يا بنات أن بدأت الحقن المجهرى ببروتوكول جديد اسمه الانتوجنست ادعولى بليييز

[طفلي حياتي انا]

ربنا يوفقك اختي وان شاء الله يرزقك الحمل السليم المعافي انت وجميع نساء امة محمد عليه افضل الصلاة والتسليم

[meshmesha]

المشاركة الأصلية كتبت بواسطة طفلي حياتي انا

ربنا يوفقك اختي وان شاء الله يرزقك الحمل السليم المعافي انت وجميع نساء امة محمد عليه افضل الصلاة والتسليم

ربنا يكرمك يا حبيبتى يارب أسألك الدعاء فى صلاتك ياريت تفتكرينى

[meshmesha]

المشاركة الأصلية كتبت بواسطة ابتسامه رغم الالم

موفقه يارب الله يسمعك الحلى اخبار ويرزقك بالذريه الصالحه عاجلا غير اجل

حبيبتى ابتسامة رغم الالم والله انى اتفائل بمشاركتك ،، اتمنى دعواتك الدائمة وياريت تفتكرينى فى صلاتك فانى بحاجة لكل دعوة ولكى بالمثل ان شاء الله

[meshmesha]

اخواتى فى الله
السلام عليكن ورحمة الله وبركاته
حبيبت اقولكم اخر اخبارى ، انا رحت النهاردة الصبح المستشفى الساعة 9 ونص وجوزى دفع فلوس العملية وحضرونى للعملية الحمد لله اليوم كان صعب شوية نفسيا عليا بس الحمد لله على كل حال كله يهون عشان اشوف ابنى او بنتى يارب يجعله بفايدة ، انا اخدت بنج كلى تعبنى شوية بعد ما فوقت بس الحمد لله احسن من غيرى والدكتورة قالتلى انهم اخدوا منى 7 بويضات واخدوا من جوزى العينة وارتحت شوية وجابولى عصير ووجبة وبعدها قمت روحت طبعا كنت دايخة ومش مركزة خالص وكمان كنت قايمة من البنج بعيط معرفش ليه كنت متأثرة اوى ليه والممرضة كتر خيرها كانت بتمسحلى دموعى ونزلتنى لجوزى اما قعدت اتحايل عليها تنزلنى لأن جوزى ممنوع يطلع فى الافاقة ، فضلت شوية تعبانة وجاتلى كحة من البنج وكمان كنت حاسة بحرقتن جامد فى صدرى كأن مية سخنة مدلوقة على جلدى المهم عدى اليوم على خير الحمد لله ورجعت البيت لقيت صدرى فيه بقع حمرا والحرقان رهيب مش طايقة الهدوم طبعا اتخضيت وافتكرته طفح جلدى لكن بعدين افتكرت انى لما دخلت العمليات اول ما ادونى حقنة البنج حسيت بحرقان فى القفص الصدرى والحرقان طلع لدماغى من ورا فانا حطيت ايدى على صدرى(القفص الصدرى) مكان الحرقان وقلتلهم حاسة بحرقان جامد وبعدين رحت فى النوم ولما صحيت كنت حاطة ايدى على صدرى وغرزة صوابعى مكان الحرقان وعمالة ادعك طبعا ساعتها جلدى التهب وانا مش حاسة محستش بالألم غير بعدها جوزى حطلى فوطة بميا ساقعة ونمت وصحيت اكلت وريحت شوية وبعدين قلت افتح الاب توب اطمنكوا عشان لو حد قلقان عليا انا عارفة ان مفيش حد قلقان بس هعمل نفسى كأن فيه حد :)
المستشفى قالولنا هيكلمونا بكرة يقولولنا اخبار الانقسام ايه والنقل هيتم امتى ادعولى يا بنات ان الاجنة تنقسم كويس وانقل فى اليوم الخامس وتبقى الاجنة درجة اولى يارب قادر على كل شىء

[الفجر المنتظر]

