خدمه..من تشرح ولادتها الطبيعيه بالتفصيل الممل جدا جدا

[منتهى]

أنا قبل أربع سنين جبت بنتي البكر .. وكان عمري 19

وكانت احسن ولادة لي ..

بدأ معاي ألم خفيف من الساعه 7 مساء الين الساعه 10 زاد الألم ورحت المستشفى ..
وكان الرحم مفتوح 4سم ..
وبعدين حطوني في غرفة الانتظار .. اعطوني ابره لتخفيف الألم
واعطوني ابره شرجية فيه زي الموية.. ماتعور .. عشان تنظف البطن من الفضلات وتسهل الولاده .. وبعدها وانتو بكرامه رحت الحمام ..
ولمن رجعت كنت انام شوي واصحى واحس بالم شديد وارجع انام ..
وبعدها بكم دقيقة رجعوا وقاسوا الرحم وقالوا صار 7سم ..
ودخلوني غرفة الولاده الساعه 12..وكنت لسى انام واصحى .. وهم يقولو لي يلا ادفعي النونو يبغى يخرج .. والساعه وحده خلصوا من الخياطه ومن كل شي ..
وماشاء الله كانت هذه احسن وأسرع ولاده مرت علي ما تألمت فيها كثير عشان كل شوي اخذ لي غفوه..

ولمن شفت بنتي سليمه قلت يارب لك الحمد ..

هذا تفصيل أكثر من ممل ..

[أم لأول مرة]

مشكورة اختي منتهى

[آأإأحسـآس آنثــى ..}]

حتى آنـآأ بكرر ووووخآأإيفه من آلتووسيع وآلخيآأإطــه مررررررررررررره

احسسس ابحسس فيه و يعوور مررره تكفووون اخوووآتي طمنووونآأإ

[اميرة بدنيتي]

احساس انثى
حبيبتي التوسع والخياطه مااتحسين فيه لما يجرحونك

من الم الطلق بس بعدين يخيطونك وانتي مبنجه تخدير موضعي بس

وبعد كم يوم يلئم الجرح بس عليك تتعالجين من البدايه بمرهم ومطهر

المستشفى يصفونه لك والولاده بدايتها الطلق ونهايتها خروج البيبي

وهذي احلى حظه مجرد يطلع تنسين الالم كله

[آأإأحسـآس آنثــى ..}]

المشاركة الأصلية كتبت بواسطة اميرة بدنيتي

احساس انثى
حبيبتي التوسع والخياطه مااتحسين فيه لما يجرحونك

من الم الطلق بس بعدين يخيطونك وانتي مبنجه تخدير موضعي بس

وبعد كم يوم يلئم الجرح بس عليك تتعالجين من البدايه بمرهم ومطهر

المستشفى يصفونه لك والولاده بدايتها الطلق ونهايتها خروج البيبي

وهذي احلى حظه مجرد يطلع تنسين الالم كله

فرحتينيــي بصرآآآحه وآن شآ‘‘ـأآء آلله يصير مثل مآأتقولين مآآحس فيهآ

لآني مآحب آلجرآآآحه وآخآأف منهآ

وآذآ جآ وقت آلولآده ولآ حسيت فيهآأإ رآآآح آدعي لك وربي ...

[اميرة بدنيتي]

رجعت لكم احكي قصة ولادتي اللي كانت قبل 4 اشهر بس طبعا ولادتي الثالثه هذي ولدت مرتين قبلها

من قبل يومين من الولاده ويجي الم خفيف وافكر ولادة ويروح

لكن بيوم الخميس بالليل ليلة الجمعه زاد الالم شوي يروح ويجي

ونزلت كدرة دم قليل ورحت للمستشفى وقاسوا الرحم طلع 3 سم

بس ماافيه طلق لماركبوا جهاز التخطيط مافيه طلق وشالوه عني

وحطوني بغرفة عزل لما يحمى الطلق ولما حمى الطلق ركبوا

لي مغذي وفيه ابرة مساعده للطلق حتى يحمى لانه بارد مرره

كل وحده تجي وتولد وتروح وانا جالسه اطالع ولافيه طلق قوي

ولما حمى الطلق بمساعدة الابره فجرو ماء الجنين بالعود ورحت

لغرفة الولادة وكان الدفع عندي بطيء مرره وتعبت مرره وانا ابي

اولد والدفع بطيء وانا اقرا الزلزله والانشقاق للتسهيل ودخلوا

قسطره بالشرج للمساعده بالدفع ووسعو المنطقه بالمشرط من جهتين اليمين والوسط وقالو

البيبي كبير يمكن ماايطلع وانا احاول ادفع حتى يطلع قلت ماابي

كل هالتعب وااولد بقيصريه صعب اعاني الامرين وادعوا ربي

بتسهيل ولادتي واقرا الزلزله وااية
(وهزي اليك بجذع النخلة تساقط عليكي رطبا جنيا )

