يومياتي بعد ترجيع الأجنة

[مؤمنة بالله وحده]

ان شاء الله ربنا هيطمنا انا و انتي و كل الحبيبات المشتاقات :) :)
والله بقيت احب ادخل هنا بحس بالتفاؤل و المحبة :* :*
لا ننسى بعض من صالح الدعاء ^_^

[Am Fatmai]

ماشاءالله عليج ام سلطان ربي يجعل كل ما تقدميه في ميزان حسناتج يارب وااايد فرحتني وحسستني بالسعاده ذكر مشاركتك وافاده الاخوات ياررب واجمل شي قلتيه انا عند حسن ظن عبد بي نعم والله كريم وبتشوفون بيعطيكم من خيره الكثييير
الله يثبت اجنتكم جميعا واشكرج ام سلطان مره ثانيه مووضوعج حددده يجيب التفاؤل
ويااارب يااارب مايجعل الحمل في نفس وحده وتحمل كل وحده وتجررب اجمل واحلى شعوور في الدنيا كلها
موفقين حبيباتي كلكم

[أم السلطان]

السلام عليكم ورحمة الله وبركاته
شكراً لمروركم على الموضوع
.
.
بييييب بيييييب انا بالسيارة حالياً
.
.
رحت المستشفى
خخخخخخ وسحبت منهم أسبوع اجازة. *_^
.
.
هكذا هو التدليع خخخخخ
أوصيكم على نفسكم ادلعونها واتريحرنها .. صح
وانا اول وحده بطبق اللي أوصيكم عليه *_^
.
.
بوصل البيت و بفضى لكم وللسوالف معاكم يا حبيباتي الكرووووشات. ��
.
.
المهم اللحينه
كل وحده تخبرنا وتقول لنا كيف ادلع نفسها ؟!!!
.
.
خل نستفيد من بعض ان شاءالله كيف نقضي وقت الفراغ ؟!!!

والله يهون علينا فترة الانتظار

وان شاءالله كل وحده تبشرنا بحملها يارب

أستودعكم الله الذي لا تضيع ودائعه

مع السلامة


وهاااااا مثل ما وصيتكم لا تنسوني انا والاخوات بالدعوات الطيبه حتى ولو كانت بالقلب ❤️

[رحيل بعالم النسيان]

الله يحقق مرادي ومرادك يا ام السلطان وكل مشتاقه للنونوا

[أم السلطان]

السلام عليكم ورحمة الله وبركاته
مسآآآكم��ﷲ͜بالـخِيــر

.
.
بنات دعووووواتكم لي ��
.
.
طلعت من البيت وبروح العيادة مرة ثانية ؟!!!! شفتوا كيف ؟؟؟
.
.
راجعت العيادة لان عندي ارتفاع بدرجة الحرارة
وتوصل 38,5
ومن يومين وانا بس على البندول
و اليوم الصبح سويت تحليل دم
.... والنتيجة .....
(((( ارتفاع كريات الدم البيضاء ))))
والدكتور طلب اراجعة عشان بيكتب لي مضاد حيوي
.
.
ان شاءالله خير
.
.
وان شاءالله تكون علامة من علامات الحمل (( هكذا هو التفاؤل ))

احبكم بالله

مع السلامة

[رحيل بعالم النسيان]

قدامك العافيه ان شاء الله يا ام السلطان ماتشوفين شر ...طمنينا عليك

[أم السلطان]

السلام عليكم ورحمة الله وبركاته
هلا بخواتي وحبيباتي
.
.
الدكتور قاااااااهرني ؟!!!
.
.
حضرته كان طالب أسوي تحليل دم
وما رضى يسوي لي تحليل حمل
قال: ولا يمكن قبل يوم ١٤ من الترجيع
.
.
الحمدلله رحت له وعطاني مضاد حيوي لمدة خمس ايام
وان شاءالله يكون خير وتكون علامة خير يارب
.
.
وطلب مني ابعد عن كل المشروبات البارده
واشرب يومياً عصير برتقال
ودافي جسمي
.
.
حاضرين عمي الدكتور.. ههههههه لا توصيني بدلع
ما يدري اني انا اللي قاعده اشجع الحلوات الحوامل باْذن الله على الدلع وألراحه *_^
.
.
دعواتكم لي
احس برررررقاد.. بس الوقت المغرب
وبيخرب ارقادي بالليل
.
.
بظل صامده لين صلاة العشاء ان شاءالله
.
.
مع السلامة. ❤️

[مؤمنة بالله وحده]

الف سلامة عليكي يا ام سلطان .. ان شاء الله يكون خير :)
بس انتي اليوم 10 صح ؟
بس انتي عندك التهاب او اي حاجة ؟
عشان بس الادوية تكون بحساب برضه .. ان شاء الله خير
انا متفاءلة ليكي باذن الله والله :)
يارب ييسر لنا جميعا يارب
سبحانه اللهم ربنا توكلنا عليك

[أم السلطان]

السلام عليكم ورحمة الله وبركاته
مساكم الله بالخير يا حبيباتي

أشكرك اختي مؤمنة بالله وحدة .. على السؤال والدعوات الطيبة..
اليوم انا ١١ من الترجيع

والحمدلله على كل حال متعبتني الحمه اشوي
احس منهد حيلي .. و ضغطي نازل

الحمدلله على كل حال وان شاءالله بعد الصبر الفرج..
.
.سبحان الله شفتوا لما كنت اقول لكم الأعراض تختلف من جسم لآخر.
وحتى اللاخوات اللي يكون حملهم طبيعي تختلف أعراض الحمل من طفل لطفل لنفس الام..
.
.
عليكم بالدعاء والتفاؤل
أقنعوا انفسكم بأنكم حوامل
أقنعوا انفسكم بان الأمور طيبه
أقنعوا انفسكم بالدعاء للجنين
ادعوا له بتمام الخَلق والخُلُق
..
..
ولا تنسوني بدعواتكم الطيبه
تصبحون على خير
.
.
أستودعكم الله الذي لا تضيع ودائعه

مع السلامة

[أم السلطان]

خواتي .. ممكن (((((( طلــــــــب))))))
.
.
رجاءً لا تكتبون لي على الخاص

لان الهدف من مشاركتي ان يستفيد الجميع
ومشاركتي ودخولي للمنتدى لوجه الله تعالى

لأني حاسه بكم كلكم
وأقرب الناس لنا امهاتنا واخواتنا مايقدرون يفيدونا بهالموضوع
فرجاءً خلو المشاركات على العام عشان الكل يستفيد
.
.
وماشاءالله لو تلاحظون عدد المشاهدين خلال يومين وصل لعدد كبير
وهذا يدل على مدى الحاجه اللي تحتاجها الأخوات بهذا الموضوع
.
.
وبعدين كلنا حريم
وسوالفنا سوالف حريم
وترى السؤال اللي يدور بالبال يمر على جميع الخوات
بس اختلاف المرحله اللي وصلت لها كل وحده لها استفسارات تخص مرحلتها..

.
.
إنتوا فاهميني ياحبيباتي
.
.
ما ابي حد يتضايق من طلبي
وانا موجودة وحاضره للرد على اي سوْال
تصبحون على خير ...
واحلام سعيده ...
وربي يحقق لنا كل مانتمناه يارب...

مع السلامة