¤ô§ô ~أحلى تجمع حوامل التوأم 2011~ ô§ô

[الياه]

مســــاكم خير وزهور

أخبار كروشة كروووشة وأخبار التوينز
وشو صحتكم؟؟؟ أن شاء الله نسمع عنكم دووووم كل خير

في الويك أند أخيرا طلعت وغيرت جو
سرنا دبي دار الحي بالجمعة



تغدينا في قيصر يمي يمي أكله رهيب بس ماشاء الله العيال ما خلونا نتهنى فيه، عيالي وعيال أخوي
جلبو المطعم بس
وعقب سرنا فستيفال وخذت لحف للتوينز وااايد كيوت وروعة، وآخيرا مرينا دبي مول وما قدرت اتنصخ من الزحمه، شي فظيييييع المحلات ما تقدرين تدخلينها من الزحمه، وطلعت منه بخفي حنين

والسبت عزمنا هلي على باربكيو سي فود
واستمرت العزيمة من غدا الى عشاء
وأنا مستانسة بيمعتهم، بس تعبت كل ويك أند عزايم
واليوم داومت ودوامي هد حيلي بداية أسبوع وتحسين الشغل كله متيمع، وبعد ما شي نت أدخل وشارك وياكم
رديت من الدوام 3 ظهرا، و4 سرت اسوي تحليل دم لموعدي بالثلاثاء، مريت عقب على دكتورتي في الخاص
وكااانت حليلها تعبانة حيل، رحمتها
وطمنتني على التوينز وأكدت لي نوعهم
مع أنها قبل أكدت لي وقالت 100%
واحساسي كان غير
المهم أنهم يكونون بصحه وعافية
تامين الخلق والخلق
دون زيادة أو نقصان
وبكمل على حبوب التثبيت لين نهاية الشهر الخامس
وهذا ملخص غيابي هاليومين

والحين عطوني دقايق أقرى اللي طافني من أخبار
وبرجع لكم

[ميادة]

المشاركة الأصلية كتبت بواسطة pink love

اهاااااااااا انا بعد بالدمام اراجع بمستشفى الروضه عند اشجان مرررره طيبه وشاطره

ممكن اتواصل معاك على الخاص

[الياه]

ســــــــــــارة



ألف ألــــف ألــــــــــف مبروووووك
وحمد لله على سلامتج

ويتربون في عزكم، وعساهم من الذرية الصالحه
ومن حفظة القرآن ، ومن مواليد السعادة

طمنينا عليج وعلى التوينز

[pink love]

ممكن ماعندي مشكله

[روعة ن]

هلا الياه الحمد لله انشالله كنت مبسوطة باجازتك الله يفرحك على طول وتتهني

[الياه]

روعة ن

هلا والله شخبارج عساج بخير
شخبار التوينز، وأخبار صحتج، راجعتي الدكتورة قريب؟؟

الحمدلله غيرت جو، وصارت النفسية عال العاااال
صدق اللي قال:
ما ضاقت حتى فرجت

تعبت وأنا أقرى
تعبت اليوم وايد، الصراحه يومي طويل
أحس دوخت من كثر الصفحات ماشاءالله

أخبــــار المتواجدين والغايبين؟؟

[روعة ن]

الحمد لله انا راجعت الدكتور اليوم وطمني على وضعي انو اتحسن الحمد لله والله يتمملنا جميعا على خير

[الياه]

متلهفة لضمتة

أخبارج عساج بخير، أن شاءالله تبشرينا قريب
بأحلى بشارة،
اللهم أرزقها الذرية الصالحة عاجلا غير آجل
أكثري من الاستغفار بنية الذرية الصالحة
وأن شاءالله، الله يسر خاطرج بخبر يسعدج


pink love

حياج الله بينا ، وأن شاءالله الله يتمم لج على خير
ونستفيد من وجودج بينا وتفيدينا
تقدرين تعرفين نوع البيبي من نهاية الشهر الثالث
كل دكتورة وشطارتها، والأكيد الشهر الخامس يكون كل شي واضح
الله يرزقج بالذرية الصالحة المباركة


ميـــادة

أن شاء الله نفرح بوجودج بينا وأنت حامل بأحلى توينز
أنتي وكل من في خاطرها توينز


دموع الشوق

أخبارك، طمنينا شو صار على موعدج؟؟؟
إن شاء الله أمورج طيبة والمشيمة أرتفعت
ننتظرج أطمنينا

[الياه]

روعة ن

الحمد لله ، وأن شاء الله تبشرينا يوم تقومين بالسلامة
أنتي والتوينز ، وتفرحين فيهم وهم في أعلى المراتب

مثلج طمنتني اليوم دكتورتي في الخاص
وبالثلاثاء عندي 3 مواعيد
صورة تفصيلية، وعند دكتور الغدة، والدكتورة النسائية
الله يحفظنا جميع من كل شر

[الياه]

الفراشة الجميلة

مشكورة مها على ردك والله يرفع قدرك مثل مارافعتي قدري
بنات للاسف الوحده صارت ماعاد تتحمس وتدخل وتفضض عليكم بصراحه ماعمري سالت شي الا جاوبني عليه وحده وبالكثير ثنتين يعني لازم ندخل كل يوم وكل ساعه عشان تتعودون علي وتردون علي بصراحه من جد زعلتوني

أفا عليج ، أنت أكبر من هالمواقف،ولا تحطين في خاطرج
والتمس لأخيك عشرين ألف عذر" هاي عاد من عندي "
سبحان الله أحيانا من كثرة الردود والمشاركات
للأسف في مشاركات محد ينتبه لها،
" سأليني أنا شكثر يطنشوني"

أو ما تكون عند العضوات الإجابة الكافية الوافية
ولا تحطين في خاطرج،من كلام الدكتورة،
من تجربة لا تصدقين أي شي تسمعينه
ولا تصدقين نص اللي تشوفينه، في دكاترة شفتهم وقالوا لي أشياء توقف القلب وأكدولي هالأشياء من خلال الأشعة
ونصحوني بالإجهاض!!!
وكلت أمري لربي ، ومن توكل على الله كفاه
والحمدلله مافيه إلا العافية فديته
الله يحفظه ويبارك فيه
وكل اللي قالوووه طلع ماله وجود!!!

وكلي أمرج لربج ولا تحاتين ، وشوفي دكتورة ثانية
وأكثري من الأستغفار والدعاء إثناء سجودج
وان شاء الله ، الله بيحفظج من كل شر

طمنينا عليج ، ولا تزعلين، ما يليق الزعل
على الفراشة الجميلة