دردشة بنات فلسطين, دردشة حوامل فلسطين, تجمع بنات فلسطين

[Heba T]

حيفا والله جوكم حلو برمضان

احنا ما عنا نسوان اخوة و هيك

هادا تاني رمضان مع زوجي , بس اول رمضان و عنا ميلو حبيبي

رمضان بالنسبة للاكل عادي زي اي شهر بس البختلف العبادات بتزيد

ما بحضر مسلسلات برمضان و النوم عادي مش زيادة بالنهار

تصدقو الليلة السحور راح علينا < ما رن المنبه

[حيفا]

تسلمي هبه
والله بالنسبه للاکل بتصير الکميات اقل من الايام العاديه لانه شوب والناس بتشرب اکثر مما بتاکل وما بتحب ماما يزيد اکل لانه برمضان البايت ما بليق
اليوم انا معزومه عند بيت حماي
کنت حابه افطر بالبيت انا وزوجي لانه اول يوم وهيک
بس خلص حماتي عزمت وزوجي وافق

المهم شو ناويين تطبخوو? ?

[احساس أنثى]

مساكم جوع وعطش واااااااااااااااااااااع هههههه

اجواءكم حلوة ياحيفا ... ربي يهنيكم جميعا ياصبايا

احنا عاملين فتة حمص توصايه من زهران .... مع الشوربة والعصير بكفي على قولة حيفا بنفضل العصائر والسوائل مع هالشوب الاكل مش كتير ... وحرام يزيد وينكب لانو ماحد برجعلو تاني يوم

صبايا كيف الصيام معكم ؟؟ والله انا تعبانه من خواصري كتييييييييييييييييييير عشان مافي سوائل طول اليوم ... طبيعتي بموت بالعصائر والميه ... ربي يهونها

[أم عزمي]

كل عام و أحباب ألبي بألف خير
كيفكم حبيباتي واحشيني موووووووت شو أخبار نتائج توجيهي للي عندها توجيهي
انا كل اللي عندي ناجحين شي جايب 53 و شي 65 و شي 70 و شي 71 و شي 79 و شي 85 و شي 97 شو رأيكم بقرايبي من جميع المستويات ما شاء الله هههههههههه

[أم عزمي]

[quote=حواء مثالية;2410756]سلام عليكم

كيف حالكم يابنات شو اخباركم عساكم بخير

اشتقتلكم كلكم كثير

انا الحمدلله اولدت يوم 10\7

اكلت هوى بالولادة بس الحمدلله ربنا كملي بالسلامة وشفت الاميرة برلنت بخير وسلامة

احكيلكم شوصار معي

يوم الثلاث اذا بتذكروا كان الي موعد مراجعة عند الدكتور لما عملي الكشف حكالي حالة ولادة طبعا انا كان فيا عقل مابعرف وين راح حكيتله هيك بدون مقدمات قلي اه

هلا طلبت اروح على البيت اجيب اغراضي عشان ما كنت عاملة حسابي بقلي ما بتطلعي الا اذا وقعتي على مسؤوليتك قلتله في خطر علي او على البيبي من مشوار نص ساعة حكالي لا بس اليوم لازم اتصلت بجوزي وروح من الشغل التقينا بالبيت ورتبت اموري واطلعت وانا بهلوقت ما كنت حاسة الا بوجع بسيط بسبب الفحص الداخلي الي عملي اياه الدكتور عشان يشوف التوسع

وصلت المشفى الساعة 2ونص عملولي دخول اجا الدكتور وعملي كمان مره فحص داخلي لقي التوسع زايد عندي وبالفعل بلش الامور تقلب جد معي هههههههههههه على اساس انها كانت مزح والله كنت مثل المضروبة على راسها مش عارفه افسر حالتي

حطولي التخطيط صار الطلق متواصل عندي واستغرب الدكتور كيف هيك بسرعة عطول طلعوني على غرفة الولادة نزلولي مية الراس وهوووووووووووووووووون بلشت الحفلة هلا كان الخوف على برلنت انها ما تتحمل الطلق وانه ولادتي تكمل طبيبعي طول ما هي بخير بعد ساعتين طلق والم ومعاناه اتقررت الي العملية لانها برلنت تعبت ونبضها صار يخف طيعا خير مثل الصاعقة نزل علي بالي صارلها اشي حكالي الدكتور عشان هيك ما تتعب وعشان وما تحتاج حضانة وتكوني انتي وهي منيحة لازم عملية طبعا ما ترددنا ثانية عطول وقعنا على العملية وباقل من ساعة كانت برلنت مولودة

