دردشة حوامل القطيف- تجمع بنات القطيف

[*الجوري*]

ام كرار شكلها بنووته لانه بنووته دايمن اسمع تكون مسكره رجوولها

ام حسين الله يسهل عليك ويثبت حملك

[ام حسين الدار]

تسلمي ياجوري
الله اسهل على الجميع يارب اخباركم ياحوامل وش امسوين اتمنى الجميع ابخير
دعواتكم

[نبضة فرح]

هلا وغلا كرووووشات
أخباركم وأخبار النونوات إن شاء الله بخير
الله يثبت لكم ويقومكم بالسلامه يارب
وانا بخير بس صايرعندي دوخه كثير وصداع وألم أسفل البطن
دعواتكم لي...

[درب الحياة]

مرحبا بنات شو اخباركن
بسالكم اكيد عن تجربة انا صار لي يومين ينزل مني افرازات بنية وصرت ارتاح على ظهري واليوم لما تحركت قمت بس اجهز الغدا لي ولزوجي لقيت بعدين ان نزل مني دم احمر على بني هل هذا خطير يعني يهدد بالاجهاض والا كيف ؟
والله اني خايفة من شفت هالافرازات

[نبضة فرح]

أختي درب الحياة
لازم تروحين تطمنين على حملك بالمستشفى لاتسكتين على نفسك
والتزمي الراحه التامه لسلامتك
وربي يثبت لك ويتمم لك على خير إن شاء الله

[nsn]

اهلين بنات وش اخباركم واخبار النونوات
ام حسين ايش اخبارك لاتخافين توكلي على الله والله ينولك الي ببالك

ام كرار طلع جنينك مثل جنيني مايبي احد يشوفه لكن والله يقهرون انا قلت يمكن بنوته لان الدكتورة تعرف ان عندي ثلاث بنات لكن انا عندي انا وزوجي واهلى اهم شي سليم معافى كلهم نعمة من عند الله لكن اختى كانت حامل بولد وكان مسكر رجلة وما عرفوه وحتى ولد حوراء قمر الله يجيبه بالسلامه كان مسكر رجلة


درب الحياة لاتسكتين عن نفسك روحي تظمني وطمنينا

نبضة فرح صار لي مثلك دوخه وصداع ولما رحت المستشفى طلع الضغط نازل ودمي ناقص

[*الجوري*]

اهلين بنووتات اخباركم؟؟؟

اليوم رحت مستشفى وسوت لي دكتوره تحليل روبلا حق الحصبه الالمانيه وقالت مااعندك منااعه

وقالت اذا ولدتي تعالي اطعمك بنووتات خاايفه منو صار معاها كذااا وهل ياثر على جنين ؟؟

[حزن السعوديه ..؟]

كيفك الجوري
اقولك سمعت ان فيه مظاهراات بالقطيف صحيح وش سببهاا

[درب الحياة]

مو انا من يومين لما رحت للدكتورة ماقالت لي شي قالت استمري ع الدفستون والجنين لسى عمره شهر واصلا ماهو مبين احسها ماشجعتني ولاعطتني امل شكلي بكرة بروح مشفى ثاني

[Salam]

مرحبااااااا
توني شايفه التجمع...ومرررررررره تحمست

حبيت انضم ليكم ..اني في بداية حملي الحين ..
بعد حمل ربي ماكتب ليه يكمل..

أسألكم الدعاء