للي بتنفس عند أهلها00تتفضل00

[*النايفه*]

هلابكم أخواتي العزيزات00

الموضوع ومافيه قدمت لكم نصيحه وجهة نظر للي تطول عند أهلها00

وكل زوجه أدرى بمصلحتها وتعرف زوجها زين والله يخليه لها00

البعض رد وهو شايف النصيحه بغير محلها00 وأحترم وجهات نظركم ولو أختلفنا فيها 00

كتبت الموضوع وهاذي النصيحه بسبب نقاش صار بيني وبين زوجي 00

من ناحيتة الزوجه الي تنفس عند أهلها 00
المهم00 قلت لزوجي أسال أخوياك وشوف وجهات نظرهم 00 لانهم كثير
ومتزوجين00
وفيه منهم من يودي زوجته تنفس عند أهلها 00 وفيه الي زوجته تنفس عنده00
المهم 00الأكثريه منهم قالو الاحسن يرحون الزوجات لأهاليهم علشان ناخذ راحتنا مانكون مقيدين ومراقبين من قبلهم 00 والبعض منهم قال نفرح بهاذا
الوقت علشان نسافر يومين ونرد 00لامن شاف ولا من درى0 0
وعلى أساس هاذا الكلام جيت وكتبت لكم النصيحه00

وسلامتكم ياأخواتي 00 وشاكره لكل عضوه شاركت في الموضوع00

دمتم بحفظ الرحمن00

[كآبتشينو]

مو الزوج يبي عيال ..؟ اجل يتحمل اربعين يوم ..

احنا نتحمل تسع شهور ,, وهم اربعين يوم ماهم بصابرين ...

واذا لف ودار هو الخسران مو انا ,,

وكل واحد يعرف ربه وعقله في راسه .. ان سوا الخطأ ربي بيعاقبه مو انا ..

الوآلد تبي الراحه وتبي ترجع صحتهـآ وترجع شكلهآ ,, محتاجه احد يخدمهـآ ويقوم فيها
مو تجلس عند زوجهـآ عشان هي تخدمه وتقوم فيه ..

لآتقولين هو بيخدمك وبيقوم فيك .. لو بيخدمني بيخدمني وبيريحني يوم يومين وبعدها بيزهق
الرجال مافيهم صبر ع التعب مثل الحرمه ,,

وبالعكس بتكون الام هي ادرى فيك وفي معناتك .. بتساعدك بطفلك وبتطبخ لك وبتغذيك وتعرف لك السنع واللي مايصلح لك ..
وغير كذا لو كنت في بيتي وجاو ضيوف لي مين بيقوم فيهم ..؟

لو مثلا الحرمه عندها خمسه سته اطفال ممكن اقول تتنفس في بيتها ..اما غيرها احس صعبه وبقوه ..~

[ام نانو وجوجو]

بالنسبه لي انا راح اجيب البيبي الثالث

وراح انفس عنداهلي اول شي زوجي طالب مني اكون عنداهلي لان نفسيتي تعبانه وثاني شي اساسا هو بمدينه وانا بمدينه لظروف عمله مااقدر اجلس في بيتي لانه اساسا راح يكون بعيد عني ,,,

[ايسكريم]

انا رح انفس في بيت اهلي >>>مستااااااااااااانسه خخخخخخ
مثل ما قلتو امي ما رح استحي اعرض عليها اسالتي بعكس ام زوجي!

و في بيت اهلي اختي رح تغسل ثيابي بعكس في بيت اهل زوجي رح اغسلهم انا و ولادتي رح تكون وقت اختبارات للاسف :(


بشروني بولادتكم حبابات

[Almasah]

وطيب انا بمكان وأهلي بمكان
مين بيسبح وبيشيل البيبي انا ولا زوجي ؟؟
انا ماعمري شلت طفل واخذته وحممته ولبسته ماااعرف يبي لي وقت اتعلم !!

ثانيا مابي اطول عليكم
كل رجال عقله براسه ويعرف خلاصه

والزوج مايعيقه شيء لو يبي يلف يمين ويسار حتى لو انتي معاه بيلعب بذيله
لكن الزوج المحترم يعرف شلون يحترم نفسه
ومايحتاج نكون رقباء على ازواجنا
ربي فوق ورقيب علينا

الزوجه تحتاج بالنفاس عنايه تلاقيها عند اهلها ماتلاقيها ببيتها ولحالها


صعبه صعبه جدا وخصوصا اللي مثل حالتي
انا بمدينه واهلي بمدينه ثانيه حتى جيران مااعرفهم هنا

بمعنى احاتي بجد زوجي لحاله بشقه
بس ان شاء الله ارجع بعد الاربعين ومن احلى مايكون بنظره

[~*جْ ــوَلىْ*~]

انا لما تخلص زيارات الاهل برجع يعني يمكن 20 او 25 يوم

وكلامك عين الصح

[أساس الغلا]

مشكوررره حبيبتي ع نصائح
يعطيك العاااااافيه

[ملآمح خجوله]

انا بتنفس عند اهلي ياااااسلاام والله فله

[حبيبت زوجهاm]

صراحه موضوع مميز

بس شي صعب تقعدين عنده منو الي يخدمك

انا عند امي وعند اهلي ارتاح اهم شي راحت نفسي وزوج بلعكس اخليه يشتاق لي

[وردة فهد]

والله ان كلامك كله صح