جدول خاص لتجهيزات البيبي والنفاس من عملي

[زوزي]

المشاركة الأصلية كتبت بواسطة ابيك اقرب من انفاسي

طبيعي لمن تكوني بكريه فرحتك هي كل ماتروحي مكان تبي تشتري لبيبي تنسي نفسك عشان كذا توصل الاسعار شوي كثيره وكل واحد ينام على الجنب الي يريحوو هع

انتي تردي ع الجدول ولا شنو مافهمت

؟؟؟؟؟؟؟؟؟

أجل خليك مفتحة عيونك لا تنامين أذا رحتي السوق لأنة مو طبيعي هع

[ياغلاهم قطر]

هههههههههه اشدعوه جهاز عروس ب 2000 او 3000
احنا 80 الف ماتكفي العروس حق جهازها بس
للعلم انا جيت للحسا يوم واحد بس اتشرى طيرت 9000 ريال
و زوجي زادني 2500
اللي يبي الزين بياخذ لو شنهي القيمه و السوق ماعاد رخيص نفس قبل
راح اجرب ادش بيبي شوب او مذركير ب 500 ريال واشوف اطلع بشنو منها و اقولكم

[ابيك اقرب من انفاسي]

اكييييييييييد ارد على الجدول لان انتي تقولي ااننا مبالغين بالعكس احس تمام وانا مااخذت كلها مقاسات نيوبورن اخذت من 0-3 عشان تنفعني مع اني بكريه بس عندي خبره لان اخواتي قبل انا الي كنت اشتر لهم امي ماتفهم بالاشياء دي وكل واحد والي يريحوووو ولاتلومين لمن احد يشتر ملابس كثير من الفرحه خليهم وكل واحد يعمل جدولو على حسب ميزانيتوو وانتبي عملتي جدولك ومدام مشي معاك زي ماتوقعتي هاذا شي حلوو عاتي كل واحد وتفكيروو

[زوزي]

عادي حبيبتي براحتك وشكرا ع ان الجدول عجبك وانا مسجلة العدد اللي احتاجة وانتو براحتكم وهذا اللي كاتبتة كتذكير فقط ويكون سهل عليك تقسيم اغراضة بالتدريج
حياك

وبالنسبة لغلاهم قطر والله قطر اغلى اجل لو شريتي منها كيف بيصير
والله اعراسنا اغلى فوق 500الف هذا من غير البيت المبني الله المستعان
بس ما شاء الله ع اهل الحساء مسهلينا ويحبون التوفير وذا عن قولنا كانو عرس كصيغة مبالغة لا اكثر
انا رحت قطر اكثر من مرة ياربي ياحضكم فيها نظافة واسواق تهبل بس اغلى من الشرقية عشان كذا تجون في العطل عندنا ههههه خاصة النعيرية مليانة قطريين
حياك

[ياغلاهم قطر]

انا اقصد العروس لحالها ماتكفيها ال 80 عشان تجهز نفسها للعرس

انا النعيريه ماعمري رحت لها ودي اروح بس اللي اعرفهز انها لموسم التخيم مش شوبينق

الحسا اول مره اروح لها من كم اسبوع ووحده من اهلها لما سمعت الاسعار وانا اسال قالت لي معطينج سعر غير عن اللي عطونا
يعني مغليين علينا ليش ان من قطر

و بالنسبه للمقارنه بالاسعار بالراحة السعوديه ارخص احنا اسعارنا بالعلالي

[طبعي هادئه]

احيييك اختي زوزي على حكمتك في فلوسك بصراحه اللي زيك عمله نادره مو كل الحريم تعرف تصرف فلوسها صح كنت اتمنى اني كذا لاكن اللي مثلك حكيمه انا كنت حاطه مبلغ ثلاثه الاف ريال لصرف علما بدون اغراض الصيدليه واغراض مابعد الولاده ولا السرير وكلفتني سبعه الاف وغير اللي صرفناه بعد الولاده من حلويات وتوزيعات واغراض الصيدليه يعني الله يكون بعون ازواجنا على الصرف واحيييك اختي ياغلاهم من قطر ياهلا فيكم واهل قطر عزيزين على قلوبنا وتنورونا بزيراتكم بس من فينا مايبغى يوفر الا اللي ماعنده عقل حتى التاجر ابتجيله صفقه كويسه والسعر معقول بديهي راح يقبل والمعروف انه اسواااق قطر مبالغ فيها بديهي اهل قطر يجون الشرقيه يقضون وبصراحه انا زرت قطر اسعار اسواقهم مبالغ وبصراحه اسواقنا احلى صحيح قطر حلوه ومرتبه وماشاءالله صارت مرتبه بس بضايعنا احلى وحياكم جيران وعزيزين على قلوب اهل السعوديه يعلم الله اني احبكم في الله تحياتي لكم وتقبلو مروري

[زوزي]

هلا أهل قطر
حياك مرة ثانية
********
طبعي هادئة مرحبتين وشكرا لك

[زوزي]

خلصت كل شي ولله الحمد
المبلغ كلة 1500 ريال
طبعا نفس الجدول ماخذت شي زايد
الملابس الخارجية من مذر كير
الداخلية من طابا
والمهادات من سنتر بوينت مع المكملات
سرير من ايكيا ب350
دولاب ملابس رفوف عجبني بقماش فرو مغلف ولة سحاب وسلة للحفايظ والرضاعات من فنيسيا
وسلامتكم
أن شاء الله أنزل الموضوع بأقرب وقت مع أني ماحب أصور بس مع الناس هع

[نورس دجلة]

شكرا لك يا الغلا

[الوردة الحالمه]

500 ماتكفي ابد للملابس
ولاتنسين الشنطه 2 للخروج ولبيت وترمس الماء
انا شريت شنطه وسرير صغير وشوية بربتوزات ومكيال حليب وفرشاة شعر وجسم وكلفتني 700