تجمع امهات شهرشوال 1434

[غربة أعياد]

مرحبا بنات

آسفه تأخرت ماطمنتكم بس انشغلت وكنت تعبانه شوي الأيام اللي راحت وبنوتتي بس تبكي وتستفرغ يادوب قدرت ادخل التجمع القديم واعطيهم خبر


انا رحت المستشفى يوم السبت العصر وجلست بالطواري بحجة مافيه سرير وكشفوا على الرحم وقالوا لي 1 ونص وبعدين فجأه سبحان الله طلع فيه سرير هههههه طلعت تنويم على الساعه 4 تقريبا ولما جت الساعه 5 إلا ربع أعطتني الدكتوره تحميلة طلق وماكنت احس بشي بس قالت الرحم 1 مو 1 ونص
وبعد ساعه بالضبط صرت احس بألم خفيف بظهري وكان زوجي عندي ومحد يعرف ماحبيت اقلق أهلي وخصوصا أمي
لما صارت 6 ونص قلت لزوجي يروح لأهله يرتاح ولاني مابيه يشوفني أتألم وادري بتعب نفسيته
جلست طول الوقت أتألم بس اصبر نفسي وأقول بتهون ان شاءالله
ركبوا لي تخطيط وقالت فيه طلق خفيف صليت المغرب والعشاء وفيه الم كل شوي يقوى
وبعد العشاء حاولت أنام ما قدرت بس أغفى واصحى وقمت مشيت باسياب القسم شوي وتعبت واستفرغت
لما صارت الساعه 10 ونص تقريبا نزلت موية الرأس ولما قاسوا الرحم قالت الممرضة مفتوح 2 انتي مافيه ولاده اليوم ولاده بكرا
انا لما قالت كذا جلست ابكي قهرتني الدكتوره قالت الليلة أو خلال ساعات وهي تقول بكرا حاولت امشي ما قدرت صرت استفرغ الله يكرمكم يمكن 3 أو 4 مرات
الساعه 12 جت بنفس غرفتي وحده توها والده وتجلس تدعي لي وتحاول تصبرني ونزل مني دم مع المشي
وجت القابله على الساعه 1 تقريبا أو 1 ونص قاست الرحم قالت 2 ونص قريب 3 ان شاءالله
قلت يارب صبرك مع كل هالالم وشكلي مطوله

الساعه 2 أعطتني اللي نايمه جنبي كوب حليب حار وتمره وانا مالي نفس احس بغثيان بس أخذته مجامله وخليته عندي
شوي إلا زوجي داخل عندي دخلوه الحمدلله وجلس يدلك ظهري لأني مو قادره أتحرك ولا امشي بس جالسه على طرف السرير
وخلاني اشرب الحليب وأكل التمره غصب جلس 10 دقائق وطلع
لما صارت 2 ونص نزلت التحميله والدم كثير سبحان الله صرت ما احس بألم اختفى الم البطن والظهر صار بس ضغط وما أقدر اجلس
ناديت الممرضة وعلى ماجت القابله إلا الساعه 3 إلا ثلث كشفت قالت 6 ولاده
وأرسلت لزوجي أنهم بيدخلوني الحين غرفة الولاده ورحت معهم وانا ادعي ولما دخلت وجهزوا كل شي سألتني القابله تقول انتي نيرس أكيد معلوم كم رحم مفتوح وقت ولاده قلت ايوه 10

قالت انتي من اول مفتوح 10 بس انا قلت 6 عشان ممرضه هناك مايسوي إزعاج وانتي خوف

المهم قالت هذا رس البيبي اذا حسيتي ضغط ادفعي وصرت ادفع وهي تشجعني ومعها ممرضه وحده والباقين طالعين يجهزون والحمدلله على طول طلعت بنوتتي يمكن بعد 5 دفعات أو اقل سمعتها تبكي وجلست ابكي من غير شعور ولما رجعوا الممرضات انصدموا أني ولدت وهم باقي ماتجهزوا ههههههه


لما طلعوا المشيمه أعطوني بنتي مره ثانيه وجابوا جوالي قالوا صوريهل وصورتها ودقيت على زوجي وأكلمه وأبكي وخاف يقول وش فيك هههههه وكانت البنوته معهم تبكي
شوي إلا هو جاي ودخلوه عندي وانا كنت ارجف غصب عني وهو يحسبني خايفه يقول خلاص خلصتي ليش الخوف المهم أخذ جوالي عشان يبشر إخواني وطلع مع الممرضات للحضانة يشوف النونو
وجت الدكتوره خيطتني وحطيت الكمامة لما خلصت وارتحت ونمت نص ساعه تقريبا وبعدين قومتني القابله وتروشت وطلعت غرفتي
وجاني زوجي تطمن علي وطلع وجابوا لي بنوتتي الساعه 5 وانا كل مااتذكر اللي صار بس ابكي يمكن من الفرحة
بس بنتي صغيره وزنها 2 كيلو و 900 غرام كاسره خاطري مره خصوصا مع الغازات والاستفراغ

