.·¤ تجمع الحوامل اللي ولادتهم في محرم¤·.

[ملكتني بهمسك]

جنان الورد ههههههه كانك تتكلمي عني انا زيك انام والخمول والارهاق والكسل والعطش هههههه خلاص باسميه غرفتي الثانيه

عيش الحياة انا اخذ حبوب نافيدوكسين حق الغثيان بس الى الان مستمر مره تاعبني والتمر ما اقدر اخذه يجبلي هبوط والشاهي الاخضر قصدك شاهي نعناع ولا حق لبتون الاخضر ولا ايش قصدك ؟

[عيش الحياة]

قصدي شاهي اخضر حق ليبتون علاقة

[اعز الناس عافوني]

انابعد مثلكم جايني خمول وكسسل احس رجعت اتوححم اخس من قبل
حتى زوجي صار مثلي هههه شكلي عديته هع

[ملكتني بهمسك]

عيش الحياة بس انا ما احبه بس اذا بيشيل الغثيان باستخدمه طيب اقدر احط عليه سكر

اعز الناس عافوني هههههه اصلن الجو مساعد على كذا

[ملكتني بهمسك]

قراءة هذا الموضوع فحبيت انكم تستفيدو معايا

خلال مواسم الانفلونزا لعامي 2009 و 2010, تلقى الملايين من النساء الحوامل اللقاح ضد انفلونزا الخنازير
( h1n1) ، ولكن لم يرد حتى الآن سوى أقل من 300 مضاعفة محتملة في قاعدة البيانات الوطنية.


ووفقاً لتقرير جديد للحكومة والتي تحصي المشاكل الصحية التي تحدث بعد التطعيم فإنه على ما يبدو أن اللقاح ضد انفلونزا الخنازير (h1n1) آمن للنساء الحوامل.

يقدر الباحثون أن من أصل مليون امرأة حامل قد تلقوا اللقاح، فإن 118 منهن قد تعرضوا للآثار الجانبية المحتملة من المطعوم.

وقال مؤلف الدراسة الدكتور بيدرو مورو من المراكز الأمريكية لمكافحة الأمراض والوقاية منها أن هذه النتائج تدعم توصية رسمية بضرورة تلقي النساء الحوامل للقاح الإنفلونزا الموسمي ، والذي سيحتوي على لقاح h1n1 في موسم الأنفلونزا القادم.

وقال مورو لوكالة رويترز هيلث: "بناء على جميع المعلومات المتوفرة لدينا ، فنحن نعتقد بالتأكيد أنه ينبغي على النساء الحوامل أن تتلقى لقاح الإنفلونزا في موسم 2011-2012 " . وأضاف قائلاً: "إن لقاح الأنفلونزا سيحمي النساء الحوامل وأطفالهن الذين لم يولدوا بعد ، وحماية الأطفال أيضاً ما بعد الولادة".

بالمقارنة مع النساء من نفس الفئة العمرية الذين ليسوا من الحوامل والأمهات يتوقعون أن يكونوا معرضين أكثر للمرض بشكل خطير من عدوى الأنفلونزا والحاجة إلى الدخول إلى المستشفي.


في التقرير الأخير الذي نشر في المجلة الأميركية لأمراض النساء والتوليد ، أفاد باحثون أن لقاح انفلونزا الخنازير, لم يظهر عنه أي أعراض خطيرة في النساء الحوامل.

وفقا لمركز السيطرة على الأمراض، بلغت نسبة النساء الحوامل واحد في 20 حالة وفاة بسبب أنفلونزا h1n1 في عام 2009. وبالمقارنة ، كان واحدا فقط في 100 حامل في السكان. أحدث النتائج تنبع من البيانات المقدمة من نظام الإبلاغ عن الآثار الجانبية من اللقاح ، ونظام مراقبة سلامة اللقاحات التي تديرها الحكومة الاتحادية. أنها تسمح لأي شخص -- بمن فيهم الأطباء وصانعي اللقاحات والمرضى -- تقديم تقرير المشاكل الصحية التي تنشأ بعد التطعيم.

ويساعد هذا النظام مسئولو الصحة بتسجيل أي آثار جانبية غير عادية أو جديدة،

[عيش الحياة]

ملكتني
عادي حطي سكر واشربية دافئ وان شاء الله يريحك
وانا استخدمو كمان لما احس نفس كسلانة وخملانه وسبحان الله اتنشط وما في احد يجهل فوائد الشاهي الاخضر فوائده جدا كبيرة على الصحة

[ملكتني بهمسك]

اكيد له فوائد كثير بس انا كنت امتنع عنه فترة الحمل اول ما اولد ارجع اشربه بس باجر اذا انتي مجربه في الحمل

[Marawy]

مرحبا يا كروشات ،، شخباركم ؟ وشلون النونوات الحلوين ؟
هاليومين انشغلت شوي ،، الخميس بديت حملة تنظيفات وتعديلات في البيت مع زوجي لان رمضان قرب ،، >> كل سنه لازم تغيير الديكور ههههه
غيرت ديكور الغرفه وصارت واسعه اكثر ،، تمهيد عشان تكفي لسرير البيبي ههه

