ادخلي وقوليلنا كيف كان ستايلك يوم العرس

[السيدة الصغيرة]

تسريحتي كانت ناعمة والمكياج بالرغم انه 3الوان بس ناعم الطرحة كانت طويلة وتطريزها خفيف لون الفستان سكري والذيل طويل .......شكلي تغير احلى لانة ملامحي توضح مع المكياج .....والحمدلله عجب زوجي ..والناس ماصدقوا انو انا......
وشكرا على الموضوع الرائع

[ماﺀ السماء]

السيده الصغيره

نورتييييييييييييييييي يا هلا فيك

مشكوووووووره على المشاركه الطيبه يا ذووق

[احساس أنثى]

هلا وغلا بوردات المنتدى


هلا بيكي ياسكرة موضوعك رائع جدا
ادخلي واحكي لنا عن ستايلك يوم زواجك , وتعالوا نفيد اخواتنا العرايس بتجاربنا ونصايحنا كل المطلوب بس :
1 كيف كانت التسريحه ؟؟ هادئه ام لا ولو في صور لها من النت يا خير وبركه وهل شعرك طويل ام قصير وما تنصحي العرايس بالنسبه للتسريحه وايش كان راي الناس فيها والاهم اش كان راي عريس الاحلام ؟؟
أنا كان ببالي اني اسيب شعري فالت مع لفة بسيطة للأطراف وارفعوا من الجنب بوردة متل هالصورة

لكن كان زواجي بشهر تسعة والجو لسى حر خفت من العرق وتخرب كلها ...
لكن سبحان الله في نفس اليوم عروسة قبلي عملت تسريحة حلوة
وطلبت متلها متل هالصورة بس انا عملت بفة علشان جوزي طويل
حبيت اطول شوية انا متوسطة الطول هههههه وحطيت تاج على البفة انا كان هدفي ابين طول شعري لأنو شعري طويل


2 كيف كان فستانك كبير - بذيل -بدون - قصة الصدر -سكري والا ابيض ؟؟
لأ فستاني كان ابيض ناصع ... ومن غير حبال قصة الصدر مشدودة يعني سحبة وحدة مو متل القوس .. ومن غير ذيل الذيل يغلب بالرقص والحركة

3 كيف طرحتك طويله قصيره مطرزه كثير شوي واش كان راي الناس فيها ؟؟؟
طرحتي كانت متوسطة الطول ... وبنص الفرح رفعتها .. أصلا ما كنت حابة أفوت بيها .. بس امي يومها مارضيت حكتلي مش حلو بنص الفرح رفعتها علشان تبين التسريحة من ورا كانت اطرافها مقرقطة وفيها خرز حلوة وناعمة

4 كيف مكياجك وكيف الوانه ؟؟ ايش الالوان اللي حطيتيها للروج والظلال ؟ وهل انتي اللي اخترتيها ام الكوافيره؟؟؟
انا حطيت اسود على العيون بوسع العين وكنت حابة اكسروا بفضي حكتلي الكوافير اسود لحالو مش كتير حلو موجتلي اياه بللون البنفسجي حلوة كانت رسمة العين جدا

الروج كان زهر ناعم
5 اكسسواراتك ؟؟؟
كرستال ... بس وحدة من صديقاتي حكتلي اني لو لبست عقد لولو كان احلى لأنو بدلتي كان عليها لولو منتور ...

6 واخيرا هل تغير شكلك كثيير ام لا ؟؟؟
مش كتير .. أنا أحس المكياج الناعم احلى عليا .. لكن الكل حكالي اني كنت جميلة وخاصة تسريحة الشعر كانت حلوة
وكيف كان راي الناس فيكي ؟؟
جميلة وحلوة .... في ناس عجبتها بدلتي لأنها كانت بيضة وجديدة
والاهم اش قلك الفارس الهمام خخخ ؟؟
هههههههههه فارس الاحلام هوا كان بجنن كان لابس بدلة بيضة
انا الي كنت اقلوا عن نفسوا حرام حكالي وبالسلو ^_*

