دردشة بنات فلسطين, دردشة حوامل فلسطين, تجمع بنات فلسطين

لولو حمادة · 07-18-2012, 01:27 AM

اهلين فيكي ميساء بينا

maisa odeh · 07-18-2012, 01:28 AM

انشالله وهيك انا حابه يعني الواحد يستفيد من خبره الموجودين وبنفس الوئت بتعرف ع ناس جداد بحياتو

اللي كنت حابه احكي يعني هلا انا في دردشه الحوامل ازا فتت ع اي مكان تاني في المنتدى بكونو نفس الاشخاص موجودين ولا بكونو ناس جداد وشوي شوي انشالله بتعلم

وشغله اني مثلا اضيف موضوع عن اي شي حابه احكي فيه بكون كيف وشكرا الك حبيتي وبدي اغلبك معي لحد ما اعرف كلشي ومشكلتي انا كتير عجوله بحب اعرف كلشي بسرعه هههههههههههههههه

لولو حمادة · 07-18-2012, 01:31 AM

عيون المها واحساس كيفكم وكيف الحمل معكم

maisa odeh · 07-18-2012, 01:38 AM

عادي حبيتي ولو الله يخليلك اياهم كتيررررررررررررررر حلوين التؤام انا كان نفسي حملي هدا بس رحت ع الدكتوره انوه تحكيلي حامل تؤام بس ما زبط انتي اخدتي شي مشان تجيبي تؤام ولا طبيعي

لانوه الصراحه انا مفكره بعد حملي هدا ازا الله رزئني ب بنوته احاول اخد هرمونات مشان اجيب تؤام ولاد وكلد ب ايد ربنا بس الواحد بحاول يعمل شي

maisa odeh · 07-18-2012, 01:42 AM

تسلمي خيتو وانشالله نكون معرفه خير

عيـ‘ـون المهـ‘ـا · 07-18-2012, 02:06 AM

~.. لـولـو حمـاده ..~
حبيبتي مشكوره على السؤال.و الله حابه اولد اليوم قبل بكره
من التقل .الحمد لله هانت اذا ربي تمم الي باقي لعملية ولادتي 9 ايااام تاني جمعه من رمضان
دائما بدي اسألك و بنسى اديه عندك اولاد

عيـ‘ـون المهـ‘ـا · 07-18-2012, 02:29 AM

ميسا
ان شاء الله تتحقق امنيتك و تجيبي احلى توم
بس من هلآ بحكيلك بدك تتحملي لانو حمل التوم مو سهل
و تصيري تبكي لزوجك ههههه من التقل
ايه عمري بالنسبه الي انا كمان كان نفسي بتوم او 3 مره وحده لانو بعد بنتي لانا حكيت خلص ما راح افكر بالحمل مش اقل من 5 سنوات و بعد ما بنتي كبرت حسيت اني ضيعت الوئت و صرت بدي احمل بأسرع وقت بعد ارادة الله
دكتورتي ما رضت تعطيني اي منشطات لانو التبويض عندي كان ممتاز و حكتلي بس مسألة وئت..الحيت عليها و حكيت الها نفسي احمل بسرعه ,,حكتلي بعطيكي منشطات و لازم تاخدي حبوب منع الحمل بشهر قبل المنشطات لحتى تستجيب المبايض اكتر و ما يسير عندك اوفر اكتف يعني نشاط زائد للمبيض و انا بصراحه كنت اهتم بكل شي بنشط متل التمر و كنت اشرب و اكل اناناس اول 10 ايام الدوره هههه زوجي يضحك علي و يحكيلي يارب تحملي و تروئي مره اشربت لتر عصير اناناس كل ما اتذكر هداك اليوم اضحك و زوجي انجن

مني ههههه
المهم بفضل الله حملت بتوم بعد ارادة المولى,,طبعا كنت مستمره بالدعاء الى الله و الاستغفار و قراءة سورة البقره
صلاة الحاجه و ادعية خاصه للحمل
متل ما حكيتي علينا الاخد بالاسباب و الاتكال على الله

لولو حمادة · 07-18-2012, 03:05 AM

عيون المها ربنا يقومك بسلامة ادعيلنا انا عندي ولدين احمد ومحمد

maisa odeh · 07-18-2012, 03:23 AM

ازا حابه اغير اسمي بئدر ولا ما في مجال

لولو حمادة · 07-18-2012, 03:47 AM

اه بتقدري تغيري
من اللوحة التحكم في اعلى الصفحة

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	15243	06-15-2013 02:43 AM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
دردشة حوامل اهل فلسطين الغاليات ^_^	* ام لؤي *	إستفسارات حوامل من الشهر السابع إلى الشهر التاسع	2433	01-02-2012 09:14 PM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
بنات فلسطين الغاليه..كيف تعيشون؟؟	دلع	منتدى الحياة الأسرية والزوجية	18	07-17-2010 05:18 AM