طق طق انا الجنين قررت اخرج ...

[SaraKh]

انا بدا معايا طلق خفيف الصباح الساعه 9 و طنشت الين الساعه 11 زاد مره رحت المستشفى و انا مرره مو فبالي ولادهلانو اخدت من التاسع بس اسبوع كشفت لقتني 5 سم و قالت انو مويتي نزلت بس انا ما حسيت ههههه
بس ولدت الحمدلله طبيعي الساعه 2 الظهر :)

[ميدوري]

نصيحتي لكم و لا وحدة تقول طفشت و خلاص ابغى اولد .. لا لا .. خلي البيبي يكبر في بطنك لاقصى حد ممكن

انا ما جربت شعور الشهر التاسع و لا جربت الطلق و لا اعرفه و طبعا مرعوبه من الولادة
و حتى ما جربت مراحل الحمل زي العالم و الناس و لا حتى حركة البيبي

بس امنيتي اكمل تسعه شهور و اولد طفل كامل و بصحة و عافية ... دعواتكم لي

ولادتي الاولى و الوحيدة كانت مبكره و لاني بكريه و ما ادري وش صاير بالدنيا ما كنت اعرف انها ولادة للحظة ماولدت خخخ
ولدت بعمليه ،،، و لا جاني طلق ولا شي

بس يوم ولادتي كنت سهرانه و لما جيت بنام بعد صلاه الصبح حسيت بغثيان
و انا مو عارفه انام و بعدها اوجاع خفيفه و محتمله اقل من وجع الدوره
و بما اني كنت بالشهر السابع قلت اكيد هذه التقلصات الي يقول تجي بالسابع و كل شي طبيعي

نمت بصعوبه مرره و الالم كان محتمل بس حاسه بغثيان شديد ،،، لين العصر الالم يروح و يجي بس كان بسيط
اذكر يومها حسيت شكل بطني تغير و توقعت السبب ان البيبي غير و ضعيته و فرحت .. لان كان مقعدي و لاني ببداية السابع و قالوا لي ممكن يتعدل وضعه

العصر نزل مني افرازات بنيه كانه دم و مره قليل و بعدها رحت للدكتوره الي اتابع معها و قالت الرحم مفتوح 2 سم
و حولتني مستشفى حكومي و ماقالت و لاده و لا شي
بس قالت بنوديك بالاسعاف و لازم تروحي الطوارى بسرعه و تسوي تخطيط
و انا رفضت اروح بسياره اسعاف خخ قلت مافيني شي ليش اروح بالاسعاف

طبعا ما كنت متوقعه انها و لاده و لا واحد بالميه سمعت ناس يفتح عندهم الرحم واحد و اثنين و ما في ولاده لنهاية التاسع

و من بدايه حملي اسمع البكريه تطول و و انا اخذت مثبتات بدايه حملي و سمعت ان الي تاخذ مثبتات تتاخر و لادتها
فتوقعت اكمل التاسع وزياده ... فما تهتموا بكلام العالم ان البكريه لازم تكمل شهرها

المهم وقعت اني مابروح بالاسعاف ورحنا المستشفى و هناك صرت بحال مايعلم فيه الا ربي
كشفوا علي بالطوارى علطوول قالت الدكتوره ولاده مبكره ... وصار جسمي كله يرجف ما قدرت اوقف الرجفه و دموعي تنزل مو من الالم بس من الخوف ع البيبي لان مرره بدري

رحت قسم الولاده و طلع نبض البيبي ضعيف و هو مقعدي و نازل بالحوض ورغم انه حجمه صغير قرورو لي علميه و فورا
و انا ابغى افكر استوعب ... و الدكتور تقول لازم عمليه بسرعه
علشان الضغط كان عندي مرتفع و البيبي تعبان
و علطول دخلت غرفه العمليات وولدت و الحمد الله ع كل حال ...
تعبت كثير مع البيبي نفسيا وجسديا بس الحين هو بخير و احمد ربي مليوون مره ع هالشي
وقت ما كانوا بيخدروني للعمليه كنت بس ادعي له و مافكرت بنفسي ابدا ... لان الولد غالي و بكره تعرفوا كيف الاحساس ،،،
كان وضع صعب و تعب نفسي وطفلي بالحضانه بين الحياة و الموت ..
شعور ما اتمناه لاحد ابدا ... بس الحمد الله ربي سلمه و كتب له عمر