[ماﺀ السماء]

يا سلااااااااااااااام يا دمعة شوق من جد ذوووووووووووووق اقوى شي

التسريحه اننا مرررررررره اعشقهااااااا

والمكياااج الاسود معالتموجات يطلع شي خيااااااااااااااااااال

شكلك طلعتي قمررررررررررر14
ماشاء الله عليكي وعلى فارسك الهماااااااااام ههه

فديييييييييييك ردودك تنور مواضيعي

[ام السوس001]

1 كيف كانت التسريحه ؟؟ هادئه ام لا ولو في صور لها من النت يا خير وبركه وهل شعرك طويل ام قصير وما تنصحي العرايس بالنسبه للتسريحه وايش كان راي الناس فيها والاهم اش كان راي عريس الاحلام ؟؟


انا اليوم ريحت حالي وحطيت كل الصور تقريبا ... هاي تسريحتي بس انا شعري أشقر متوسط واللي غيرته فيها اني حطيت غره مايلة ع جنب لأنه وجهي مدور بيلبقله الغره اكتر





اكيد مبين من الصورة انه التسريحة محتاجة شعر طويل انا الحمدلله شعري طويل والناس طار عقلن فيها وزجي الله يخليلي اياه كان كتير عاجبه لدرجة اني لما روحت عالبيت حممت جسمي بس لأنه كان حاب يشوف التسريحة ع رواق


2- كيف كان فستانك كبير - بذيل -بدون - قصة الصدر -سكري والا ابيض ؟

كان فستاني ابيض ناصع وجديد جبته من تركيا - باكلس - بذيل قصير كتير كتير- قصة الصدر كانت على شكل قلب ، من الصدر كان معجن شوي ، ومنطقة الخصر كانت مشكوكة ورد ابيض وبكل وردة فيه حبة سترس من بعد الخصر كان منفوش وكان اله طبقة تانية نازلة عليه بالميل وعل الاطراف مقصوصة نفس قصة الوردات اللي عند الخصر ومن تحت عالارض والذيل نفس الشي والكل كان بحكوا انه بشبه فساتين سندريلا

3- كيف طرحتك طويله قصيره مطرزه كثير شوي واش كان راي الناس فيها ؟؟؟

طرحتي كانت متوسطة تقريبا للخصر كانت مطرزة عالاطراف بس برضو نفس التطريز والسترس اللي كان عالفستان بتشبه هاي تقريبا







4- كيف مكياجك وكيف الوانه ؟؟ ايش الالوان اللي حطيتيها للروج والظلال ؟ وهل انتي اللي اخترتيها ام الكوافيره؟؟؟

انا اللي اخترت المكياج وهاي صورته بس انا عيوني عسلي






5- اكسسواراتك ؟؟

حلق كتير صغير والطوق كان قصير تقريبا متل هاد الطوق بس انا كان فيه 4 وردات طبعا التاج غيره



وهاي صورة التاج تبعي





6-واخيرا هل تغير شكلك كثيير ام لا ؟؟؟
وكيف كان راي الناس فيكي ؟
والاهم اش قلك الفارس الهمام خخخ ؟


لأ ضليت بشبه حالي لأني ما بحب اكون مقلدة وبنفس الوقت بحب يكون إلي طابع ونمط خاص فيي انا الناس والحمدلله حبت شكلي كتير وإمي ضلت تقرأ قرآن هي و مامة زوجي خايفين علي من الحسد ههههه ... زوجي عصب بأخر نص ساعة لأنه حس انها طولت وكان حاب يروح عالبيت بسرعة ابصر ليش ؟؟ ... يا حرام كتيير بريئة

وبالاخير شكرا الك لأنك فتحتي المجال لنتذكر كيف كان يوم عرس الوحدة منا ... الله يديم السعادة عالجميع يارب

ما ضل شي ما حكيت عنه الا المسكة حاكيين وحاكيين هاي صورتها

[ام السوس001]

sorry ما بعرف ليش ما طلعت صورة التسريحة فوق بس عكل حال حطيتها مرة تانية