التجمع المغربي الجديد لتجديد الامل و مرحبا بكم من كل بلد

[chamcham]

ايوا اختي الله يرحم ميمتك و جميع موتا المسلمين لموت صعييييييييبة و لكن هدي هي سنة الحياة و الحمد لله على كل حال, والله يخلي ليك راجلك كيف قلتي راه هما للي مصبرينا و صابرين علينا
انا احبيبتي درت اشعة صبغة و الانابيب مزيانين ولكن قالليا طبيب عندي شي حبيبات فالوالدة هوما للي حابسين بحاللا دايرا اللولب و قالي خاصني كورتاج باش يحيدهوم هي هاديك درت لكورتاج و لحمد لله و حتى راجلي دار تحاليل عندو نقص بسيييط, اوا درنا دوايات و ماجابش الله ياختي الاطباء اكتريتهم باغين غير لفلووس و الى بقيتي تابعاهم تصطاي انا دابا درت للي عليا و الكمال على الله
بالنسبة للدورة عندي مخربقة كل مرة و اشنو كايقول ليها راسها هههه

[chamcham]

على المنظار غير توكلي على الله كنت قريت فالمنتدى وحدة شي 8 سنين و هي كتسنا اوا و هي دير لمنظار فنفس شهر حملات مسكينة و كيبقى غير سبب و الكمال على الله

[chamcham]

بعدا راني لقيتك نتيا نتوانس معاك لبنات لخرين غبر ليهم الاتر كانت جماعتنا زوييييينا كاندخلو فمرة و كلنا كنهدرومكتبقايش عارفا راسك معمن كتهدري ههههه توحشتهم بغيت غير نعرف اخبارهم ياااااااااااربي يكون غير لوحم للي مغبرهم علينا و يرجعو يبشرونا فالقريب العاجل ان شاء الله

[marocchina 1988]

أهلا حبيبة هانا معاك حتى أنا راني مسالية ههههههه والله راني منين لقيتك كتبتي ردودك فرحت
وقلت مع راسي ماكاين غير شمشومة بالتجمع هههه حاسة بأننا أنا وياك بحال بحال والحجرة ماكاتقاداش لينا من الهضرة غادي دغيا نفتحوا تجمع جديد هههه
لله يسرلك حبيبة والمهم درتي لي عليك كيف ماقلتي والكمال على الله بالنسبة للمنظار وي حبيبة راني الموضوع لي قلتي ليا تاع الأخت لي حملات من بعد الله والمنظار هو لي زعمني وكذلك إقترحاتو عليا واحد الأخت بواحد من مواضيعي يعني قلت يمكن يكون أبسط الأشياء ماكاتبانش ليهم بالسونار العادي يمكن المنظار يكشفها خصوصا كنت حملت مرة طبيعي ومن بعد الكورتاج ماحمتلش وكانتمنى نلقى شي سبب كان مانعني من الحمل ربي يشافيه
هاذ المساء راجلي غايدوز معاه لعند دكتور الأسرة وغايسولو ويارب يعطيه ورقة باش ندير الموعيد باش نعملوا غانرد عليكم الخبار أش دار معاه

[chamcham]

هههه زوينة عندك هاد شمشومة لبنات فالتجمع لقديم كانو كايقولو ليا مشيميشة و انت زدتيني وحدة اخرى لهلا يخطيك الزين المروكي ههه, كيف قلت حتى انا مساااااااااااااااااالية ماكاين ميدار غيركانسالي شقا ديال دار و نشد لورديناتور على مايجيب لينا ألله معامن نتوانسو
اوا اختي احسن حاجة صلي صلاة استخارة و توكلي على الله الا فيها لخير غدي ديريها و الا مفيهاش لخير غدي تعكس من عند الله
اوا متغبريش باش مكان قولي ليا لجديد الله يفرحك و يفتحها فوجهك و تحملي هاد شهر يااااااارب امين

[marocchina 1988]

ههههه مشيميشة الزين لباس أنا راني دلعتك زعما لكن واقيلا معرفتش كاتبان مشيميشة أحسن سافي غانبقا نقوليك مشيميشة وإن شاء الله تولدي لينا شي بريقيقة وشي تفيفيحة وشي رميمينة وشي بريطيل هههههههههههههه




راني وليت حافظة ساعتك ديما تدخلي هاد الوقت كيف عامل الجو بكازا

[chamcham]

ا زين للي جا من عندك عسل بحال مشيميشة بحال شمشومة الله يرز ق غير الصحة و السلامة ههههههه
ياختي بزاف عليا غدي نولد هادوك كاااااااااااااملين بغيتي تغرقيني, عرفتي ديما كنت كنقول باغيا نولد ربعة ديال دراري و ملي قلتيها دابا تخلعت هههه جاوني بزااااف, اوا من لخير للي جات من عند الله مرحبا بيها
الجو فكازا شوية مغيم راني صبنت اليوما بحال ناس لحادكييين هههه كانكره تصبين و الشقا مكرهتش نبقا غير جاااااااااالسة هههههه
ونتي كي داير الجو عندك, فانا بلاصة ساكنة و شحال ديال لوقت بيناتنا يالله سرسر الغزال

[marocchina 1988]

