرررررة متخوفة
ابي اسالكم عادي والا لازم اسوي شي ؟؟؟؟