وااخيرا قرب الراس من الخروج وهم يشجعوني ادفعي بقوة وهم يدفعون لي بالضغط على بطني
حتى ينزل الجنين للحوض لانه مرتفع فوق
وادفع واتعب وااوقف وبعدين دفعة بقوة وطلع الراس اخيراا
وطلعت البنوته اللي زي القمر كان وزنها 3سم و600 غرام وبعدها خيطوا جراحتي بعد ماخدروني موضعي رحت من الساعه 12 بالليل

وولدت الصباح الساعه 10 ونصف يوم الجمعه

وضميتها وحمدت ربي عليها يارب لك الحمد

هذي قصتي بالممل

[حواء!]

مشكورين على القصص الله يكتب اجركم يارب

ويارب يسهل ولادتي ويهونها واحكي لكم ان شاء الله

ويسهل على كل الحوامل يااااااااااااااااااااارب

بي عندي سؤال / وشو العود لتفجير ماء الجنين وهل هو يألم ولا لا؟

[اميرة بدنيتي]

المشاركة الأصلية كتبت بواسطة حواء!

مشكورين على القصص الله يكتب اجركم يارب

ويارب يسهل ولادتي ويهونها واحكي لكم ان شاء الله

ويسهل على كل الحوامل يااااااااااااااااااااارب

بي عندي سؤال / وشو العود لتفجير ماء الجنين وهل هو يألم ولا لا؟

العود نفسه العود اللي يقيسون به الفم للكشف عن اللوز ويالم شوي

[ام ربى]

كاان يامكاان..
كان موعد ولادتي 23/10/1430
وقبل يوم من ولادتي الساعه 10 ونص الليل كنت امشي الين الساعه 12 ولمن رجعت البيت شربت حليب عليه خروع وعسل ونمت مع زوجي لتسهيل الولاده زالله ماجات الساعه 1قبل الفجر الا كل متحركت من السرير ينزل مويه الصراحه مره خفت فقررت اتصل على امي وقلتلها اتجهزي ممكن عندي ولاده ورحنا على مستشفى حكومي وكان المكاان مليان لدرجه انو نزلوا وحده من السرير حق الكشف وكان باقيلها 2سم وتولد والسرير معدون من المويه المهم زوجي جاه القرف وخرجنا على مستشفى بخش وكانت الساعه سارت 7 الصباح وفيه علامات الولاده بس الرحم بس 2 سم المهم الدكتوره قالت البكر يفتح كل ساعه سانتي لمن جاه الظهر بس فتح 1سم يعني سار 3 سم..والالم يزيد الين الساعه 3 العصر الدكتوره عملتلي قحط ومانفع الطلق يزيد بس الرحم مقفل والساعه 5رجعت تعملي القحط بس من دون فايده خلاص انا قرر ارجع البيت بس مارضيت سرت امشي فالمستشفى الين الساعه 7 ونص قررت الدكتوره تفك الكيس حق البيبي وتنزل الماء وقتها خلاص شفت الموووت قدامي وسرت اهلوس من التعب بس ماكنت ازعك.وشويه حسيت بكف فوقتي وكان وقت خروج النونو وكانت الساعه 10 الليل..وحطوها فووقي وعلى طوول طار الالم من اول ماشفتها وحضنتها ونستها وهيا وسخه وانا مو حاسه الين مارحت على الغرفه العاديه والحمد لله على السلامه وسلامة الجميع..
واسفه على الاطاله..بس قلتي بالطفصيل..

[المتفائلة دوماً]

آآآآآآآآه ذكرتوني بأصعب يوم بعمري كله ،، وأصعب موقف وهو يوم ولادة طفلي البكر

معااااااااااااناه تخيلو كل آلام الولادة هذي والطبيبة الله يسامحها ع راسي وتقول بكل برود أعصاب "" الله يعوضك"" تخيلووووووو هالموقف الله لايراويكم مثله بس كنت أدعي ربي ان ضناي البكر يعيش والحمدلله ع كل حال والشكر صحيح طفلي توفى بس انا الحين أستعد وأهيأ جسمي لحمل جديد كلي تفاؤل بحمل سليم وطفل سليم ياااااااارب