تجمع الحساويات .... حياكم الله ..... يالله ندردش ..(((2)))و((3)).

شرقآويه · 07-13-2010, 05:16 AM

الله يخليهم لك اجل انشاء الله اللي في بطنك بنت عشان يتعآدلون

وش اسم الثاني يمكن اسرقه زوجي مغلبني للحين موراضي يرسي على اسم

حبيبي · 07-13-2010, 05:19 AM

محمد وعلى والبنت حوراء وانتي اي اسم حابه اتسمين اكيد حاطه ابالك اسم
والدكتوره قالت لي بنت بس رحت مره ثانيه لدكتور وقال مو واضح حتى اتاكد بنت اولا

شرقآويه · 07-13-2010, 05:21 AM

انا في الجامعه ومدري والله للحين من بيمسكه ومابي اعتذر لأني متأخره كثير السنه اللي راحت كلها ماداومت لأني ادرس بالاحساء وتعبت كل بين يومين انزل الاحساء وبعدها ارجع الرياض
عاد انشاء الله يوافقون يحولوني اليوم زوجي بيقدم اوراقي دعواتك ياعسل والبيبي تتدبر انشاء الله
بشوف حضانه واذا مره مره باخذ مواد قليل وخلي امي تجيني كل اسبوع

حبيبي · 07-13-2010, 05:24 AM

الله يوفقك يارب صحيح مشكله مع الطفل وامك صعب تجي كل اسبوع تعب عليها

شرقآويه · 07-13-2010, 05:24 AM

انشاء الله يعطيك اللي تتمنينه والله انا مافي بالي ولا أسم قلت له كل الاسماء اللي احبها وقال عندنا بالعايله :(
عاد سكرت الموضوع وقلت متى ماجى جى اسمه معه اسم حوراء حلو واذا جبتي ثانيه سميها زهراء احب اسم زهراء احس كل وحده اسمها زهراء تكون ناعمه

حبيبي · 07-13-2010, 05:27 AM

والله ما اعرف حلو اسم زهراء واهلي يبقون زهراء بس اكثير عندنا هالاسم انا حابه اسميها ساجده

حبيبي · 07-13-2010, 05:29 AM

من وين انتي من الاحساء انا من الاحساء وساكنه مع زوجي في الجبيل الصناعيه

شرقآويه · 07-13-2010, 05:32 AM

اي انا من الاحساء بس ساكنه بالرياض عشان دوام زوجي يس ع الاقل الجبيل قريبه من الاحساء

واحلآآ من الرياض

شرقآويه · 07-13-2010, 05:33 AM

صاحبتي اسمها ساجده بس ماناديها الا سجود :)

حبيبي · 07-13-2010, 05:34 AM

انا سكنت الرياض مع زوجي وطفشت والله ما اعرف حد اهناك واصريت يشوف شغل غير هذا والحمد الله اتوفق بلجبيل اقرب من الرياض وفيها ناس من الاحساء جاراتي ما حسيت اهنا بغربه نفس الرياض