تجمع لحوامل شهر جمادى الأولى 1433

[noni]

هاااااااااااااااائ

[white sugar]

شغالة مين والناس نايمين ، انا ما اخليها تجلس معاه حخليها تروح تجيبو لحالها
اصلا ابشرك خلاص اتوكلت ومشيت اليوم بعد العصر قال ايه الحرمة اللي اشتغلت عندها من اول رجعت من السفر وقالتلها انا حسويلك فيزا وووو طبعا الطمع زاغ فقلبها
قلتلها انا مستعدة ازودك ل 1700 بس بعد ما اولد مو دحين لانو احتمال كبير اني انقل من بيتي كمان
قالت دي فرصة ما تتعوض بالنسبة ليا قلتلها يلا مع السلامة

[noni]

هائ كروشتأت
تكلمتوا في موضوع التنظيف
أنا قبل اسبوعين جربت الحلاؤه
بس جلست يمكن ثلاث ساعات
تعبت وبطني عورني
بس ؤش إسوي خفت أولد فجاه
مع أن ولادتي الأولى قيصري
بس قلت لازم استعد

واليوم حسيت بحاجه نزلت
فرحت قلت يمكن هدي السداده إلي يقولون عنها
لأنها صارت لي بحملي أالاول
بس طلعت إفرازات بيضاء بدون دم
وبحثت في النت قالوا أنها مو علامه ولاده
تحطمت بصراحه
ودي أولد واروح لأهلي لأن زوجي رافض أجلس عندهم قبل ولادتي

[white sugar]

نسيت ارد عليكي ، مدخلته حضانة هيا مدرسة نظام اجنبي
هوا مبسوط فيها ويبى يروح ولما ما اوديه يزعل بس انا مو كل يوم ابى اوديه
لكن ابوه يباه كل يوم يروح زي فرض الصلاة استغفر الله العظيم
اقله مو لازم كل يوم يقلي انتي ما همك مستقبله
اللي يشوف يقول ثانوية عامة ولا بحضر دكتوراة. . هيا كلها حضانة
والتعب ونحلان القلب والهجولة عليا انا

[المخملية]

اجل الله يعينك
وبس تخلصي الاربعين دورلي لك وحدة ثانية


نوني,,, هلا ,,,

[white sugar]

نوني هما الرجال كدا ما يفكرو الا بنفسهم
ترى الحال من بعضه يا قلبي بس ايش حنقول

[المخملية]

حلووو على الاقل يتعلم شي ويشوووف نااس ويتسلى بدل حبسة البيت
وينتظم وقتوو
بس اذا ولدتي ايش حتسوووي ومين يوديه ويجيبوو ؟

نوني... من دخلنا التاسع واحنا نفررح بكل الم وكل عارض نحسبها ولادة
نبغى نولد ونرتااح
مع انو عارفة مليون بالمية ان النفاس كئيب بس بكى بسبب النفسية وبسبب اكتئاب النفااس
بس خلاص ابغى اولد
ياارب افرجها علينا وارزقنا ولادة ميسرة سهلة

[white sugar]

حغيرله المدرسة حنقله لمدرسة اقرب للبيت
لانو اللي هوا فيها دحين في الرويس ناحية السفارات و مستشفى فقيه وانا مرة ما اطيق انزل عالجنوب
حشوف مدرسة في الشمال اقلها لما تطلعي على فوق النفسية غير حتى مافي زحمة كتير زي لما تنزلي ناحية الرويس
انا تجيني كئابة لما اروح من ديك الناحية سواء رايحة للمستشفى ولا عالبلد من جد تجيني ضيقة واحس بكتمة مدري ليش
بس نفسيا

[noni]

سكر لو أنا منك ما أودي ولدي للحصانه هالفتره
كذا كذا أنت في التاسع الله يهون عليك
وأكيد فتره النفاس ماراح يروح للحضانه
أو أبوه يؤديه ويجيبه الله لا يهينه
وخصوصا أن خدامتك راحت

مخمليه والله معك حق الرجال همه نفسه
يقولي أيش بيقولون أهلي
راحت زوجته وتركته
قلت عادي حامل محد بيقول شي
بس أقول حرام خليه يشبع من بنته قبل مااروح نفاس

من جد أي تعب أو مغص يجينا نفرح فيه الحمد لله والشكر

[المخملية]

حلوووة دي ... أهلي ايش يقولون
دايم اقول لزوجي لاتقعد ايش الناس بتقول وايش اهلي بيقولون لاني راح اعاند
ليش ماتقول انا مااقدر اصبر عنك او بشتاق لك ومن هالكلام
يقولي دامك عارفة ليش تعاندين آآآآخ ودي اذبحوو ساعاتها
تدرين انا ليا 4 سنوات متزوجة ماشاء الله
لما ماانزل معاه عند اهله يقولي اهلي نفسهم بالبنت يبغو يشوفوها ... انتي حارمتهم منها وانتي وانتي
ومشاكل وحرب على هالنزلة لاني مابقعد كل نهاية اسبوع نازلة لاهلو لاني ابغى اجلس مع اهلي وخالاتي يجو ومشتاقه لهم
لكن لا حياة لمن تنادي ... مشاكل وقلة حياء عشان البنت يبغووها عمانها وجدتها وجدها
في الاخير عرفت انو هو الي يبغانا معاه وانو مايصبر علينا وتعود علينا
طيب ليش ماتقول... يقول مااعرف
يعني توقعي انو يبغاكي معاه وماتفارقيه وشايل هم شهر ونص فيبغاكي معااه اقلها استفيدي منو خليه يسويلك تحريض للرحم هههههه