دردشة حوامل أهل الدمام - دردشة بنات الدمام - تجمع حوامل مدينة الدمام

[ام يونس123]

السلام عليكم
وينكم اليوم بنات هاه لساتكم مكسلين من الخميس والجمعه بنات مين جهزت شنطة المستشفى انا بس باقي لي شي بسيط وباخلص طيب انا عندي سوال لكم انتوا بتزينوا غرفة استقبال الضيوف ولا لا طبعا عشان النفاس
انا افكر ازين باب البيت لسى اخطط وعندي شجره كبيره في غرفة الضيوف بزينها بعلق عليها العاب صغيره مثل حجم اصبعين تكون معبره عن المولود يعني رضاعه بيبي اشكال مختلفه بشوف المحل الي جمبي خاص لتحضير المواليد وافكر احط بوالين من الي يطيروا فوق الشجره بس وماادري اذا في فكره بتجيني طبعا هذا كله من شان افرح عيالي لانهم مستني البيبي على احر من الجمر اكثر مني يله كل وحده تقول ايش بتسوي من تجهيزات في الولاده والله يتمم لي ولكم اللهم امين....

[احاسيس مخمليه]

صباح الخيرات

اخباركم ان شاء الله بخير جميع

ماشاء الله التجمع مصحصح هالايام ههههههههههههههههههههههههههه الغبار سوى فيكم نشاط

ام يونس انا عني باقي ماجهزت ولا شي
ناويه بذن الله خلال هالاسبوعين

اخذ ملابس للنونو ومابكثر وملابس لي اذا لقيت حلو مالقيت باخذ من الدمام لاني ساكنه بجده بس اهلي بالدمام

ومافيه وقت لان بنزل نهاية الشهر هذا ان شاء الله

وبالنسبه للزينه اهل جده يسوون زي الكوشه بغرفة الولاده من التل

طبعا تاخذي اللفه من سوق الجمله يمكن ب20 سويتها بولدي

وهالمره بسويها ان شاء الله بس يمكن اشوف المحلات بكم يسوونها لان زوجي ماراح ينزل معي عشان ظروف العمل ولا هو الي يسويها لي

اذا غاليه بخليها لحد مايجي وقت ولادتي ويسويها زوجي يوم ينزل غير البالونات طبعا وباخذ كم فازة بحط فيها حلويات وغير التوزيعات وبرضه باخذها من الهنداويه بجده حلوة ورخيصه

بس هذا الي بسويه تقريبا اغراض الصيدليه من الدمام باخذها لانها اخر شي وبرضه سرير النونو

يعني هالاسبوعين بقضي للصغيره ومابكثر لها اخاف انزل للدمام والقى شغلات بعد واخذ وغير كذا بيكون بعدها عيد يعني برضه راح اقضي

الله يسهل ولادتنا على خير

[هنّوسه]

اهلين بنااات

دعواتكم لي
يوم الجمعة نزل عندي دم كثيييييييير فجاة
ونزل دمي صار 10
ولما رحت الطوارئ قالوا احتمال نسوي لك عملية اذا استمر النزيف لان الجنين وضعه مستعرض
والرحم مقفل مو مفتوح .

ورقدت يوم على ابر نمو الجنين ومغذيات
بس الحمدلله ،، خف النزيف وقالوا اقدر اطلع البيت بس اهم شي الراحة

وقالوا حدي 3 اسابيع ،، اذا المشيمة ما تعدل وضعها والجنين ما نزل راسه راح اولد قيصري



الحمدلله على كل حال
انا صراحة اهم شي عندي البيبي ،، ما يهم انا عملية او طبيعي اتعب او لا ،، اهم شي الجنين بخير



دعوااتكم

[loly2011]

سلااااااامتك هنوسه ماتشوفين شر وان شاء الله الله يهون عليك وتولدين طبيعي ويتعدل
وضع البيبي عسى الله يجيبه بالسلامه يارب وتفرحين فيه

هلا ام يونس كويس ضبط معك وبالنسبه للغدا ماسويت الا سلطه هههههههه
الحلا ما قدرت لان زوجي جاب أغراض ناقصه وصارت خيره ماسويته
والسلطة يوم رحت الاستراحة جلست معي أخت زوجي وساعدتني فيها
والحمد لله سهالات بس والله كل مارجعت البيت الا رجلي اليسار منفكه
من عند الحوض والله اتعب بس الحمد لله اهم شي عدت على خير

باقي البنات كيفكم وكيف الإجازة معاكم
وربي اشتقت لكم حييييييل

[ام يونس123]

