دردشة بنات فلسطين, دردشة حوامل فلسطين, تجمع بنات فلسطين

maisa odeh · 07-19-2012, 08:47 PM

كل عام وانتو بالف خير ورمضان كريم وانشالله الله يئدرنا ع الصيام

ثبت بكره اول ايام شهر رمضاااااااااااااان الكريم يا ربي يتئبل الطاعات منكم كلكم

احساس أنثى · 07-19-2012, 11:41 PM

كل عام والجميع بألف خير ... أكيد الكل برتب لرمضان لهيك مافي حد هون

احنا عمي مابحب هادي الامور عنا رمضان زيو زي اي شهر من ناحية الاكل ... الناس عندها برمضان شووووو تقول ماعمرها شايفه الاشي ... ههههههههه وأنا بأيد عمي

غموض ذكرى زواج سعيد وحلو مصادف مع اول يوم رمضان ربي يجعلها سنة حلوة عليكي

شو سما شكلك ماحتصومي ؟؟ أنا باذن الله حصوم مع ان الكل بقلي افطري بس مابدي ربنا بيعنا والنا الاجر ان شاالله

انا بستنى بكره لاسمع مغامرات الحوامل مع الصيام بتفوتو وتحكولنا هههههههه خاصه حوامل الشهر الأخير بينك روز لأنو متعب جدا ^_^

عسولة فلسطين · 07-20-2012, 12:50 AM

مساكم كل فل وخير يارب
رمضاااااااااااااااان كريم عليكم وع اهلهم وأزواجكم وبيبياتكم يااااااااااااااااااااااارب
غموووووووووووووض .... ان شاء الله بيكون وجه رمضان خير عليكي حبيبتي
احساس واحنا متلكم الحمدلله ما فيه شي بينقص بالبيت عنا كل شي موجود يعني زيه زي اي يوم

احساس أنثى · 07-20-2012, 01:09 AM

سهرانه عسوله ؟؟ شو حتضلي صاحيه للسحور ^_^

احنا رمضان لافات ماكنا ننام نبقى صاحين للسحور نتسحر وننام للظهر نقوم نصلي ونقرأ قرءان وتبدأ الحياه هههههههه

maisa odeh · 07-20-2012, 01:11 AM

مرحبا صبايا ما بعرف انا عم يوصل حكيي لانو ما حد اتزكرني اليوم حاسه انوه ما بعرف

بتمنى الرد علي

وانا احساس وعسوله صراحه زوجي ما بحب الزياده بالاكل والبهوره الزايده يعني بس بتزيد الشوربه والسمبوسه على اكلنا ولا بائي الاشيا عادي متل دايمااااااااااااا لانوه رمضان للعباده مو للاكل والطبخ

احساس أنثى · 07-20-2012, 01:21 AM

ربي يزيدكم من نعيمو دائما ياعسوله وميسا

ميسا ليش زعلانه ؟؟ انا شفت ردودك كلها شو يلي مزعلك انتي طارحه سؤال شي؟؟

احساس أنثى · 07-20-2012, 01:37 AM

تصبحون على خير ,,,اشوفكم غدا بعد الساعه 3 عشان يكون في كهربا ^_^

غُمُوض أُنثَى · 07-20-2012, 02:22 AM

يسسلللَمو مـآيآ واحسآس وميسآ وعسووووولة

الله يخليكم يـآرب وان شاء الله رمضآن يكون وجه خير عالجميع

-
ع فكرة في تونس مافي مسحرآآآتي وانا كتير زعلت عشان هالشي لانه احلا شي جو المسحراتي في رمضان :(

بس جوزي الله يخليه ما حرمني ههههه رآح جآب طنجرة وقعد يطبل فيهاآ

ايش بتطبخو اول يوم في رمضآن ...؟؟؟؟

احنا معزومين اول يوم ان شاء الله بكرآآآ ريحوني

حيفا · 07-20-2012, 04:26 AM

صباحکم طاعات مستجابه
ورمضان مبارک عليکم اجمعين
بتتسحرو وبتسحرو العيله ولا لاء
يلا نحکي کل وحده عن عادتنا برمضان
انا رح احکي عن عاداتنا ببيت اهلي لانه لسا اول رمضان عند زوجي
مممممم
طبعا کانت العيله کلها تضل سهرانه للاذان
نتسحر نقرأ قران ونصلي
وننام للضهر
في من اخواني کانو يضلو لقبل العصر بشوي مشان يصلو الضهر وبثدها العصر بس انا مش نويمه متلهم يعني کنت انام عالخمسه الصبح واصحي 11-12 الضهر
المهم بعد العصر بروحو اخواني الشباب علي وسط البلد بلتقو مع اصحابهم وبشترو العصائر وااحلو
واحنا في البيت بنکون نجهز بالفطور
انا تخصص سلطات نسوان اخوتي بطبخو
هاد طبعا اول يوم بجتمعو اخوتي ونسوانهم وولادهم عند ماما وبطبخو مع بعض
المهم بنجتمع عالسفره کلنا قبل الافطار بعشر دقايق وتقريبا هاي احلي دقايق برمضان
اللمه والجمعه
بنفطر
بعد الافطار اخواني بطلعو يدخنو ويشربو قهوه نسوانهم ذانا بنجلي الجليات
شوي کل واحد بروح بيته وبنضل انا وماما واخوي الصغير
کنا اما ننزل عند دار عمي او هم يجو علينا
نجتمع احنا البنات وننزل ع لاه التراويح
وهيک لتاني يوم

الله الله ع رمضان حلاوته
ع فکره احنا عيله ما بنحضر تلفزيون برمضان الا بالنادر يعني
انا مش کتير بحب احضر مسلسلات

المهم کل عام وعنتو بخير وان شاء الله طاعاتکم مقبوله

حيفا · 07-20-2012, 04:28 AM

اعذروني عالاخطاء الاملائيه لاني بکتب من الموبايل

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	15243	06-15-2013 02:43 AM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
دردشة حوامل اهل فلسطين الغاليات ^_^	* ام لؤي *	إستفسارات حوامل من الشهر السابع إلى الشهر التاسع	2433	01-02-2012 09:14 PM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
بنات فلسطين الغاليه..كيف تعيشون؟؟	دلع	منتدى الحياة الأسرية والزوجية	18	07-17-2010 05:18 AM