تجمع حــوامل التوائم

[نـــــــارا]

حوامل متى يوقف وحام التوأم؟ تعبت عن جد!
وبعد حاسة بآلام في ظهري وإرهاق وكله أبي أرقد!

انتوا متى وقف عليكم الوحام؟

وعندي مشكلة من بديت آكل حبوب الحديد وأنا معدتي زايدة في الاستفراغ واللوعة

[كوثرية]

حوامل متى يوقف وحام التوأم؟ تعبت عن جد!

يختلف من وحدة لوحدة

أنا خلص وحامي على آخر الثالث، بس من جد لعب فيني لعب
وهو عادة وحام التوأم يكون أشد...الله يساعدج

بس ما قلتي لي انتي بأي شهر ؟

وعندي مشكلة من بديت آكل حبوب الحديد وأنا معدتي زايدة في الاستفراغ واللوعة

في نوعية من حبوب الحديد تكون قوية ومخلوطة مع الفوليك أسيد وبعض الفيتامينات، هذي الحبوب أشوف البعض يتحسس منها، والبعض حتى تسبب الهم اسهال .

ممكن يكون حبوبج منها، فإذا رحتي للدكتورة خبريها

[نونة العسولة]

حزونة

والله نفسيتي واعصابي تعبانه

مااعرف هرمونات الحمل لاعبه لعب فيني

بس ابجي وصاكه فيني الدنيا .... امس رحت اتمشى قلت اغير جو

نزلت بالمول ولا يتصل فيني ريلي قالي بتاخر اليوم عليج بالليل قمت ابجي مثل الياهل !!!

ياربي احس تصرفاتي مو طبيعيه احس روحي بنفجر من كل ناحيه

من التفكير بالسفر وبالحمل والحمل اساسا متعبني وقالبني فوق تحت

والبنوتات الحمدلله بخير من احس بحركتهم ولعبهم ارتاح شوي

دعواتكم ..

[نونة العسولة]

المشاركة الأصلية كتبت بواسطة نـــــــارا

حوامل متى يوقف وحام التوأم؟ تعبت عن جد!
وبعد حاسة بآلام في ظهري وإرهاق وكله أبي أرقد!

انتوا متى وقف عليكم الوحام؟

وعندي مشكلة من بديت آكل حبوب الحديد وأنا معدتي زايدة في الاستفراغ واللوعة

انا وقف على اخر الثالث
اي عادي هالتعب من الوحام في حوامل يتوحمون على النوم
عن الحبوب عادي انا بس اول فترة تعبتني بس الحين عادي ..

[أستاذة ذوق]

مساء الخيرات عسوله شلونك
اختي نارا أنا كان يصير معي كذا اذا خذت الحديد على طول اتعب واستفرغ ماتحملها ووقفتها الرابع كله ونص الخامس كرهتها بعدين الدكتوره غيرتها لي نوع ثاني بصراحه ممتازوخفيف اسمه (فروز) بالشوكولاته هو اللي ناسبني
يمكن انتي نفس حالتي خلي الدكتوره تكتبلك مثله أكيد بيناسبك

[حزن الزمان]

عسولة حبيبتي هذا الحماااال بالبنت يجيب هالكآبه أكثر من الولد ... غيري جوو ونسي نفسك
وخليها على الله ... صدقيني الله بيسر لك كل شي ... قولي يارب الخيرة فيما اخترته وخلاص
صدقيني النفسية التعبانة مب زينة ... ياروووحي اهتمي بنفسك والله افتقدتك وشفتك خلاص كسلتي من الردود هههههههههههههههه يله فرفشي وخلي كل شي على الله ...

[حزن الزمان]

بنات رحت اليوم سويت سونار طبعا في مستشفى حمد وهذا مو خاص والدكتور قالي كله تمام
بس جنس الجنين مستحيل يبين الا بعد الاسبوع 16 وبعد هالتاريخ يكون اكيد بإذن الله عاد أنا بالاسبوع 14 يعني توني ... بس عطاني موعد 3/6 ... وما صدقت خبررحت شريت مخدة الحامل ... وشريت ثياب الغافية ومهاد وصدرية وفنايل داخلية وبصراحة خذيت من كل شي 6
وعجبني حوض للسباحة من مذركير هو واحد وداخلة اثنين يعني للسبوح وعليها فوطة لكل سبوحة داخل الحوض ههههههههههه ....وخذيت ملابس داخلية لي وبس رجعت البيت ...

[أستاذة ذوق]

اهلين حزن شخبارك مع الحمل
أبسألك انتي توأمك في مشيمه وحده ولا مشيمتين

[ملكه]

ماشاء الله تبارك الله الله يتمم عليك حملك وتشوفينهم سليمين ويقرون عينك يااارب

انا حامل في الثاني ويارب يكون توام خاطري بتوأم يااااااااااارب ترزقني وترزق كل مسلم يارب

[أستاذة ذوق]

هلا فيكي اختي ملكه
الله يتمم لك على خير ويرزقك التوأم يارب