المشاركة الأصلية كتبت بواسطة meshmesha

اخواتى فى الله
السلام عليكن ورحمة الله وبركاته
حبيبت اقولكم اخر اخبارى ، انا رحت النهاردة الصبح المستشفى الساعة 9 ونص وجوزى دفع فلوس العملية وحضرونى للعملية الحمد لله اليوم كان صعب شوية نفسيا عليا بس الحمد لله على كل حال كله يهون عشان اشوف ابنى او بنتى يارب يجعله بفايدة ، انا اخدت بنج كلى تعبنى شوية بعد ما فوقت بس الحمد لله احسن من غيرى والدكتورة قالتلى انهم اخدوا منى 7 بويضات واخدوا من جوزى العينة وارتحت شوية وجابولى عصير ووجبة وبعدها قمت روحت طبعا كنت دايخة ومش مركزة خالص وكمان كنت قايمة من البنج بعيط معرفش ليه كنت متأثرة اوى ليه والممرضة كتر خيرها كانت بتمسحلى دموعى ونزلتنى لجوزى اما قعدت اتحايل عليها تنزلنى لأن جوزى ممنوع يطلع فى الافاقة ، فضلت شوية تعبانة وجاتلى كحة من البنج وكمان كنت حاسة بحرقتن جامد فى صدرى كأن مية سخنة مدلوقة على جلدى المهم عدى اليوم على خير الحمد لله ورجعت البيت لقيت صدرى فيه بقع حمرا والحرقان رهيب مش طايقة الهدوم طبعا اتخضيت وافتكرته طفح جلدى لكن بعدين افتكرت انى لما دخلت العمليات اول ما ادونى حقنة البنج حسيت بحرقان فى القفص الصدرى والحرقان طلع لدماغى من ورا فانا حطيت ايدى على صدرى(القفص الصدرى) مكان الحرقان وقلتلهم حاسة بحرقان جامد وبعدين رحت فى النوم ولما صحيت كنت حاطة ايدى على صدرى وغرزة صوابعى مكان الحرقان وعمالة ادعك طبعا ساعتها جلدى التهب وانا مش حاسة محستش بالألم غير بعدها جوزى حطلى فوطة بميا ساقعة ونمت وصحيت اكلت وريحت شوية وبعدين قلت افتح الاب توب اطمنكوا عشان لو حد قلقان عليا انا عارفة ان مفيش حد قلقان بس هعمل نفسى كأن فيه حد :)
المستشفى قالولنا هيكلمونا بكرة يقولولنا اخبار الانقسام ايه والنقل هيتم امتى ادعولى يا بنات ان الاجنة تنقسم كويس وانقل فى اليوم الخامس وتبقى الاجنة درجة اولى يارب قادر على كل شىء

لا بالعكس قلقانين عليك الله يوفقك يا أختي ونسمع الاخبار الحلوه منك وعاوزة اسالك كيف لقيتي الخدمة والنظافة في المركز لانها اهم حاجة الراحة النفسية وهذه الاشياء بتريح.

[ابتسامه رغم الالم]

هههههههههه لا حبيبتي والله كل يوم ادخل اطمن عليك ياقلبي ربي يفرحك ويرزقك بالحمل السليم لازياده فيه ولا نقصان

ومن ناحيه انك بتعيطي بعد مافقتي من البنج انا زيك وما بعرف ليش وظليت كل اليوم ببكي هههههههه لكن هذا في عمليتي الاولى اما الثانيه فعادي قمت اسولف هههه

الله يبشرك بالخير ياعمري ويرزقك عاجلا غير اجل يارب

[طفلي حياتي انا]

كيفك اختي ان شاء الله بخير وربنا يتمم لك علي خير وتسمعينا الاخبار الحلوة وربنا يرزقنا واياكم ياااااااااااارب

[meshmesha]

المشاركة الأصلية كتبت بواسطة طفلي حياتي انا

ربنا يوفقك اختي وان شاء الله يرزقك الحمل السليم المعافي انت وجميع نساء امة محمد عليه افضل الصلاة والتسليم

تسلمى يا حبيبة قلبى يارب انا وانتى وكل بنات المسلمين

[meshmesha]

المشاركة الأصلية كتبت بواسطة طفلي حياتي انا

كيفك اختي ان شاء الله بخير وربنا يتمم لك علي خير وتسمعينا الاخبار الحلوة وربنا يرزقنا واياكم ياااااااااااارب

الحمد لله يا حبيبتى عملت السحب امبارح بس لسة المستشفى مكلمونيش يقولولى ايه اخبار انقسام الأجنة والارجاع هيبقى امتى وانا بصراحة مش راضية اتصل وسايباهم اما يتكلموا هم سايباها على الله وربنا هو وحده اللى بايده كل شىء،، ادعيلى وانتى بتصلى

[meshmesha]

المشاركة الأصلية كتبت بواسطة الفجر المنتظر

لا بالعكس قلقانين عليك الله يوفقك يا أختي ونسمع الاخبار الحلوه منك وعاوزة اسالك كيف لقيتي الخدمة والنظافة في المركز لانها اهم حاجة الراحة النفسية وهذه الاشياء بتريح.

اختى الفجر المنتظر اشكرك لدعائك
بالنسبة لمركز أدم هو كويس الى حد ما بس بصراحة يفتقد للتنظيم فى العيادات والمواعيد بس بشكل عام هو من احسن المراكز اللى عملت عنها سيرش ولقيت عنها كلام كويس هو وجنين ومركز د اسماعيل ابو الفتوح بس طبعا أدم أرخص شوية من جنين يعنى لحد دلوقتى التكلفة وصلت 15000 جنيه شاملة تكلفة العملية والمنشطات والادوية والتحاليل والاشعة ومتابعة التبويض يعنى كل حاجة تقريبا اتصرفت الشهر ده طبعا دا مش شامل مصاريف التجميد لو هنجمد.