السلام عليكم
هلا احاسيس مخمليه كيف الحال والله يوفقك وتجين عند اهلك كانه انا وانتي كمان بنفس الشهر انا في نص السابع اليوم رحت مراجعه وقالت لي الدكتوره انه موعد ولادتي 9 شهر 6 انجليزي والله يسهل الا قوليلي في السبوع وش تسوون تلبسون شي معين انا فكرة هلمره اخذلي فستان اخضر من دون اي شك بسيط ويكون ناعم ان راد الله .وانا كمان مابقي لي الا اخذ كم قميص نوم وبس وترى اخذتهم الاسبوع الي فات من الدمام مره حلوين وناعمين بس للبيت مو لاستقبال الضيوف باقي اخذ لاستقبال الضيوف بكره ان شاء الله وبتوفيق...
هنوسه عسى ماشر الله يحفظك ويحفظ جنينك من كل شر ويتمم لك على خير وانا اقول وين البنات لي يومين ادخل ومااحصل احد الله يحفظكم اجمعين واتكلي على الله ويمكن لانك تجهدي حالك في الدرسه ونزله وطلعه صح مو انتي تدرسين ولاانا مخربطه مين الي تدرس المهم ريحي حالك ووقفي اي اتصل مع زوجك وماتخافي من انه الجنين مستعرض انا الاسبوع الي طاف كان مستعرض واليوم رحت وصار الراس فوق يعني وهوه يتغير كل اسبوع ولا ولادتي الاولى دخلت غرفة الولاده وبنتي راسها فوق والمشيمه تحت وخلاص كنت داخله غرفة العمليات يسوولي قيصري وسبحان الله شويه ويجيني طلق تكشف الدكتوره علي وتحصل المشيمه طلعت فوق والجنين راسه نزل تحت طولت عليك بس حبيت اطمنك ماتخافين وكلي ربنا والله يساعدك وتولدين طبيعي ويفرح قلبك بمولودتك اللهم امين بسلامه ياعمري....

[ام يونس123]

اهلين وسهلين لولي كيف الحال وايش الاخبار والله شاطره بنت منتدانا وماسوت غير السلطه ههههههههه لا وبعد خلتهم يساعدوها فيها زين والله وياستي بلا حلا وسلامتكم بنات وشفيكم عسى ماشر ولا تدلعون وانتي ايش الي صار سلامت رجلك عاد يمكن وقفتي كثيييييييييييييييييييييييييير وانتي تسوين السلطه هههههههههه ....انا قلت ابتضحكين علي لما تشوفين شريط الحمل مسويه اثنين من زود الفرحه ههههههه .....

[loly2011]

وربي لما شفت شريط الحمل عندك 2 ضحكت قلت شفيها
نسخته مرتين وهي ما تدري هههههههه
والله تقدرين تقولين من كثر الوقفة وطووووول الوقت جالسه من الصباح
الين بالليل وانا جالسه بس والا امشي والا أساعد حماواتي بالمطبخ
خبرك ناس كثيره ويبلهم شغل وتعب بس الحمد لله مع انه طبعهم
كل وحده تجلس وتبي غيرها يخدمها بس مع هذاااااا اجلس ما اخدم
الا الي يخدمني والا الباقي ماعلي منهم .. أعجبك هههههه
بس والله أنا اهم شي عندي الوناسه وغيره ما يهمني

اسفه مارديت الا متأخر بس توني جيت من السوق

هنوسه اليوم اعترفت لزوجي وقلت له ان الي ببطني بنت
حسيته انبسط وطاير من الفرحة وخليته يشوف الملابس
الي شريتها حسيته مؤ مصدق ههههههه

[هنّوسه]

لولي


ام يونس

الله يجزاكم خير ،، هذني قاعدة بالشقة وامي واختي معاي الله يخليهم لي ويقدرني اردها لهم
وحماتي بالمدينة وصيتها على ماي زمزم ..
والدراسة بروح بس اسبوع الجاي اختبر وارجع ،، وباشوف وش يصير


لولي ،، كويس والله اصلا لو ماقلتي له كنت باقوله انا هههههههههههه

[loly2011]

ههههههههههه حلوه تقولين له وربي جلست اضحك اقول وش تقول ههههههههه ياحبيلك
الله يخليلك الوالدة ويطول بعمرها والله يجزاها خير هي وأختك الي جو عندك عشان يريحونك
والله كسر خاطري وقلت لازم أقوله وكويس قلت له
انتبهي لنفسك كويس ولاترهقين نفسك ترى حتى السهر يأثر يقولون
ماتشوفين شر

[احاسيس مخمليه]

ماتشوفين شر هنوسه ان شاء الله طبيعي ويتعدل وضع الجنين يارب

ام يونس والله اتوقع عادي بجده يسوون السابع بعد ماتطلع الوحده من النفاس احسن تكون كاشخه ولابسه فستان ناعم

بس

حاطه ببالي انا ان القمصان العاديه وللاستقبال من الدمام لان مافيه وقت ادور بجده يالله اقضي للبنوتة والتوزيعات واذا لقيت قدامي راح اخذ بس مافيني ادور