كان فلم رعب يووومها .. رحت ابدل ملابسي قبل العمليه و دخلت ابدل و ما كان ودي اخرج لهم
و حالتي قبل العمليه بس ارجف و دموعي تنزل و الممرضات يفتكروا فيني طلق و اتالم و انا بس الخوووف قتلني


المصيبه ماعرفنا سبب لولادتي المبكره و هالشي مخوفني ...
ما كان في طلق و لا كان في تسمم حمل و لا اجهدت نفسي بالعكس قبلها كنت ماخذه اجازه و مرتاحه ع الاخر و طول فتره حملي ما ارتفع عندي الضغط و لاكان في اسباب نفسيه تخليه يرتفع فجاه

و حاليا حامل ربي يتمم لنا ع خييير
و خايفه مرره من الولاده الطبيعيه و الطلق لاني ماقد جربتها و اقول يمكن العمليه ارحم من خوووفي
بس التعب بعد العمليه صعب و خايفه بعد من ولاده مبكره لا سمح الله

نفسيتي مررره سيئه و اقول مابيصير غير الا ربي كاتبه بس النفسيه ابدا مو راضيه تتحسن
خاصه ان عندي طفل لسه صغير و شاغلني و ما اتخيل كيف بيكون الوضع مع طفلين ،،،
اه ماصدقت كبر شووووي و اتحسن وضعي شوووي


حكيت لكم قصه حياااتي
يمكن لاني طول اليووم مكبوته و الحين اخيرا نام كتوكتي و ظليت لوحدي فجيت افضفض عندكم

[ayato]

موضوع كتير حلوو

[آحساسي]

انا بالاسبوع ٣٨ تنصحوني اخذ زيت خروع .

[أم ولاء]

اناا ولدت مرتين. وفي الولادتين بعد مااخلص التاسع تنزل علي افرازات بنيه بعدها بيوم او يوم ونص ينتظم الطلق واولد
وبس

[هنوده2014]

حبيبتي مو على كل حال البيبي لما يظل بالرحم يكون أفضل له أو لك بالعكس البيبي الكبير يعسر الولادة ويمكن يختنق ويموت أو يصاب بإعاقه ذهنيه لاسمح الله بنت خالتي ولدت ووزن البيبي تقريبا 4700 غرام لكن للأسف نزل ميت من كبر حجمه بالنسبه لحوضها وصديقتها ولدت وبرضوا ولدها صار من ذوي الأحتياجات الخاصة والسبب حجمه وطول فترة المخاض فالولاده بالآخر تساهيل من رب العالمين وأهم شي أن البيبي والأم يكونوا بصحة وعافيه

[هنوده2014]

أنا أول ولادة لي كانت بعد التاسع بثلاث أيام نزل معي أفرازات مخاطيه بالليل بس بدون ألم تقريبا على الساعه 12ونص بالليل وفي اليوم الثاني الصباح على10ونص قررت أروح المستشفى عشان أطمن فجأه وأنا أغير ملابسي حسيت بألم منتظم كل خمس دقائق قلت في نفسي شكلي بولد اليوم بإذن الله ولما دخلت المستشفى طلعوني غرفة التخطيط وحطوا الجهاز على وقالوا بعد نص ساعه مافيه ولادة يمكن الأفرازات عاديه وراح ناخذ منها عينه.ونحللها وفي هالفترة راح تضلين معانا عشان نطمن عليك وقلتلهم والله إن فيني ولادة مو مصدقيني يقولون إنتي بكريه وش عرفك بهالأمور وبس جات الساعة 12بدء معي الألم الحقيقي جدا فضيييييع والقهر أن زوجي وأمي راحوا عني وخلوني لحالي في المستشفى مصدقينهم وبعدها حطولي طلق صناعي وشفت المووووووووووت إلين الساعه 2و45 دقيقه تقريبا نزلت المويه لحالها وعطوني مسكن ونمت من كثر مابكيت وصرخت وصحوني على 5 قالوا خلاص ماما ولاده 10 سانتي وعلى طول ودوني غرفة الولادة وبديت أدفع والحمد لله مرتين دفعت وطلع البيبي بس نزفت كثييييير لأني كنت صغيره والبيبي ماشاء الله كبير وو سعوني بشكل كبير تعبت من الخياطة أسبوعين ماأقدر لا أجلس ولا أمشي ولا حتى أرضع ولدي بس أبكي من الألم بس الحمدلله هانت وعدت على خير