تجمع حوامل سوريا-دردشة ورود سوريا-دردشة الغاليات

silla · 06-04-2012, 12:40 PM

حاولت اقراها كلها شامو يسلمو ايديكي والله يجعلها بميزان اعمالك ....

ويعينك وعينا ع تربايتهن احسن تربية يارب

الله يساعدني ويعيني اقدر اتحمل هالمسؤولية .... يارب

دعواتك ..

شام الهوى · 06-04-2012, 02:30 PM

الوجوه ☺☺☺التي نحبها فى الله❤ لا تغيب عنا مهما شغلتنا الدنيا" ماأجمل الحياه وفيهاعزيز يتذكر وقلب❤ يتأثر ومخلص لا يتغير.عطر الله قلوبكم الطيبه ورزقكم الخيروأسعد أيامكم بكل خير.🌹🌹
اسعد الله صباحكم ويسر مافيه 🍃🌹🍃

وردة حلب · 06-04-2012, 03:09 PM

سلام يا حلوات
الحمدلله مرقت على خير صح تعبت كتير بس الحمدلله ضيوفي انبسطو
وولحقت شغلي بس بطلوع الروح ونمت وضهر عم يوجعني كتييييييير
انتو كيفكن

اقتباس:

المشاركة الأصلية كتبت بواسطة شام الهوى

الله يبيض وجهك قدامهم يارب

تسلمي يارب .الحمدلله الله سهلها

اقتباس:

المشاركة الأصلية كتبت بواسطة hadeel al rouh

ييي الله يعينك ‏
انشالله تلحقي حبيبتي وتطلع احلى سفرة ‏

الحمدلله لحقت بس تعبت كتييييير الله لايحرمنا الاجر

اقتباس:

المشاركة الأصلية كتبت بواسطة أم ملاااااك

وردة حلب
كيفك ياعسل ؟؟ يارب تكوني بخير .. وماشاء الله عليكي الله يسعدك يارب وأكيد دايما" وجهك أبيض حبيبتي الله يعطيكي ألف عافية .. وماشاء الله ع هل القطاقيط إلي عندك الله يحميلك هنا يارب ويسعدهم ويبعتلهم أيام حلوة متلهم يارب .. اشتقتلك

مع كل الود
تحياتي (^_*)

اهلا يا قلبي انا الحمدلله بخير ...وتسلمي يارب الله يخليك الامورة الحلوة ويقومك بالسلامة
يارب

اقتباس:

المشاركة الأصلية كتبت بواسطة سرووءة

مسالخير بنات
كيفكم
وردة حلب
الله يعييينك
اكره ماعندي ضيوف الغفلة هههه
بس انت ادها وادود
والله يبيض وجهك يارب

اي والله ضيوف الغفلة متعبين بالذات لما بيكون عندك طفل صغير اخد كل وقتك ودوبك عم تلحقي الضروري بشغل بيتك والحمدلله على كل حال
الله ييسرها بس تنذكر ما تنعاد ههههههههههههههههههه

اقتباس:

المشاركة الأصلية كتبت بواسطة silla

ولييييييييييييييييييييييييييييييي

الهي الله يكون بعونك
انا مابقدر ابدا اتصرف بهيك مواقف ههههههه
ازا حدا بدو يجي لعندي بموت من اللبكة كيف هيك

الله يعينك

هههههههههههههههه ياقلبي عليكي بالاول كنت حس بلبكة اول ما تزوجت وصرت مسؤولة عن بيت
وزوجي من النوع يلي كتييييييير بيحب الضيوف والعزايم تخيلي انا عروس شهر واقفة بالمطبخ وعم بطبخ ل6 رجال وانا اصلا ما كنت بعرف اطبخ هههههههههههه
الله لايوريكي شو طبخ طلع معي وملبوكة كنت ع الاخر وعصبت وصرت اعيط على جوزي
ههههههههههههههههه لهلق بتذكر هديك العزيمة

بعدين شوي شوي صار عندي شي عادي بس بفضل يكون عندي علم بالعزيمة قبلها بيومين حتى ارتب اموري بالذات لما صار عندي اولاد ..والله لايحرمنا الاجر

