دردشة حوامل مصر - دردشة بنات مصر - تجمع حوامل مصر

somia · 10-28-2010, 10:03 PM

لولوو معاكي حق تضايقي بس خلي بالك من حاجة الراجل مستحيل يقبل كلمة عن أخته أو أهله من مراته حتى لو معاها حق ...لولومتقطعيش معاهم عشان زوجك ميزعلش حاولي تتصلي تقوليلها حمد لله على السلامة وخلاص مش هتفرق معاكي كثير بس هتفرق مع زوجك بس عارفة انا عايزاكي تسأليه هما كانوا مخبيين عليكي ليه يمكن ميكنوش مخبيين ولا حاجة وجت فعلا بسرعة وانتي فاهمه غلط

ملاك بلا أجنحة · 10-28-2010, 10:10 PM

بصى ياحبيبتى أنا حاسة بيكى أنك مخنوقة من الموقف
وحاسة انك المقصودة
بس عادى أنتى حاسة كده لأننا بالفعل فى فترة الحمل بنكون حساسين
اتجاه أى حاجة تحصل

عادى زى ماأنتى بتقولى أنتى مش هتحسديها ولا حاجة
بس لو هتتكلمى مع جوزك يبقى براحة

قوليلو مثلا /كده ياخويا مش تقولى أن أخت مسافرة
ياعنى بهزار ودلع كده
مش تحسسيى أنه غلطان او خباه عليكى حاجة
عادى بس من غير خناق
وعلى فكرة كل واحد عنده أهله غالين
لو هو زى ماأنتى بتقول مش بينصفك أبدا
فحاولى أنك مش تحسسى أنك مضيقة
عادى سيبى الأمور تمشى عادى
حاسيسى أنك عاوزة تقربى ليهم
دايما ووصي أنه يسأل عنهم
ويطمن عليهم
صدقينى هتكبرى فى نظره جدا
وهيبقى عند ربنا حاجة كبيرة أنك
بتخلى يصل رحمه
ومعلش أتصلى بيها
قوليلها الحمد لله أنك وصلتى بالسلامة وأتطمنى عليها
ياعنى حاولى تحسنى أنتى العلاقة بينكم
وربنا يهدى بأذن الله
وربنا يجعله فى ميزان حسناتك
لو ليكى أى تعليق على كلامى قولى
أنا مش هزعل

somia · 10-28-2010, 10:11 PM

لولو انتي معايا؟؟؟؟؟؟؟؟؟؟؟؟؟؟؟

dr.princess · 10-28-2010, 10:11 PM

انا عارفة يا سمية بالذات جوزى بيحب اهله بجنووووون
بس انا متغاظة عايزة اتكلم وخلاص واكيد مش هغلط فيهم بس الحركة فارسانى
وبصراحة مش عايزة اكلمهم دى اخته الكبيرة ماكلمتنيش من يوم الخطوبة الا مرتين يوم الصباحية ويوم ماعرفت انى حامل بعد ما لمت على جوزى انهم ليه مبركوليش فانا شاكة انه هو كمان اللى قالها تتصل والتانية حتى متصلتش تبارك استنت لما نكلم حماتى على النت وهى طبعا عندها فباركتلى بالمرة

MALAK2010 · 10-28-2010, 10:13 PM

انا نمت على الجهاز هههههههههههههههه هو انتوا بتناموا امتى

MALAK2010 · 10-28-2010, 10:15 PM

احمدى ربنا انهم باركولك على الحمل هههههههههه اهئ اهئ اهئ

ملاك بلا أجنحة · 10-28-2010, 10:15 PM

لولو قرأتى كلامى ولا لسه

dr.princess · 10-28-2010, 10:16 PM

طمطم
هم اصلا كمان مقالوش لجوزى لانا مكلمنهمش على النت من الاسبوع اللى فات الا اول امبارح
ولما بنكلمهم بنشغل السماعات مش المايك فكل الكلام بيبقى مسموع
فهم كمان لسه قايلين لجوزى جايز زيادة فى الحرص ولا ايه مش عارفة هههههههههه
والله انا اوقات اقوله احنا اتاخرنا على الجماعة بقالنا كام يوم متكلمناش يللا نكلمهم مع ان ربنا يعلم المكالمة دى تقيلة على قلبى اد ايه

dr.princess · 10-28-2010, 10:18 PM

ملك
ما انا قلت واحدة بعد ما جوزى قالها والتانية استخسرت وقالت ماهى كده كده على النت اقولها اوفر برده ههههههههههه

dr.princess · 10-28-2010, 10:20 PM

معلشى يابنات
ماما بتكلمنى شوية وارجعلكم تانى