أحلى تجمع لحوامل التوأم الجزء الرابع

[ward22]

مسالخير وكل عام وانتم بخييير
الله يسهل لنا ولكم الصيااام وقبوله يارب العالمين ..
مررة فرحت بهالتجمع ويارب يكون نشيط ونتعاااون ..

انا بكرية عمري 27 حامل بعد تجربة حقن المجهري الثانية والحمدلله ع توفيقه
امس كنت اخر يوم بالاسبوع السابع وعملت السونار وشفت النبض واتطمنت اللهم لك الحمد كثيراااا
واتفاجات كتييييير بالتوينز لانه بالاسبوع الرابع كنت عملت وقالتلي كيس واحد ..

الحمدلله كثيرااااا من قبل ومن بعد ةالله يتمم لي ولكم ع خير ..
انا ياحبيباتي حمدلله ماشالله ماعندي دم ولا افرازات ولا الم يعني وضعي تمام
بس باخد تحاميل مرتين سايكلوجيست

والدكتورة قالت عنق الرحم تمام بس ماقالت كم طوله وانا نسيت اسال
انا من يومين ذابحني التفكير اعمل ربط او مااعمل
كثير امهات توائم مايعملوا وحمدلله وكثير بالمقابل حملهم مايكمل بعدم الربط
فانا خايفة
ماابي افرط بسبب اقدر عليه وباذن الله ممكن يحمي من انفتاح الرحم المبكر
شوروا علي

وايضا الدكتورة شافت 3 اكياس 2 منهم اجنة سليمة ونبض اللهم لك الحمد
الثالث اكدتلي انه كيس فارغ وراح ينكمش ويتلاشى لحاله
تتوقعوا في احتمال لو بسيط انه يكون فيه جنين ?
اناا مااتوقع لاني حقن مجهري يعني الاجنة كلها بنفس العمر وكان هيبان زي البقية لو كان في جنين
طبعا انا افكر بهالشي خوفا منه مش رغبة فيه لان الحمل الثلاثي صعب

ومااقول الا الله يكتبلنا ولكم كل خير ويبعد عننا الشر
ويسهل لنا حملنا وولادتنا وسلامتنا واطفالنا ويقر اعيننا بهم يااارب

[لذة الصبر لاتقاوم]

كيفكم كروشات انا صمت اول يوم وبالعافيه كملت واليوم فطرت ذبحني العطش ولاحظت مع الصوم تخف حركت التوينز فحفاظ على صحتهم بفطر والله يعيني اقضي بعدين

ورد الله يتمللك انتي يلغلا نفس وضعي بظبط بس انا الجنين الثالث نزل علي ببداية الثالث وادوني ابر مثبته وبعدها قررت اعمل الربط على نهاية الثالث واستتخدمت السايكلوجيكت الين بداية الثامن ووقفت بس كانت شرجيه والحمدالله مابقي شي على ولادتي دعواتكم لي ونصيحه سوي ربط خذي بالاسباب عشان لاتندمين وبالاول والاخير ماراح يصير غير الي ربي كاتبه

[ضي الروح]

هلا بنات الله يقويكم
ورد مبارك الله يتمملك
انا زيك والثالث شلته والاثنين كملوا الحمدلله الله يحميهم بس ماعملت ربط ومن الرابع وقفولي المثبتات طبعا جتني ولادة مبكرة ع نهاية السابع واوالادي الحين بالعناية استخيري والي ربي رايده بيصير

لاتنسوا زياد ويزيد من دعواتكم بنات ان الله يطلعهم من العناية بالسلامة ويقر عيونا فيهم عاجلا غير اجل يارب

[نبض عبؤدي]

مرحبا حبيباتي شلونكم
اتمنى الفرح الانتفاخ شي طبيعي حبيبتي انا بداء معي من الشهر السابع بس حللت وطلع مافيني زلال بس قالولي من الشغل والوقفه الطويله .. ضي الله يقر عينك بشوفه عيالك بحضنك ويطلعولك بالسلامه .. لذه انتي زيي بالضبط صمت اول يوم ومتتت عطش واهلي وزوجي قالولي افطري سئلو المششيج وقال اذا تتعب مع الصيات تفطر وتقضي الله يعذرنا يارب .. كان ودي اصوم بس سبحان الله والمشكله صار معي من اسبوع التهاب لثه واسنان العقل اوف متعباتني مو قادره اكل
ادعولي بالشفاء وان الله يتمملنا ع خير انا وخواتي الحوامل
ورد حياك ماعندي اجابه لسوالك

استغفر الله واتوب اليه

[ward22]

لذة ..