وردة حلب · 06-04-2012, 03:19 PM

ام ملاك ...حبيبتي هلق روقت على ردك وقريته بتمعن ....ياقلبي الالتهابات لازم تعالجيها وبسرعة البيتادين ما بيكفي ابدا
الالتهابات ممكن تسبب ولادة مبكرة لاسمح الله غيري دكتورتك انت الان بالشهر السادس يعني عديتي مرحلة الخطر وممكن تاخدي علاج بسهولة . ولا تتهاوني بالموضوع واكيد المغص يلي عندك سببه الالتهابات ....
والامساك خدي مني وصفة استعملتها بحملي 4 كاسات ماء على الريق اول ما بتفيقي ....يمكن بالبداية تلاقيها صعبة
بس خليها بالتدريج اول يوم كاسة وبعد بيومين كاسة ونص وهيك حتى تتعودي على الاربع كاسات ...والله نسيت مشكلة الامساك مع اني عانيت منه كتير بحملي الاول ...وشغلة تانية الجرجير ...حطيه بالسلطة وكليه اخضر جنب الاكل كتيييييييير بيساعد
لانه الامساك بيزيد مشكلة البواسير ...واللله يشفيكي
والحالة النفسية كلنا الله المستعان على حالتنا وانشغال بالنا عند اهلنا
حبيبتي عليكي بالاستغفار دائما خليه على لسانك ...وحاولي تسترخي بوقت فراغك وتهدي اعصابك
كلها اقدار بمشيئة الله وهو القادر يفرجها من عنده
واتمنى ما اكون طولت عليكي

silla · 06-04-2012, 06:05 PM

وردة حلب .... مبروووووووووووووك وماشالله عليك والللللللللله حاسة فيك وجع الضهر تبع العزايم يالطيف
لك الي سنتين متزوجة صار عملت فين شي 10عزايم عدا العشوات والغدوات تبع الاكلات التقيلة محشي ومامحشي ويبرق وشاكرية هاي مستحيل يطعميني ياها بهنا الا لازم نعزم حدا بجنكلي برفقاتو وبيجو عالغدا
وبربي وقت باكل لحالي ياخي ماااااااالو طعمة الاكل بس بفرح عليه يقبشني كيف هيك بينبسط ع حالو وهو عم يعزم وبطعمي رفقاتو هههه
قولتك الله لا يضيعلنا اجر ... انا اكتر شي بزعل عالعزابية لهيك ما بعصب من جوزي وقت بجيبن وبيشتهين بالاكل
المهم الاجر والثواب يارب

بس بصراحة بتلبك يعني يمكن حلي بقا اتعود او يصير عندي خبرة بس بنعبط مو بايدي ازا حدا جاي لعندي ومعو ولاد بطق عقلي بضل ورى هاد وورى هاد والله بيبعتلي امهات بيتركو ولادن يحوصو ببيتي وانا بعصب هلئ عالحمل عم موت من الركيد وراهن بقوم انا وبطوني وبصير بلاحق هاد وهاد وع هم وبس واقعدو عاقلين وامهاتن عم يتفرجو علي......

أم ملاك ومالك · 06-04-2012, 06:09 PM

اقتباس:

المشاركة الأصلية كتبت بواسطة سرووءة

مسالخير بنات
كيفكم

ام ملاك
عنجد راح ازعل منك
ليش لتقولي ان مننزعج من كلامك الله يسامحك
نحن بغربة واخوات لبعض وكلنا نفس المعاناة وبكفي اننا من بلد واحد
مين النا غير بعض بهالغربة
ومنجد حسيت بكل كلمة قلتيا
بس بجوز حملك هاد متعب لان تفسيتك تعبانة
مشان اوضاع سوريا وكل هاد بأثر عجسمك
وبخصوص كل شي مشاكل قلتي عنها كلها من الحمل بتصير بس انت ليش مبكرة معك
انا بعرف الدوالي وهالشغلات بتصير اخر شهرين من التقل
الله يعينك وبكملك هلكم شهر عخير
بس انت لاتتعبي حالك كتير
عملي يلي بتقدري علي بس
والله يمرئلك هلكم شهر عخير
وكلو مأجورة عليه انشالله
مافي شي عند ربك بضيع