ادري طولت عليكم بس حبيت احكي لكم قصتي


الحمدلله ربي هونها علي مع الدعاء اللهم أني أسألك حسن الخلق وهون الطلق
وان ربي يسخر لي خلقه والحمدلله جتني اللي نامت عندي أعطتني الحليب وسخر لي القابله

[هدفي رضا ربي]

الحمدلله على سلامتك الله يحفظ لك بنتك ويهون على كل حامل ولادتها يارب

[راما الدلوعه]

صباح الخيرات
كيفكم رشبقات وحشتووووني
وكيف كتاكيتكم
انا بنوتي مزكمه ومكتومه الله يشفيها دعواتكم

غربه الف مبروووك الحمدلله على سلامتك والله يخليلك العروسه

[رونق الصبآ]

سلام امهات كيفكم ؟؟

وحشتووني .. انا بس اسير اسلم واشرد خخخخ
عبدالرحمن الله يصلحه ماخذ كل وقتي .. مابعد تأقلمت ورتبت نفسي على وجود بيبي في حياتي ..

اليوم خلصت الاربعين الحمدلله .. حسيته طووووول .. الناس عيدوا وسافروا ورجعوا وجات المدارس واليوم الوطني جاي وانا ماخلصت هههههههههههههه

عقبالكم ;)

[رونق الصبآ]

بالنسبة للألم وقت الطلق .. جسيت اني بموت لأنه كان صناعي .. الموسات انفكت من الصباح ولا في طلق خافوا انه ينشف من المويات ومابعد جا الطلق ..
شفت الموت قسم بالله .. الله يكتب لنا الاجر ...
ماتخيلت الطلق الصناعي كذا والله مرررررة متعب .. بس سبحان الله وقت الدف تجيك قوة من الله كذا يمكن دفتين وطلع حبيب مامته ..
طبعا هذا ثاني حمل لي بس اول طفل .. اول ماسمعت صوته بكيييييييت من الفرحة لآني ماعشتها بالأول وحمدت ربي وشكرته وانا شبه مخدررررة ... بعدين لما جابوه لي كأنه حلم .. ماني مستووعبة اني بجد بجد صرت أم

الحمدلك يارب والشكر .. كلما اتذكر الولادة تخنقني العبرة .. بس لما اشوف دحومي قدام عيني اقول والله يستاااهل العنا فديت قلبه

ربي يحفظه ويحميه ويحرسه ويحفظ لكم بيبهاتكم ويبلغنا فيهم ونشوفهم صالحين متوفقين بحياتهم < كأني صرت جدة خخخخخخ

[اليقين]

السلام عليكم يا امهات شوال

انا ولدت قيصري اخر يوم بشوال
الحمد لله على كل حال وتعبت بعدها شويتين والحين الحمد لله بخير وعافية
وجبت ولد سميناه فيصل


الف الحمد لله على سلامة باقي الكروشات ومبرووك ما جاكم

[راما الدلوعه]

رونق الف مبروووك وعقبالنا نخلص النفاس ع خير

يقين الف الف مبروووك الحمدلله ع سلامتك والله يجعله من مواليد السعاده
بس ليش قيصري

[غربة أعياد]

الله يسلمكم جميعا



راما سلامة الحلوه ماتشوف شر ان شاءالله


رونق مبروك خلصتي الأربعين عقبالنا يارب





اليقين الف مبروك والحمدلله على سلامتك وسلامة فصولي الله يخليه لك يارب

انا وانتي اجل قفلنا شوال هههههههه

[غربة أعياد]

بنات انا فيني الم اسفل بطني وأسفل ظهري
يذكرني بأيام الدوره ووقت الطلق


طبيعيه هالالام؟!!

[اليقين]

الله يسلمكم يا رشيقات..

راما قيصري لان الموية طلعت والبيبي ما نزل وقل نبضه
بعد معانا مع الطلق 15 ساعة ولله الحمد

غربة الم البطن عشان الرحم يرجع لمكانه بس للظهر مادري
انا يجيني المغص مع الرضاعة والم الظهر بعد عندي بس قلت امكن لان الطلق كان كله بظهري
اضافة اني اخخذت بنج نصفي ويقال من سلبياته الم الظهر
والله المستعان