المشاركة الأصلية كتبت بواسطة chamcham

ا زين للي جا من عندك عسل بحال مشيميشة بحال شمشومة الله يرز ق غير الصحة و السلامة ههههههه
ياختي بزاف عليا غدي نولد هادوك كاااااااااااااملين بغيتي تغرقيني, عرفتي ديما كنت كنقول باغيا نولد ربعة ديال دراري و ملي قلتيها دابا تخلعت هههه جاوني بزااااف, اوا من لخير للي جات من عند الله مرحبا بيها

صباح النور مشيميشة
ههههه سبحان الله أنا لبارح داكشي لي جاني فراسي تاع الدراري كتبتو ومن بعد قلت مانعرف لساني نطق عالهوا كيف ماكانقولوا وقلت يمكن يكون نصيب مشيميشة ربعة ودابا شفتك قلتي حتى نتي كنتي باغية ربعة ههههه صافي إن شاء الله غاتولدي ربعة الله يعطيهم ليك على قد النفع هادشي لي نيت كانطلب أنا وكانقول الله يعطيهم لينا على قد النفع أحبيبة

الجو فكازا شوية مغيم راني صبنت اليوما بحال ناس لحادكييين هههه كانكره تصبين و الشقا مكرهتش نبقا غير جاااااااااالسة هههههه

إيوا تاني لالة مولاتي الحادقة هادشي لِّ الزوجة المغربية معروفة بيه الحداقة والتاويل نعام أسيدي الله يعطيك باش يفرحك وتولي ثلاثة دنوبات ولا خمسة تبدلي للنونو ليكوش ههههههههه ولبيبرونات وتبدال حويجاتو آمين يارب

ونتي كي داير الجو عندك, فانا بلاصة ساكنة و شحال ديال لوقت بيناتنا يالله سرسر الغزال

أنا ياحْبِيبْتي بعيدة على المغرب ب 3600 كلم 3 دسوايع بالطيارة 3 أيام بالسيارة توحشت بزاااف واقيلا غانديرها ونمشي للمغرب فشهر يناير هاذا لي جاي إيلا درت المنظار
آه على قولت المنظار راه لبارح جاب راجلي الورقة من الدكتور ديال الأسرة وجا للدار وقلنا نتاصلوا نشدو موعد وقالت ليه السكرتيرة لي كاتعمل المواعيد مشا لحال دابا حينت كانت باقا شوي للثامنة وهوما كملوا الخدمة وقالت ليه حتى لليوم يتاصل بكري شوي باش نشوفو إمتى يعطونا الموعد إيوا نتمناو مايطوه لينا بعيد بزاف ومانكره نديرو قبل شهر يناير أو ماشي مشكل حتى نجي من المغرب
إيلا مشيت بغيت نمشي عند واحد الدكتورة بمراكش كاينة حدانا كايقولو عليها شاطرة
بنت العائلة ديالي تبارك الله دابا عندها ثلاثة توائم دكور من بعد الله وهاد البنت هي سليمة وبقات من ورا إجهاضها سنة منين مشات عندها عطاتها شي دوا ماعرت واش منشط ولا مانعرف المهم قالت ليها راه نتي سليمة وبهاد الدوا يمكن تخاطري ويكونو عندك التوأم وقالت ليها غير عطيه ليا وسبحان الله راه وليداتها دابا عندهم شي ثلاث سنوات ومرت خال صاحبتي يالاه ولدات هاذ اليامات وحملات حتى هي بالتوام ساع واحد مات بأول الحمل وبقا لاخر باقي ماسولت صاحبتي كاع أش ولدات المهم هاد السيدة ستة عشر سنة ماخلات حتى دكتور وفالآخر ليها سبحان الله هاد الدكتورة جاب الله عليها التيسير وراجل هاد السيدة هو خال صحبتي كانوا عندو دوالي وبقات معاهم وتبارك الله راه فرحهم ربي هاد اليامات بمولود وقالت ليا صحبتي أجي للمغرب ونعطيك عنوانها وانا فكرت فهادشي
صراحة هنايا ماداروا معانا والو غير بركوا عليا بالتلقيح كي شي فأرة تجارب أنا ماباغاش تلقيح يمكن غير شي حاجة بسيطة نقدر نحمل من جديد الله يدير لي فيها الخير وصافي
ناري أنا أمشيميشة إلَ شديت لكلافيي صباعي كايلصقو عليها ماكانتقاداش ياك خخخخخخخخخ

[chamcham]

الله يعطيك الصحة الزين لمراكشي و الله يفرحك بشي جوج توام دراري تابعينهوم جوج توام بنات هههه حتى متلقايش لوقت باش تحكي راسك غدي نضحك عليك مزيان و بقى نفكرك عققققققققققققلتي مللي كنتي مرتاااااااااحة ماقال هز ماقال حط هههه
و الله حنى فنعمة مغدي نحسو بيها حتى نغرقو دراري اوا الله يكتب علينا مكتيب الخير
وان شاء الله يعطيوك شي موعد قريب و ديريه و تحملي فنفس شهر و تجي لبلاد و نتي كتوحمي و كتشهاي و بغيت هادي لا لا مبقيتش باغياها بغيت لوخرا ههههه
ياختي انا ان شاء لله ملي نحمل غدي نتفشش على راجلي مزياااااااااااااااان
قوليليا شحال عندك ديال لخوت و لخواتات

[احلى شيء الاموموة]

مساء الخير عليكم واش احوالكم..ان شااء الله راكم بخير..صح فطوركم وربي يتقبل صيامكم
ربي يفرحنا كااامل بالحمل الثابت السليم ياا رب....ربي يتقبل منا ...