امس الجمعه كنت في بيت اهلي وبعدها رحت مذركير ،، مجمع السيف ،، التخفيضات روعه بصراحه ماقدرنا نقاومها انا وزوجي ،، اخذت الاغراض اللي بقت لي ،، وهي:
طقم الاستحمام ( بانيو + الفوطه + بانيو الصابون + فرشاة للشعر خشنه + مقياس لحرارة الماي + اسفنجه صغيره ،، ) وكثير شغلات معاه بصراحه وسعره روعه ،، قبل التخفيض ب 30 دينار (300 ريال) واخذته ب 21 دينار (210 ريال)
اخذت معقمة المراضع من ماركة مذركير ،، حلوة وانيقه ،، عجبتني بصراحه ،، والحلو فيها انها تشيل كثير مراضيع وبنفس الوقت سهله وفيها فرشاة لتنظيف المراضع اخذتها ب 35 دينار تقريبا (350 ريال)
وطقم النظافه (مقراض + مقص + مقياس درجة حرارة الماي + مقياس درجة حرارة البيبي اللي من الابط + منظف الانف + منظف اللسان للرضيع + مشط + وكثير شغلات بشنطه وحده كامله) سعره ب 17 دينار (170 ريال)
واخذت لهايات ثنتين من 0-3 ماركة افنت عجبوني ،،
ومقسمة الحليب ماركة مذركير ب دينار ونص (15 ريال)
ومقياس للحراره من الاذن ماركة مذركير ،، شكله حلو وسعره 18 دينار (180 ريال)

اليوم رحت اخذت الاغراض الباقيه من سنتر بوينت ،، يعني الحين اكون خلصت كل شي ويبقى لي اغراضي انا من ملابس وبجامات وملابس داخليه وعطر لي وللبيبي ،، والتوزيعات ،، هذي راح اقضيها في بداية الشهر التاسع باذن الله عشان الملل يروح عني ،،

بخاطري احط لكم الصور والاغراض بس اشبك من جوالي وصعبه انزل الصور ،، راح احاول الاقي طريقه ان شاء الله عشان تشوفونهم ،،

[Marawy]

الموقع كان مو شغال عندي مادري اشفيه،، من امس ،،

اسمحولي ماراح اقدر ارد عليكم كلم لان الصفحات زادت علي ،، بس راح احاول ارد على اللي اقدر عليه ،،

ستار ،، الشر مايجيج يالغلا ،، تسلمين حبيبتي ،، وماعندي فكره عن الطيور لو تؤذي الحامل او لا ،،


عبير ماعليج الا العافيه فديتج ،، وربي يهون عليج وعلينا يارب ،، ويبعد عنج كل شر ،، وربي يسمع منج ويكون مافي اي شي ،،


عيش الحياة ،، ربي يحفظ لج علاوي يارب ويتمم لج على خير ،، الصوره خليها ذكرى عشان تشوفها زوجته واعياله لما يكبر ههههه يافضيحته حزتها ،، وماعليه شر فديته ،،
وان شاء الله ما يكون فينا سكر الحمل ،، الوالده عندها الجهاز بس ما جاتني الفكره اجرب ،، راح اجرب المره الجايه ان شاء الله ،، سلامته الوالد وربي يحفظه لكم يارب ،،


احب دادو ،، ربي يبعده عنج يارب ،، وايوه هذا يعتبر وراثه ،، الله يشفيهم ،، انا عملوه لي بعد ما شافت ان بالبول باين عندي سكر ،، وقالت تبي تتأكد اكثر من الدم ،، ان شاء الله يطلع لي بس بالبول مو بالدم ،،


سيدرا الفهد ،، ربي يرد زوجج بالسلامه يارب ويحفظه لج ان شاء الله ،، ادعي له ،، ومبروك دخولج الخامس ،، ممكن يكون فيج بنوته حلوة ،،


ملكتني بهمسك ،، ربي يحفظ زوجج ويرجعه لج سالم ولاولادج يارب ،، وربي يسمع منج وما ننحرم من لحظة الولادة ونشوف النونو اللي احس نفسي راح اكله من شوقي له ،، ربي يوفقج وتكملين دراستج يارب ،، ونشوفج بأعلى المراتب يارب ،، انا لما كنت بأول الشهور صبغت شعري وانا مادري اني حامل ،، وبعدها بكم اسبوع حللت وطلعت حامل ،، الحمدلله ،، الحافظ الله ،، ولو الله كاتب يصير بالجنين شي راح يصير له بدون ما نصبغ ،، ربي يحفظ اجنتنا من كل شر يارب ،، وبالنسبه للتشقير ،، من اسبوعين تقريبا شقرت حواجبي بعد ما سألت الدكتورة وقالت مافي مشكله لان دخلتي الخامس بس يفضل تبتعدين عنه مو بكثره تسوينه ،، اتوقع دام انتي الحين عديتي الثلاث شهور الاولى اصبغي شعرج مافي اشكال ،،
ان شاء الله بعد الولاده مفكره اسوي بعد هايلات لون فاتح كثير ،، عشان اغير شوي لزوجي ،،
انا الغثيان يجيني اوقات واوقات انساه ،، بس المفروض ان يوقف الحين ،، لكن شكلي مستمره وصامده عليه ،، ههههه الله يعين بس ،، واخذت حبوب نافيدوكسين لحد الشهر الرابع بس بعدها خلاص وقفته لاني احس نفسي كبرت عليه ،!

[االـ م ـهـــااا]

...............................