ماشالله تبارك الله ربي يتمملك ع خير يارب ..
انا ماظن ان الثالث فيه جنين بس تدرين الشك ذبحني
انا بالاسبوع الثامن قلت بروح الاسبوع ال 12 للمستشفى واشوف
وبستخير قبلها والله يقدم اللي فيه الخير ..
بس انا حيل حيل مرعوبة من فك الربط لانه بدون بنج فكيف يكون
ع قد مابحثت ولا وحدة كاتبة بالضبط كيف يفكونه

الله يتمملك ع الف خير وتفرحين بجيتهم بالسلامة وتبشرينا يارب ..

.
.

ضئ ..

يارب الله يردهم لحضنك بالسلامة عاجلا غير اجل يااارب ..
انا الثالث زي ماقلت اكدولي انه فاضي بس حجمه شككني ..
كيف سحبوا الثالث ?
ايش كان سبب انك ماعملتي ربط ?
وهل لو كنت براحة تامة اقدر اتفادى انفتاح الرحم البكر بدون ربط ..

.
.

نبض عبودي ..

الله ياجرك ويكتبلك نية الصوم يارب مأجورة ومعذورة ..
انت زيي اسناني العقل ماجت الا هالوقت اخ بس
الله يعزينا للولادة ع خير ونشووف صرفة معهاا
الله يرفع عنك ويسهللك ..

.
.

ويابنات ياريت اللي ولدت عالتأمين تقول وش تأمينها وكيف غطى الحضانة وخلافه ?
اعذروني ع اسئلتي يااااااكثرها .. ربي ياجركم عالافادة يارب

[لذة الصبر لاتقاوم]

ورد ترى حملك حساس زيي بس انتي تلقيح وانا انابيب انا قالتلي مابفتح الربط الا بعد العمليه وانا بتخدير لانها قررتاي قيصري نصيحه ارتاحي ولاتوقفي كثير خليك نايمه ابتعدي عن العلاقه الزوجيه واستودعيهم الله كل يوم ولاتنسين الاذكار ع طول ويارب يثبت حملك وتشوفين توائمك

[ضي الروح]

هلا بنات الله يسعدكم عالدعوات والله يتقبلها يارب
ورد ياعيوني الثالث سحبوه بالشفط عملية اختزال في الاسبوع الثامن تقريبا والحين لمن اتذكر اقول الحمدلله اني شلته مع ان كان قلبي يعورني بس لو خليته كان ولدت يمكن عالخامس ولا بقالي احد والعياذ بالله الله يحفظ توامي يارب
وماعملت ربط لان الدكتور قالي خليه عالسبوع ال١٤ نراقب عنق الرحم ونقرر ، وش حصلي بالاسبوع ال١٤ ؟؟ سويت عنليتين طارئة في الامعاء حصل عندي التفاف وانسداد وتغربلت وقعدت اسبوعين فعذاب الحمدلله لين طبت كان فات موعد الربط وكملت بدون ربط والحمدلله خيرة ربنا واوتقع لو ربطت كان تمزق عنق الرحم عندي لان جاتني الرلادة المبكرة والرحم مفتوح ٤ ل ٥ سانتي وانا مو عارفة ان فيني ولادة احسبه الم عادي !!!! قدر ولطف الحمدلله

والراحة مااتوقع لها دخل ترا حجم الرحم يحكمممممم انا عمري ماولدت ولادة مبكرة واجيب عيالي ماشاالله ٣ كيلو وفوق بس التوام ماتحمله الرحم سبحان الله
هذا وانا بشغالتيني ماشاالله وماخذة اجازة من الدوام ومريييحة صحيح اني ادخل واطلع من بداية السادس ووقفت في المطبخ شوي بس قالتلي الدكتورة ماله اي دخللللل سبحان الله
واهتمي بانوم ترا يزيد اوزان البيبيهات وهالشي ساعدني كنت انام كثير وجا اوزانهم مساعدة نوعا ما متقدمين ع السابع ماشاالله تبارك الرحمن بس رجعت نزلت اول الايام لان كلها سوايل
انت سوي الي عليك وتوكلي ع الله والي الله كاتبه بيصير الله يتمملك ع خير يارب ويقر عينك والجميع بشوفتهم سليمين معافين

