دردشة حوامل أهل جدة - دردشة بنات جدة - تجمع حوامل مدينة جدة

[عنقودة]

كيفكم صبايا
انا لما اتصلت سالت على الولادة عند دلال بوقس قالتلي ان المستشفى تاخذ5800 غير شغل الدكتورة سالتها الدكتورة كم تاخذ قالت على حسب في حدود 2000او3000

[همسات قلبي]

كروشات

عن نفسي اتابع في الاطباء المتحدون عند منال بدوي تعاملها كويس
بس أنا اول مره مااعرف كيف الولاده مره خايفه

طبعا أنا في الخامس وباقي احس بغثيان بنات غير كدا بس احشر كتير

المهم بنات مين بدأت تجهز للولاده أنا ان شاءالله راح اخلص اختبارات وراح ابداء
اجهز
يلا كل وحده فيكم وقت تجهز تقولنا إش أخذت

وع فكره يابنات زوجة اخوي عندها طقم ولاده كامل مع التزيين بس ينفع لولد
قالت أبلغكم من تبغاه ح ترسلها الصور
بصراحه مره ذوووووق


المهم خلو التجمع نشيط وكل وحده تعطينا أخبارها اول بأول

[عنقودة]

همسات كم الولادة عند الدكتورة منال

بنات انا اليوم ضايق خلقي رحت عند دكتورتي مالقيتها فدخلت عند دكتورة ثانية في نفس المستوصف قالتلي ولد ودكتورتي قالتلي بنت

انا مو مضايقة عشانه ولد كلهم نعمة من الله بس لاني جهزت وردي وهيئت نفسي انها بنت

[استعيني بالله ولا تعجزي]

عنقوووده الله يسهل لك ماتدري فين الخيره والملابس خليها للنونوه الجاية ان شا الله ^^

ولا بتجي مناسبات تهدي فيها مواليد بتكون متوفرة : )


بالنسبة للتقضية اليوم اول يوم اقضي فيه للبيبي وجلست ساعة احوس بالملابس

ملابس الاولاد مافيها شي صراحة كلها تيشيرت وجنز ولا قميص وبنطلون :\
والبنوتات اشكال والوان ارتفع ضغطي

فمني عارفة اقضي لعمر كم فجبت قمصان لعمر 6-9 شهور واحسه كويس اما من عمر 3-6 شهور قضيت بنطلون واحد احسو بيكون صغير صح ؟

غير ان البناطيل من فوق ضيقه حق زارا احترت مدري كيف والله

ياريت الي قضو قبل يقولولنا

وغير سنتربويت اعطونا محلات حلوووة للتقضية تكون كبيرة عشان لا تلف وندور خخخخ

[عنقودة]

انا قضيت من سنتر بوينت ومذركير رحت نكست ماعجبني شيء ولسى ابغى اروح الهرم

زارا فيه مواليد ؟؟؟؟؟

[جوى القلب]

سلاااااااام بناات ،،

الله يعين كل بكريه وانا منهم

انا خلاص ماباقي شي كلها كم يوم ويشرف البيبي بأذن الله

الله يعين مافي نوم والم خاصة لما يضغط البيبي لتحت هذا غير الحرقاااان ورايحه جايه ع الحمام وخوف الولاده لوحده هههههه الحمد لله ع كل حال

من ناحيتي انا ياكروشات فضلت أني اشتري من سنتربوينت لأني تعبت بحملي من رجولي ماقدرت افرفر بالمولات والحمد لله حصلت فيه اشياء حلوه وناايس لان البيبي بالبدايه ماتعرفي حجمه يمكن صغيره ، كبيره والله اشتريت اشياء بس خايفه من المقاس حوووسه اراقب الشي واروح وارجع له ثاني زوجي يقلي هبلتي فيني وتعبتيني ههههههه

[همسات قلبي]

عنقوده

البكيج 7500

غير كدا ماادري يعني اذا بس ولاده من غير شي تاني ماعندي خلفيه

الله يعين ويسهل لنا جميعا

[استعيني بالله ولا تعجزي]

لا زارا فيها اقل شي من 3-6 شهور

سنتربوينت ماقد لفيت فيه للاطفال بس الحريم ومع التخفيظات مايعجبني شي واخرج وانسى الاطفال خخخخ

بس خلصت تخفيضاته ؟؟

افكر اروح الفرع الي قريب الهرم منها اكسب محلين الهرم وهو

افكر اني اكثر بربتوزآت حق الشهرين الاولى احسه احسن

وورايا سفر مافيا اقضي من هناك غالييي بيكون

[عيون يحي]

السلام عليكم
بنات ابغى اسال مين قبل كده ولدت في مستشفى جدة الوطني اللي في طريق المدينة ابغى اعرف خدمتهم ممتازة ولا لا والله تعبت افكر في المستشتفى اللي بولد فيها ؟؟؟؟؟؟ رجاء افيدوني

[قلب ناضج]

مسساكم رضااا . حبيباتي اللي بتسال عن اغراض النونو .. اشتري مقاس نيو بيبي .. او من 0_3 شهور .. غير كذا بيكون كبير عليه .. روحوا للهرم جدا نايس خصوصن صاحبات الذوق الرفيع .. فيه كل شي للبيبي من الى ..انا شفته من اسبوع وكمان فيه البيج والاصفر للي خايفه من جنس البيبي .. وبعد مركز شبرا فيه كذا قطعه حلووووين .. بالتوووفيق للجميع .. انا بالرابع وما راح اجهز للبيبي الا بنص الثامن .. نفس البيبي الاول ..