دردشة حوامل أهل القصيم - دردشة بنات القصيم - تجمع حوامل القصيم

[ياسمينة نجد]

سهره يااااااااااالبيه يالرس أنا من الرس بس تزوجت من سنه ونصف وسكنت بريده حياك ربي بنت ديرتي
ولوووفه حبيبتي أنا رحت قبل يومين لسنتر بوينت مسوين تخفيضات بسيطه25بالميه بس على بعض اللبس مع أني مقضيه من شهر بس باقي حاجات
وسالتهم متى التخفيضات الفععليه ع كل البضاعه قاللي بعد10ايام يعني حلو يمكن ع جيتك بتحصلين طبعا أنا أتكلم عن بريده بصراحه أنا أشوف سنتر بوينت مره مناسب خاصه وقت التخفيض أسعاره حلوه وبضاعتهم حلوه وعمليه وتشرف فيه عندك الشامل أسعارهم. رخيصه اذا انتي تبين الرخص بس حليله يعني مو زي سنتر بوينت فيها اناقه مره وعندهم كل مستلزمات المواليد يعني ماراح تتعبين بالبحث اتمنى اكون افدتك حبيبتي

[تيلدا]

ياسمينة نجد الله يجزاكي الجنه متى بالضبط راح تبدا تخفيضاتهم ماحددلك تاريخ معين

[ولووفه]

يسعدك ربي ياسمينه انا ممكن اجي للقصيم الاربعاء يعنيي مككن الاقي التخفيضات
وكمان على شو لقيتي التخفيضات اللي 25 %
وستي ماكس يقولو فيه تخفيضات صدق

عشان اعرف شووو اطلب زوجي ونكون متفاهمين من البدايه لا يرجع يعصب 😡😡
لانه مابنعرف في الاسواق مورره دخلت الحسون بس من الذكااااء مارحت قسم المواليد وسنتر بوينت دخلته بعنيزه بس كان شوي غالي مافيه تخفيظات

[سوسهs]

تفضلي شاركينا

http://forum.hwaml.com/t113581.html



تقبلو مروري سوسه

[زوجة ناصر]

صباح الخيرات للاخواتي القصيميات وه فديتكم


اخباركم واخبار الوحام معكم يارب تاجرنا

[ياسمينة نجد]

أنا رحت الأربعاء اللي فات وقاللي بعد 10ايام ماحدد بالضبط وكانوا مخفضين على بعض أطقم المواليد واللبس والقبعات بس مؤ كل البضاعه
يعني لو رحتي بتحصلين حاجات حلوه أنا ماخذت لأني ماخذه كفايتي قبل وبرضوا مخفضين على بعض أغراض الاطفال روحي وشوفي بنفسك
بس أطقم الشنط والمدسات ماكان عليها تخفيض وقتها وسيتي ماكس مدري اذا عنده تخفيض او لا بس ترى مايهتمون بلبس المواليد ابد يعني ما عندهم شي ع سنع لا تضعين وقتك نصيحتي روحي سنتر بوينت والشامل بتحصلين اللي يعجبك ان شاء الله

[ولووفه]

يسعدك ربي تيب الشامل وين موووقعه وسنتر بوينت وين بلزبطً في بريده لاني اعرف موقع سنتربوينت اللي بلرس والشامل ماعرفه
ماعليشً زودتها معاك
ودعواتك لي

[ياسمينة نجد]

عاد بالتوصيف ما أخفيك أنا ما ادل ببريده مره سنتر بوينت لهم فرع بالعثيم مول
بتسااليني موقع العثيم هو ع شارع رئيسي ع امتداد مستشفى الحبيب يعني الحبيب خليه ع يمينك وسيدا لحد ملتحصلين العثيم يسارك
وفيه فرع ثاني لسنتر بوينت جنب هايبربنده اللي ع طريق الشاحنات
اما الشامل جنب ساكو بس بالضبط مدري كيف اوصف لك حبيبتي المعذرة مادي الخبطك بس هو ما يضيع ع شارع رئيسي برضوا
وان محصلتيه روحي الحسون عشان ما يضيع وقتك والله يسهل عليك
وتكفوووون حبوبات أدعو لي تتيسر ولادتي مره خايفه

[*سهرة]

فيييه كروووووووشه فاضيه تبي تسولف معي ؟؟؟

[ولووفه]

اسئل الله عز وجل ان ييسر ولادتك ويقومك بسلامه ويرزقك الذريه الصالحه المعاااافاه من الزياده والنقصان