دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[ثلجه فوشيه]

كتكوته عندي وعندك خير حتى انا يقولي مو لازم مفرش خخخ
أنا زيك حايسه بس وحده قالت لي جنب شوكولاين ومخابز بدره هناك
ديكا الناحيه في الزاهر في محلين حقت لحف حتى سمتها بس نسيت اسم المكان والله
تقول في عندو مفارش مزبووطه بس أنا لسا مارحت شوفت قلت بعد الحج ان شاء الله اروح

[الأمورة]

HELLO كيفيكم احلى بنوتات ....؟؟؟ الحمد لله على سلامه نونا والله يصلح لها فهودي يا عسولات بسألكم أنا دحين تقريبا في الاسبوع الرابع في قبل اسبوعين كنت احس بمغص وألم في بطني حتى كنت اصلى وانا جالسة من كثر الالم ودحين مررررة مافي لا الم ولامغص بس أحس بدوخه حتى كنت لما أنسدح على بطني أتوجع بس دحين لا..!!! وربي يا بنات صرت أهلوس أقول لا يكون صار شي "لا سمح الله" ...!! موعدي أخر الاسبوع عند الدكتورة بس مررررة خايفة المهم جاتني رسالة على الايميل وفيها هذه الصورة مين يفتكرها وربي من وقت ما شفتها وأنا مشتهيتهااااااااااااااااااا ما تعرفوا فين تنباع ...؟؟

[انشودةمطر]

اهلين بنات كيفكم اليوم
ثلوجه انا المفرش سويته ب 900 عند وحده بخاريه

[ثلجه فوشيه]

مسسائكم خيرر وجمعه مباااركه ..

كيفكم بنات وحشتووني ؟؟ ايش هذا ماصار احد يدخل التجمع ؟؟

أنا مقدر اسيبو كل يوم لازم ادخل اقرا اخباركم واشوف باقي الصفحات ودي اشوف صفحات كثير زي أول هههه

ماشاء الله انشوووده تتهني فيه ياااارب بس ماتحسيها كثير ؟؟ كم قطعه وفيه معاه مفرش للنونو والا شو؟؟ وانتي ايش اخترتي لون معليش كترت اسألتي هههه

الأمووره اهلين فيكي ومبرووك الحمل حبيبتي
لا تخافي الأسابيع الأولى هيا الأسابيع اللي تنغرز فيها البويضه في الرحم عشان كدا
كنتي تحسي بالآلآم ان شاء الله مافيك الا كل خير دحين ..
بعدين مدري احس انو احنا نجيب لنفسنا الوسواس خخخ والا في أحد يدور على الألم
أنا كنت زيك اوسوس بس دحين من كثر الآلآم لما تختفي ما افكر فيها بالعكس اقول الحمد لله ههههه ..
واااااااو فكرتيني بالحلاوه دي كنت احووب الحمممرا والقلب البمبي خخخ كح كح والله قديمه شوفيلك صرفه لازم تلاقيها لا تروح تطلع الوحمه في البوبو لا سمح الله هههه
الله يتمم لك على خير يارررب ..

وحششششششتيني يا نانا

[كروزه]

جمعه مباركه

كيفكم يارب يكون الجميع بخير


بقولكم ايش صار امس كنت عند اهلي وليه يومين تنزل مني الله يكرمكم مويه

موكثير قد الفنجان جق القهوه من يومين وامس جاني مغص في الليل قلت لصباح

بتصل على زوجي اروح حراء ورحت ولما دخلت الطوارى قالت مافي سرير

كلها محجوزه روحي الولاده او النور قتلها ملفي هنا كيف اروح قالت لا ضروري

تنويم المويه مررررررررررره خطره

اتصلت على مستوصف الصاعدي بروح عند الدكتوره دعاء ماهي فيه العصر

الساعه 5 تجي بكيت وزوجي انفجع

وقال نروح الولاده رحت وكشفت عليه دكتوره سودانيه ربي يسعدها طمنتني قالت

الرحم مفتوح واحد سانتي بكره تعالي نسوي سونار لاتخافي كل شي تمام بس

بس اشربي قرفه

بنات ايش هذي المويه عادي او في شي ؟؟؟؟؟؟؟؟؟ صارلكم زي كده والله بس

اوسوس ومن امس مانمت

[ثلجه فوشيه]

كرووزه ياقلبي عليكي شوفتي عشان كدا أنا اكره المستشفيات الحكومه
يقهرو وقت الزنقه مايطمنووكي ..
معليش حبيبتي يمكت خيره لكي ..
كروزه اول ماما قالت لي انو المويات علامه الولاده خلاص يعني ولادتك قررربت
حاولي تمشي تمشي كثيررر مدري ليش حاسه انا انو حتنزل عليكي المويه بعدين تحسي بطلق
يلا هانت ادعي كثيرر وطمنينيااا عليكي يابطه ..

[انشودةمطر]

كروزه ياقلبي لاتقلقي انا كذا في ولدي تحسين المويه تبلل ملابس الداخليه مو لدرجة تنزل على الرجل انا كذا لمدة اسبوعين بعدها ولدت لما كنت بكريه اخذت التاسع كامل ان شالله خير والله يسهل ولادتك
ثلوجه بالعكس المفرش فيه سرير بيبي مع الحامل حقه ومفرشي وخداديات ولبس الام وشنطه للبيبي
وعلبة مناديل وسلة زباله وانتي بكرامه وتلبيسة الرضاعه وكوفلة البيبي مع بربتوز ولونه ذهبي مع تفاحي لان الاول سويت له سكري

[كروزه]

مشكوره ثلجه وانشوده


انشوده يعني المويه عادي مو خطيره

[قمر ليالي مكة]

جمعة مباركة
بنات انا عملت توزيعات علشان بنتي
ماما الله يحفظها عملتها مفأجاة لي وماكلفت كثير الوحدة ب7 ريال من عند النقلي اللي بالرصيفة مع الشوكلاته حبيت افيدكم
اورجيكم الصورة

[قمر ليالي مكة]