من قالو لها جنينها بيموت وولدته سليم ..!

[اروي يقيني]

ياربي الله يساعد قلبج حبيبتي

ان شاءلله يوقف لج على باب الجنه يارب

والله يعوضج خير ان شاءلله

ان شاءلله مايطوف هالشهر الا وانتي حامل يااااااااااارب

مشكوره باخذ لي اليوم وبقعد اكل فيه

مشكوره حبيبتي

والله يرزقج الذريه الصالحه عاجلا غير اجلا يااارب

[قمر .]

يارب يحفظ جنينك من كل سوء ويخرج لك سليم معافى
وان شاء الله تتطمنين عليه وتطمنينا

[صعب تنساني]

المشاركة الأصلية كتبت بواسطة اروي يقيني

هلا اختي مشكوره خيوو

انا ساكنه في عراد
وكنت اتابع في مركز محرق لان عنوانه على البيت الثاني الا بمحرق
حولوني السلمانيه عشان السالفه
واهناك صعقتني دكتوره نعيمه
يقولون هذي استشارية كبيره

وماخلت شي في الجنين قالت مو صاحي كل شي فيه وان مستحيل يعيش يعني مايصير نولدج الحين قيصيري ونعرضج لها وجذي جذي بيموت
قلت لها ماقدر اشوفه يتحرك في بطني وانتي تقولين بيموت
واغمى علي اهناك بالسلمانيه اهي ولامفتكره
مو راضيه حتى يخلوني عندهم عشان يتابعون حالتي
تقول ماله داعي
كل شوي وقالت لي بيموت

رحت لزوجة عمي اهناك في السلمانيه تشتغل دكتوره اشعه وقلت لها شوفي لي حل وياها غيروها لي او سكتوها عني لان اهي مو الله تقول بيموت
مو على كيفها وانا عندي احساس بيعيش والله يختي عندي احساس ولاعلي منها
وراحت لها تقول اذا موعاجبنكم كلامي طلعوها برا وسوو اللي بتسوونه
وكل ماقالت لها انا شفت عنده كله ثانيه وعنده مثانه ورئته سليمه اهي تقول لا انا ماشفت
ومستحيل يعيش الجنين

والله بتذبحني شسوي
وبعدين راحت زوجة عمي بتغيرها لي مارضو السلمانيه يقولون لان عندي مشكله الحين في الجنين مايصير نبدلها المفروض من البدايه

يالله اللي الله كاتبه لي بشوفه والله كريم


ورحت الخاص قالو كل شي زين بس كله وحده متكيسه بس الخطر مافيه حوالينه ماي وكلهم مستغربين ان شلون للحين عايش وان لازم يولدوني السلمانيه الحين

ومايرضون يولدوني الخاص يقولون ماعندنه اجهزه للبيبي لين ولدتي لانه عنده كله وحده متكيسه


ماخليت ولامستشفى رحت التخصصي عطوني ورقه اوديها السلمانيه عشان يرقدوني يولدوني او على الاقل يتابعون حالتي قالو احنه مانعترف في المستشفيات الخاصه

ورحت الهلال عندي دكتوره اتابع معاها تقول شلون ساكتين عنج و بعد عطوني الرساله اروح السلمانيه ورحت بعد مثل الشي يقولون لي اذا دكتوره نعيمه ماتقول رقدوها او ولدوها مانقدر نسوي شي لازم توقع اهي

ورحت عند فوزيه كمال بعد تقول لازم يولدونج

ورحت ابن النفيس طلعت اللي اهناك تعرف دكتوره نعيمه اللي في السلمانيه

تقول لي سمعي كلامها اي شي تقوله ترا صدق بيصير
اقولها تقول بيموت اصدقها
اهي تقول ماعنده الا كله وحده وماعنده مثانه والرئة مادري شفيها قالت

والخاص كلهم قالو عنده كلتين وبس كله وحده متكيسه وفي امل يعيش وفي ناس عايشه بكليه وحده عادي

تبيني اصدقها

وعطوني ورقه بعد اروح السلمانيه ورديت رحت وقالو مانقدر انسوي لج شي لما تقول دكتوره نعيمه عصبت وفلت الاوراق في وجهم وطلعت قلت لهم انا مابدعي يصير لها مثل اللي قاعد يصير لي عشان تحس بس بقول الله كريم والله يهديها

واذا صار اي شي في اللي فبطني بحملها المسؤوليه

لانه نبضه زين وانتو مو راضين تطلعونه عشان يعيش تبونه يموت في بطني

وبس طلعت عنهم وحتى مواعيدي تخيلي يعطوني بعد ثلاث اسابيع للمراجعه شوفي لاي درجه مستهترين

اخر شي رحت العسكري عند دكتوره موزه الله يعطيها كل خير يارب

هداتني وطمنتني وقالت لي اذاالله كاتب يعيش ماعليج منهم بيعيش

وقالت الحين كل عشرة ايام بتسوي لي سونار من تشوف نزل راسه بتولدني طبيعي بطلق صناعي وتقول اي شي تحسين فيه تعالي احنه موجودين اهني

وكلت امري الى الله وخليت كل شي بيده سبحانه جل جلاله اذا الله كاتب لي فيه رزق بشوفه
الله يقر عيوني بشوفته ان شاءلله


مشكوره اختي وايد والله يعطيج اللي في خاطرج يارب ويرزقج من رزقه الحلال
وان شاءلله الجنين اللي راح من عندج بيوقف لج عند باب الجنه
الله يرزقج خير الدنيا والاخره

انه حزينه عليج وزعلانه على دكاتره السلمانيهالى ما يحسوون ولا يقدرون لهم مكانج ما قالوا جذيه بس اذا تي على واحد من لمساكين ما يهتموون انزين تابعي عند العسكري وخليهم يولدوونج قبل ما يصير شي لا سمح الله انه دخلت الامس بس ما جفت ردج وطلعت انه ادعيلج الله يخليه وتشووفيه لانه بالشهر السابع حسره الوحده تفقد جنينها انه للحين ما نسيت جنيني مع انه الله رزقني بسيف الله يصبرج انه راح اتابع معاج اتمنى ما تقطعي التواصل يا قلبي

[اروي يقيني]

مشكوره اختي قمر والله يسمع منج

صعب تنساني

حبيبتي مشكوووره وماقصرتي

الله يسمع منج ان شاءلله ومااخسره ياااااارب

وكلت امري لله واللي الله كاتبه بيصير

الحمدلله على كل حال

[حِلمْ الأُمـوُمَـهـْ]

حبيبتي طمنينآآآ عنك وعن البيبي !!

ربي يطمن قلبك ويحفظلك جنينك يآآآرب ,,

[صعب تنساني]

طمنيني عنج بالي مشغوول عليج شلوون البيبي؟؟؟؟؟؟؟؟؟؟

[اروي يقيني]

مشكورين حبايب قلبي هذاني تحت رحمة الله

الله كريم

[&الريحانه&]

كل يوم ادخل ابي اعرف اخبارك

الحمد لله انك بخير

والله يتمم لك ع خير

وتولدي بالسلاااامه ان شاااء الله

وربي يحفظ جنينك من كل سوء وشر ياااارب

[TOomy]

الله يثبته لج يارب ويكمله لج وتولدينه صاحي وكامل
وتفرحين فيه حبيبتي ولا تفكرين فيه وخلي كلشي ع ربش
الله الا رزقش اياه بيحفظه لج

[صعب تنساني]

وويينج طمنيني عنج وشلوونج وشلوون البيبي؟؟؟ظظ