الحمدلله على كل حال والحمدلله على نعمة الامومة ودعيت ربنا ما يحرمها لحدا ودعيت الكم كلكم

بنوتي اجت صغيرة بس مثل القمر وزنها 2 كيلوا

اتعبت كثير بالولادة لاني جربت الجهتين اطلقت وكمان عملية فالوجع كان انسوووووووووو

[/q
يا عمري ألف الحمد لله عسلامتك و سلامة أمورتك أنا حاسة فيكي لنه حصل معي متلك تماما خافوا على هويدة لما كانوا حاطين التخطيط حسيت انه في شي مو منيح يعني افتكرتها ماتت اسم الله عليها لهيك قررولي عملية بعد ما انسطحت بالطلق متلك تماما يلا صح تعبنا فيهم بس و الله انهم بالدنيا كلها و الحمد لله على كل شي

[احساس أنثى]

هلا ام عزمي منورانا ... حلوة نتائجكم ^_^ من كل المستويات فعلا

كيف بنوتك القمر ؟؟ مغلباكي ولا عاقله وشاطره ؟؟ هههههههه

[مسك السنين]

بنات اانا نويت الصيام وع قبل العصر افطرت لانو اغمى عليا :(
نفسي بتحاسبني

[احساس أنثى]

حبيبتي مسك ليش نفسك تحاسبك انتي معك رخصه ... عادي ياعسل لاتذنبي نفسك

كلو حتقضيه ان شاالله

[maisa odeh]

[quote=مسك السنين;2423448]بنات اانا نويت الصيام وع قبل العصر افطرت لانو اغمى عليا :(
نفسي بتحاسبني[/quot


اكيد نفسك ما بتحاسبك انا رمضان قبل سنتين كنت برضع بنتي وكنت ازا ما اكلت تصيبني غيبوبه سكري من نقص السكر والفيتامينات كنت مرات افطر

وحتى بحملي هدا ازا صارت معي راح اطر افطر هادي رخصه من ربنا وربنا تحب ان تؤتى رخصه


بس عارفه انصحك هالنصيحه وازا اعتمدتيها انشالله راح تتلاشي هدا الشي كلي على السحور تمر واشربي لبن لانوه سبحان الله التمر في كل فؤائد والفيتامينات وما تهكلي هم ازا كنتي ب اي شهر ربنا بارك بالتمر واكبر دليل انوه ايام الرسول صلى الله عليه وسلم كان طعاهم التمر واللبن والماء وربنا يعينك لكن انا بحكيلك ازا ما كان عندك القدره بالمره على الصيام لا تغامري وتصومي لانوه لما بنئص السكر عندك بنئص عند الجنين وهدا شي مو منيح بالمره والله يئومك بالسلامه حبيتي

[maisa odeh]

اول شي الحمدلله اللي ائدرني اصوم اول يوم والله هونها علي وانشالله بائي الايام يكون هيك

اناحابه احكيلكم عن اجواء رمضان ب بيتي بما اني الحمدلله صارلي متزوجه 10 سنه وهادي ال11

طبعا شكلي اكبر وحده فيكم وعندي خبره \\


اول ما تزوجت كنت افطر اول يوم عند اهل زوجي هيك عاداتهم الكل بجتمع بنات واولاد

بس صراحه بعد فتره صرت احب اخصص اول يوم برمضان بالبيت وافطر انا وزوجي وهلا طبعا ما شالله ولادي كبروه عندي ولد بصف تالت طالع هلا ع رابع وبنت طالعه ع تاني وبنت عمرها 3 سنوات و7 اشهر

فبفطر اول يوم معهم

عنيد طبع بحب اخصصطقم صحون خصوصي بطلعوه بس برمضان بس صراحه اكلي ما بزيد عليه غير الشوربه والكبه والسمبوسك والاكل ب اقل من المعتاد مع العصائر طبعا وبنفطر على السفره بالعاده ما بناكل على الطاوله الكبيره بناكل على وحده صغيره عندي للايام العاديه اكيد حلو نميز رمضان طبعا اكيد زياده بالطاعات وبنئعد انا وزوجي والاولاد نتحاور بامور دينيه زوجي الحمدلله كتير ملم بالدين والحمدلله فبحكي للاولاد اشياء بتخص عمرهم والحمدلله اليوم صامو ولادي طبعا الحمدلله برضوه بصلوه الصلاه بس ما كتير بنشدد عليهم مشان ما يكروه الصلاه بس الحمدلله بصلوه وبحبوه هدا الشي والحمدلله


وهيك بنئضي ايامنا برمضان مع الحلو طبعا بس ما بعمل حلو كتير بس بعمل الاشيا اللي بحبوها