تجمع حوامل ليبيا

[عيون زوجي]

السلام عليكم

[نسرينا]

كيف حالك تيمو

كيف حال امك واماليك ، ان شاء الله غير امك جابتك فاسوخ و وشق باش تبخري ، الله محلاها ريحة حوش الناس تعز عليا هلبه

.

[أم سعد]

السلام عليكم

ياتيمو أنا حامل بالشهر السادس

وعندي أعراض دورة

[نسرينا]

وعليكم السلام عيون

كيف حالك وحال حمودي

؟

[ليبياقلبي]

يسعد مساكم اختي دينا صراحة زعلت منك ردتي علا العضوات علا الدكتور وانا كاتبة معبرتيش ردي عموما اسفة لو ازعجتك
وشن اخباركم تيمو انت معناها في شهر 1 بعدي بشهر حتى انال موصلتيش سنة غير انا في 12 وام روفيدة صار اصغر مني ربي يدوم المعروف وبوسي ولولي وام سعد ويارب تحملي ياميمونة وبالنسبة لي اختي لي تدكرت مولدها ان شاء الله ربنا حيعوضصك حتى انا لما رميت في شهر 4 نشوف في حوايجي ونبكي والحمد لله ربي عوضني بحمل اخر وربي يرزقني ونشوف بين ايديه وربي يعوضك الشهر الجاي تكوني حامل
حبوبات نبي نسالكم انا موسية شوية وخايفة امس مشيت للمزين عندي عرس مشا شدتلي شعري هلبة من فوق لين هز جسمي هل هدا ياتر في البيبي ولالا وزادها انو معاش سمعت حركة خايفة هلبة

[نسرينا]

مراحب ليبيا قلبي

هههههههههههه الله يهديهم المزينات بهدلونا

عموما لو اكثر من يومين ما حسيتيش بحركة البيبي لازم تراجعي دكتورتك واديري جهاز وتطمني

ربي يطمن بالك ، ويسهل حملك و ولادتك على خير ،

[تيمو ليبيا]

اهلين نسرينا معاش الا ضايقك لوحي كل شي ورا ضهرك وامي جابت العده كله ربي يحفظهالي حتي من العبمبر جابتهولي ولاسم خليني ساكته راني مريضه منهم وخلاص اتصلو بيه وقالوله امك تبي اسم رحمه وهو في دوامه بيني وبينه مبيتش انزيد عليه قتله سميها زي ماتبي امك وقالي يناري انتي بعدين نادي عليها بالاسم ال تبيه الله غالب علي خاطره اندير كل شي

[تيمو ليبيا]

ليبيا قلبي معاش تسوسي والهي ماهو باهي خليها علي الله اني بنتي وقت حامل بيها جميع الحاجات الا تسبب في اجهاض مريت بيها وحمدالله ربي لما يبي ايتبت حاجه ايتبتها وزري ماقتلك نسرينا لو يومين متحركش بري ل دكتورتك وام سعد اعراض الدوره اتجي في اول شهر الحمل و وقت الولاده لازم تمشي تعايني وديري جهاز ونسرينا مرحبتين بيك نحطوك في عيون عيونا غير تعال بس

[ليبياقلبي]

شكرا ليك تيمو والله علا عقلك قداش رزين خليته يسمي بي اسم امه والله غالب علا امهات هالوقت وصجتي علا السوال
شكرا ميرنا

[ليبياقلبي]

شنو الكروشات نايمات