مساء الورد ياعسل الحمدلله بخير أنتي كيفك وجود العسولة كيفها ؟؟ يارب تكونوا بخير .. طمنيني عن اهلك حبيبتي يارب يكونوا بخير الله يحميهم يارب
آآآآخ وبس والله العظيم صدقتي ياسروءة شو بدنا نعمل الله يعين ويساعد يارب الله يحمي آهالينا والله العظيم صايرة عم شوف كوابيس بسبب الاوضاع الله يحميهم يارب لا حبيبتي لاتزعلي ولا شي والله بيعلم انه انتوا بسعر أهتي وأعز الله لايحرمني منكم بجاه الحبيب المصطفى الله يسعدكم يارب

مع كل الود

تحياتي (0_0)

أم ملاك ومالك · 06-04-2012, 06:18 PM

اقتباس:

المشاركة الأصلية كتبت بواسطة silla

ياقلبي ياام ملاك .....
شو هالحكي الله يسامحك بعدين ابدا ابدا ماحلوة ام ملوكة الغالية بهالياس وهالنفسية المحطمة
اتوكلي عالله واحتسبي الاجر حبيبتي ... ومدام هداك الحمل هيك كان هاد الحمل انشالله ولادتك فيه يسيرة وسهلة
ومعليش الظاهر انت عم تعزبي وتتعبي حالك كتير ... ريحي حالك مشان الدوالي والرجلين اللي عم يتشنجو هاي مشكلتي الكبيرة انا فعلا مؤلمة بشكل وكلمالها بتزيد
الله بعين يا قلبي ... وبعدين ازا مافضفضتي وحكيتي لزوجك لمين بدك تحكي يشاركك همومك ويخفف عنك معليش هاد شريك حياتك
ونحنا اخواتك وعيب تقولي مننزعج او منمل منك الله يسامحك تعي شوي كيف وقت غبتي كلياتنا انشغل بالنا عليك ...
البواسير الله يكون بعونك بسمع المها صعب كتري سوائل وبالنسبة للاتهابات بصراحة عملي مغاطس ملح كتير بتريح واامن شي للحامل
في كريم بعرفو للحامل بصير ممتاااااااااااز اسمو ديلاسين
الله يحميلك حملك ويحميكي وانشالله بتقومي بالسلامة وبتفرحي بمالك الشب الامور

وانشالله بدي نزلكم صور تياب كرومتي
ومشان صورة الرباعي انا صرت اكتر من نص السابع تقريبا بدي شوف ازا بصير اعملها
بس ازا عملتيها بالسادس وين المشكلة يعني مافهمت ... ليش حصرا بالسابع
يلا ديري بالك ع حالك ورجعينا متل قبل شتقنااالك

سيلا القمر انتي الغالية ياقلبي والله بيشهد حبيبتي والله العظيم كلامكم ريحني كتير الله لايحرمني منكم وإن شاء الله بتولدي وبتقومي بخير وسلامة انتي وكرومة العسل والله ياحبيبتي الحال من بعضوا والله العظيم لو هل كلمة مابنتحاسب عليها لكنت قلتلك عايشة من قلة الموت الله يحمي أهالينا يارب والله كل مابفكر انه ممكن حدا منهم يصيرلوا شي بجن الله لا يقدر يارب لاتفجعني بحدا من أهالي يا الله يابنات نفسي انزل ع حلب أمانة تدعولي أخد الاقامة لاني انا هون زيارة وبسبب الاوضاع والحمل قبلوا يجددولي وبتنتهي ب 27/7/ تخيلوا قبل 3 تيام من رمضان الله يعين يارب .. سيلا حبيبتي ايمتى عطوكي موعد ولادتك .. وعم انتظظر اشوف صور أواعي العسل كرومة الله لايحرمك منه يارب وتفرحي فيه ويحميلك أهلك يارب

مع كل الود
تحياتي (0_0)

أم ملاك ومالك · 06-04-2012, 06:30 PM

اقتباس:

المشاركة الأصلية كتبت بواسطة شام الهوى

سلام بنات شو اخباركن اشتقتلكم كتير
والله ياأم ملاك بنوتي حجبتها فتره وقاموا علي الناس انها صغيرة فقلت اخليها لصف الاول ان شاء الله احجبها هي السنة الجاي روضة
وأكيد بدنك تقولولي نفس الناس بكير
بس والله من كتر ماعم نسمع قصص عالبنات الله يستر علينا وعلى بناتنا وبنات المسلمين فوق الارض وتحت الارض ويوم العرض
فحبيت انها تكبر وتوعى عال دنيا والحجاب عراسها حتى يكون متل اي عضو من جسمها الله يعينا على تربايتهم يارب ويجعلهم من عباده الصالحين

هلا حبيبتي شام منور ياعسل .. لا حبيبتي انا معك والله العظيم الواحد صار يأكل هم كيف بدوا يربي اولادوا ولا ماعاد ضل شي مخبى حتى الدعايات صارت فجارة بفجارة الله يعين ويساعدنا ع تربايتهم ترباية سليمة وعنجد بهني ولادك ع هيك أم الله يخليكي تاج فوق رأسهم يارب حبيبتي وياريت كون متلك ماشاء الله عليكي الله يسعدك يارب

مع كل الود
تحياتي (0_0)

أم ملاك ومالك · 06-04-2012, 06:35 PM

اقتباس:

المشاركة الأصلية كتبت بواسطة وردة حلب

ام ملاك ...حبيبتي هلق روقت على ردك وقريته بتمعن ....ياقلبي الالتهابات لازم تعالجيها وبسرعة البيتادين ما بيكفي ابدا
الالتهابات ممكن تسبب ولادة مبكرة لاسمح الله غيري دكتورتك انت الان بالشهر السادس يعني عديتي مرحلة الخطر وممكن تاخدي علاج بسهولة . ولا تتهاوني بالموضوع واكيد المغص يلي عندك سببه الالتهابات ....
والامساك خدي مني وصفة استعملتها بحملي 4 كاسات ماء على الريق اول ما بتفيقي ....يمكن بالبداية تلاقيها صعبة
بس خليها بالتدريج اول يوم كاسة وبعد بيومين كاسة ونص وهيك حتى تتعودي على الاربع كاسات ...والله نسيت مشكلة الامساك مع اني عانيت منه كتير بحملي الاول ...وشغلة تانية الجرجير ...حطيه بالسلطة وكليه اخضر جنب الاكل كتيييييييير بيساعد
لانه الامساك بيزيد مشكلة البواسير ...واللله يشفيكي
والحالة النفسية كلنا الله المستعان على حالتنا وانشغال بالنا عند اهلنا
حبيبتي عليكي بالاستغفار دائما خليه على لسانك ...وحاولي تسترخي بوقت فراغك وتهدي اعصابك
كلها اقدار بمشيئة الله وهو القادر يفرجها من عنده
واتمنى ما اكون طولت عليكي

حبيبتي وردة حلب الله يسعدك يارب والله العظيم ماقصرتي لا انتي ولا البنات الله يسعدكم يارب ويخليلك الاولاد ويحمي أهلك يارب بجاه الحبيب المصطفى حبيبتي بالنسبة لدكتورة والله زوجي ماعم يرضى مقتنع فيها لانها أردنية واستشارية مابعرف بدي حاول ارجع افتح معو الموضوع وبالنسبة للامساك والله العظيم جربت كل الطرق حتى اني وقفت الحديد والكالسيوم وماعم يمشي الحال ومع ذلك راح جرب طريقتك لعل وعسى ربي يسر امري
لا حبيبتي بالعكس كلامك ريحني كتير الله يحمي أهالينا يارب

مع كل الود
تحياتي (0_0)

أم ملاك ومالك · 06-04-2012, 06:41 PM

هايدي
وين هل غيبة حبيبتي عسى المانع خير ؟؟ ويارب تكوني انتي وهنودة بخير الله يسعدك ويوفقك بامتحاناتك يارب ويسر ولادتك يارب وتولدي عند أمك يارب .. الله يسعدك حبيبتي ويحميكم بجاه الحبيب المصطفى .. اشتقتلك

رنوومة
أنتي كمان صرلك فترة غايبة عنا ياقمرعسى المانع خير يارب ؟؟ كيفك وكيف بنوتاتك الله يحميكم يارب ويبعد عنكم كل شر .. اشتقتلك