زهرة الكاميليا
سالتي عن خلطة للغازات باعطيك وبتدعينلي: كراوية ويانسون وشمر حبوب اخلطيها وخليها فبرطمان وخذي ملعقتين صغيرة اغسليها وحطيها بالموب وصبي فرقها موية مغلية وغطيها ع طول ولمن تبرد شوي صفيها واشربيها كلها ساعتين بالكثير والغازات تنفك من بطنك فك وانت بخير
وبوسيلنا الامورات

[اتمنى الفرح]

متابعة معكم الله يفرح قلوبكم
هلا ياورد والله يتمم لج على خير

[زهرة الكميليا]

ضي الروووح فديت قلبج والله


الله يسلم لج زياد ويزيد وتشلينهم وتشمينهم وتحضنينهم


واكيد راح ابوسهم لج انا ماصبر عن ريحتهم ولا خدودهم العسل يارب يفرح قلبج بطلعتهم قريب


وتبوسينهم لي فديتهم اناااااا


ومشكووووووووورة على الوصفه


بجربها جاري التطبيق


شخبار عمليتج ان ااااشاء الله احسن


حوامل التجمع كلكم اللي بعدهم ماولدوا واللي توهم يقولون ياااهااااادي االله يسهل عليكم حملهم ومخرجهم ياااارب العالمين



ورد22 انا كنت نفسج بالضبط وكان كيس واحد سبحان الله وبعدين يوم تعبت فالوحام رحت اسوي صورة قالت لي مبروك توم وكانت احلى مفااااااجاااة


وماسويت ربط ولاشي بس كنت ارتاح اكثر


واستغلي هالوقت بتجهيزات التوام من موقت لان بعد السادس ثقل موطبيعي


(((كلكم معزومين باكر بعق عن توامي ومسوين عزيمه بعد الافطار حياااااكم ))

[ward22]

ضي ..

يالله .. حمدلله ع سلامتك من كل شر يارب كله اجر وعافية بموازينك ..
انا ادري ان الربط مايمنع الولادة المبكرة بطلق
لكن في ناس يفتح الرحم بلا طلق وتصير ولادة مبكرة
والبعض يسيطرون عالطلق بس خلاص الرحم يفتح
والواحد دامه عنده مجال الاحتياط افضل
بستخييير
وبشوف الدكاترة والله يقدرلي الخير
مع ان انا لو علي ماودي ادخل بنج كامل لان دخلت مرتين خلال 6 شهور

.
.

اتمنى الفرح ..

الله يسمع منك ويفرحك بكل ماتتمني واكثر ..

.
.

لذة ..

لا انا مو تلقيح انا حقن مجهري .. نفس الانابيب بس انهم يختاروا الحيوان المنوي ويحقنونه بالبويضه .. اما الانابيب يكون انبوب يحطون البويضة ومعها مية الف حيوان منوي وتتخصب بنفسها مو بابرة ..

انا زي ماقلت بروح المستشفى انشالله وهم يقررولي وانا قبلها بستخيير ..
الله يسخرلي الخير لي ولهم ياارب ..
والله حمدلله مرتاحة لان زوجي وحيد اهله وحنا ساكنين عندهم ..
يعني غدانا وعشانا وياهم اللهم اصلي وارمي ملابس بالغسالة الاوتوماتيك بس

اصلا عندي اجهاد شدديد حمدلله وحمي خفيف
بس اتعب من اي حركة تعب كبير وادوخ الله ياجرناا ..

انا بجدة واهلي بالرياض والا كان رحتلهم =(
.
.

زهرة

ايييه والله احلى مفاجأة اللهم لك الحمد عساه يفرح بهالفرحة كل من يريدها يارب العالمين..
باذن الله الله يسهللي ويكرمني يارب وراح اجهز بالخامس الاساسيات وشنطة المستشفى الله لايحوجنا لهااا بالخير الا بالتاسع يارب ..

هنا وعاافية العقيقة ربي يخليهم لك تشوفينهم عرساان