ديوانية البحرين - دردشة حوامل البحرين - البحرينيات

[أم حماني]

الله يعينج بنت الاياويد .. اصعب شي الرقاد هالحزة ... تكرهين الرقاد من كثر ماتعانين

[معنى الوفاء]

تسلمين أم حماني

شخبار حماني معاج؟؟ عسى صار الحين يرقد والمغص راح عنه؟؟

[أم حماني]

ههههههههههههههههه راحت ايامهم .. مسكينه امي تعبتها معااي

[أم حماني]

استعدل نومه عن قبل بس تصدقين اتييه اوقات يعتفس نومه .. امس رقد 3 و شي والمغص ليحين مسكين .. الله يفكه منه ... انتي بجر ولا عندج من قبل؟

[معنى الوفاء]

الحمدلله الا رحت

الأمهات لازم يتعبون وحتى الخوات بعد...
أختي أكبر مني تحاتي تقول لي بتولدين في الامتحانات يعني متى نشوف البيبي؟
ومتى يشوفنه ويستانسون وياه بناتي؟؟
اقول لها بعد الله كتب جذي

[بنت الأياويد]

اففف حدي دايخه ابي اولد وافتك ، قلبي كله متشاغب احاتي الجامعه ولا احاتي الي في بطني منشقة نصين ماعرف شسوي
الله يعطيها الصحة والعافيه مايقصرون امهاتنا فديتهم ربي يخليهم لنا ويطول في عمرهم من الحين تقولي ابي هلون وهلون حق اغراض النفاس اقولها كل ذي انا باكله اتقولي اي لازم قلت عزت الله بستوي درام هههههههههههههههه، بس تصدقين وزني قاعد يزيد وجسمي مايتغير الظاهر الوزن كله في بطني ان شاء الله اييبها بعافيه على الاقل فوق الكيلوين ونص مابيها جنها زنبور خخخخ

[أم حماني]

بنت الاياويد تعرفين مكان في الرفاع او المدينه يبيع جلابيات او بدلات تصلح للرضاعه ... ابي اتقضى للعيد اليوم

[معنى الوفاء]

عندي بنت عمرها سنتين وعشرة شهور
وهذا حملي الثاني

[أم حماني]

ماشاءالله ... الله يحفظها ان شاء الله ... واتييبن لها اخو او اخت وتستانس بهم

[بنت الأياويد]

الله يخليها لج ان شاء الله ويطرح فيهم البركة ان شاء الله ويبلغج في الي في بطنج ان شاء الله ،لا والله ام حماني ماعرف انا فصلت لي جلابيتين بروحي مالي خلق البس شي من الرفاع ، جوفي المحلات الي تشترين منهم انتي ثياب بس اخذي شي يصلح لج حق الرضاعه مبطل من جدام او شي