وردة سورية
نورتي التجمع عن جديد حبيبتي الله يحميكم يارب وإن شاء الله تكونوا بخير وترجعي لعند زوجك بخير وسلامة يارب .. اشتقتلك

زهرة الحب
كيفك ياقلبي ؟؟ يارب تكونوا بخير والله يحميكي انتي وزوجك يارب ولايفرقكم عن بعض حبيبتي وإن شاء الله تروحي لعند أهلك بخير وسلامة وألف مبروك النقلة إن شاء الله تكون وجه خير عليكم وتطلعي الشهر الجاي حامل بإذن الله .. وين هل غيبة حبيبتي .. اشتقتلك

جوري الشام
انتي كمان غايبة عسى المانع خير ..كيفك حبيبتي ؟؟ وكيف يزونة العسل ؟؟ يارب تكونوا بخير ..أبوسوا انا ماشاء الله الله يحميه هالامور .. الله يسعدك يارب ويعطيكي مراد قلبك طمنيني رحتي ع الدكتورة وشو صار معك ؟؟ الله يخليلك أهلك ومايحرمك منه أبدا" يارب ياكريم وصحة وهنا يارب .. ديما" بتنسيني هههه عم امزح معلش ماشاءالله صرنا كتار ..اشتقتلك

هدوولة
أنتي كمان غايبة عسى المانع خير .. كيفك ياقطة ؟؟ يارب تكوني بخير .. وكيف أهلك ؟؟ يارب يكونوا بخير الله يحميلك هنا يارب .. وكيف البيبي يارب يكون بخير حبيبتي إن شاء الله بتشوفيه ع خير وبيكون كاملة الخلقة لا زيادة ولا نقصان بجاه الحبيب المصطفى يارب ويكون بار إلك ولابوه حبيبتي .. عادي الي عم يصير معك بيصير معي ع طول هاد سببو التفكير والقلق والعصبية حبيبتي حاولي ماتفكري كتير وريحي حالك بس يصير معك هيك غيري وضعيتك الي انتي فيه وحاولي تشربي مي ع دفعات صغيرة حبيبتي اذا بيجيكي مغض خفيف خدي باسكوبال هو آمن ع الحامل خديه كل مابتحسي بمغص آحسن من بنادول أنا وصفتلي هو دكتورة باول حملي وكل مابحس بمغص بأخدوه لاني المغص والتقلصات مو منيحة للجنين .. إن شاء الله تكوني بخير وصحة وعافية وتقومي بسلامة يارب .. اشتقتلك

أم عائشة
عسى غيابك خير ..كيفك حبيبتي ؟؟ يارب تكوني بخير .. وكيف البيبيات يارب يكونوا بخير الله يحميهم ويسعدهم يارب وتفرحي فيهم ويكونوا بارين إلك ولابوهم .. بدنا صورهم هااااا هنا وأخواتهم كمان .. الله يسعدهم .. اشتقتلك

عبورررة
عسى غيابك خير .. كيفك ياحلوة ؟؟ يارب تكوني بخير .. وكيفوا حمودة العسول يارب يكون بخير الله يحميه يارب وإن شاء الله ماعم يعذبك .. طمنيني عنك حبيبتي .. بدنا صور عم ننتظر هاااا .. اشتقتلك

زهرة سورية
كيفك ياحلوة ؟؟ يارب تكوني بخير طمنيني عنك وين غبتي خليكي ديما عم تنوري لتجمع حبيبتي .. اشتقتلك

مع كل الود
تحياتي (0_0)

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	سماسم	إستفسارات حوامل من الشهر السابع إلى الشهر التاسع	2601	06-07-2013 07:34 PM
تجمع حوامل سوريا-دردشة ورود سوريا-دردشة الغاليات	jorri sham	إستفسارات حوامل من الشهر السابع إلى الشهر التاسع	791	07-07-2012 04:03 AM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل أهل قطر - دردشة بنات قطر - تجمع حوامل قطر	اميره نفسى	إستفسارات حوامل من الشهر السابع إلى الشهر التاسع	248	01-01-2012 03:49 PM
دردشة حوامل مصر - دردشة بنات مصر - تجمع حوامل مصر ‏	دودى اشرف	إستفسارات حوامل من الشهر السابع إلى الشهر التاسع	23892	08-22-2011 07:42 PM