تجمع رعاية الطفل من عمر 1 سنة إلى 3 سنوات

[عيش الحياة]

اختي جود ما شاء الله الله يحفظها مدام بدأت توقف بالاشياء خلاص قربت تمشي لا تستعجلي عليها خليها براحتها او شجيعيها
في طريقة حلوة انك تقربي بين قطعتين اثاث وتخلي فرق بسيط وخليها تتنقل بينها وشوي شوي بعد المسافة وخليكي معاها وترى في اطفال ما يمشو الا على سنة وثلاث شهور

[jode]

لبى قلبك عيش الحياه انا كتبت ماتحاول طبعا لانهى خوافه

[الأميره وبس]

مرحباً بنات
كيفكم
انا عندي بنوته عمرها سنتين وشهرين جننت فيني بنومها حاولت اعدل بشتى الطرق مافيه فايده كان نومها حلو لين كملت سنه ونص بعدها صارت تحب السهر وتنكد علي لين اصحى معاها الحين صارت تنام 9 الصباح والله تعبتني الله يصلحها المشكله انا ع وشك ولاده اني عارفه كيف أتصرف معها
ساعدوني بطريقه اعدل فيها جدولها امس صحت المغرب وخليتها مواصله للساعه 3 الفجر عشان تنام للظهر نامت الى 6 ونص وصحت والحين أحاول انومها بعد شوي بس مافيه امل ><

[عيش الحياة]

الله يعنيك عليها مره تطول لتسعة الصباح كثير والله تتعبي

شوفي ماراح ينفع معاها الا التدريج علي النوم مثلا تبدأي اليوم الاول لو نامت تسعة صحيها قبل موعد صحيانها المعتاد بساعة مثلا امشي يومين على نفس النظام بعدها حاولي تنيميها على الساعة ثمان وبكدا قدمي ساعة وقت النوم وساعة وقت الصحيان بالتدريج الله يعينك والله ان شاء الله تنفع معاها الطريقة واذا كملت ثلاث سنين دخليها الحضانه اذا حابة عشان تنظم نومها

حاولي اذا بتاخذه قيلولة خليها ساعة بس لا تزيد

[الخنساء82]

ارجو ان تفيدونا بخبراتكم عن طعامهم وفعالياتهم وكل الاشياء الخاصة بهذا العمر

[jode]

خخخخخخخخخخخ بنتي سنه وقبل شوي جينا من التطعيم ان شاء الله متتعب عليه دخلت ابغى استفيد معاكم لان بنتي وزنها نازل ان شاء الله في تفاعل

[آحسآس آنثى]

ولدي عمره سنه بس من يوم انولد للحين و صوت بصدره تعبت وانا اقول لابوه نوديه المستشفى
سمعت ان القرفه ممتازه للبلغم بس سآلت ام زوجي وهي كانت تعالج تقول اول مره اعرف القرفه للبلغم
والمشكله الثانيه ان لعااااابه كثير يعني كل شوي يبلل ملابسه بلعاااابه
اما بنسبه للاكل اعطيه صامولي واحط عليه شويه لبن عشان يسهل عليه الاكل و زبادي و عصير المراعي اذا سويت اذا اغمس فيه خبز حتى يبدا يذوب الخبز و اعطيه خضروات بطاطس مسلوقه طبعااا انا سمعت الشوربه ممتازه للاطفال بس انا ماسويهاااا و شوربة الشوفان لان الشوفان مفيد لطفل
وربي يخلي كل طفل لامه

[الأميره وبس]

معك حق هذا الي افكر فيه وان شاء الله ينفع ياااارب

[حبيبة حموودي]

بنتي عمرها سنه مشكلتها لانامت كل شوي تصحى
تبكي واعطيها اللهايه او اسوي لها رضعه وترجع تنام ماتتعدى ساعه ساعه

ونص الا وتبكي تعبت نفسي انام ثلاث ساعات متواصل
عطوني حل تكفون

[عيش الحياة]

بالنسبة للطعام في هذا العمر يأكل تقريبا اكل العائلة

عيش توست بالبن وخضار مسلوقة مقطعة صغير ومكرونة وكل شي يحبو الطفل ويتقبلو والفواكه مهما جدا