دردشة حوامل أهل الرياض - دردشة بنات الرياض - تجمع حوامل الرياض

[امــ وتين]

السلام عليكم صبايا انا توي جديده حبيت اسئلكم فيكم وحده تعرف تاجره تعمل مهادات اطفال وتوابعها بالكورشيه
تفزع لي

[اللهم ثبت حملي]

السلام عليكم ورحمة الله وبركاته

الي تبغى مستوصف في غرب الرياض عندك التضامن مره ممتازه دكتوره النساء بس عندها مره زحمه لجين العصر لاخذين لك رقم

[Dime]

صباح الخير بنات

كيفكم اليوم ..

ربنا ارحمنا بعشر ستذهب
واغفر لنا بعشر ستلحق
واعتقنا بعشر ستاتي


الللهم امين

[شهد الحلوة]

هلا يا حلوات كيفكم عساكم طيبين

انا عندي 3 بنات
علياء 14 سنة
نجلاء 12 سنة
داليا 7 سنوات
وحامل وبجيب البيبي الرابع ان شاء الله
حابة اجاوب على على اسئلتكم في التجهيز ووالخ لأني ولدت 3 مرات وخبيرة
نبدأ, بسم الله :
لما اروح المستشفى كم بجامة اخذ لي ؟واي نوع؟
شوفي بالنسبة لعدد البجايم حسب عدد الايام يعنى مثلا اسبوع خذي 7 بجايم ووحدة احتياط وخذي قمصان لأن لبسها اسهل واحلى وارخص ووقتها تكونين كسولة فهي اسهل باللبس

لما استقبل الناس ايش البس؟
خذي جلابيات او ميني جلابية والبسي تحتها لقينيق وليش جلابيات بالضبط لأن هي نفس القمصان لكن هي اكشخ واحلى

انا ما اعرف نوع البيبي ومحتارة بالبجايم ايش اخذ ؟
خذي الوان بنات واولاد يعني مثلا اصفر, اخضر .احمر

ايش احسن نوع من الرضاعة الصناعي ولا طبيعي ؟
لا الطبيعي احسن اكيد , لكن استعملي الصناعي اذا مرة مافيك حليب لكن اقولك حاولي تقللين
من الصناعي يعني في المستشفى خذي حليب صناعي علبة صغيرة

وبس اتمنى اني افدتكم ولو بشيء بسيط واي سؤال انا حاضرة

[شهد الحلوة]

المشاركة الأصلية كتبت بواسطة طفلي انتظرتك طويلا

بنات وين بتولدون فيه؟

انا عندي 3 بنات يعني ولدت 3 مرات والحين حامل بالبيبي الرابع
انا عن نفسي ولدت بكل بناتي في مستشفى مدينة الملك عبد العزيز الطبية ماشاء الله تعامل وادب واخلاق لدرجة ان فيه ممرضة فلبينية صارت صديقتي كلما اجي هالمستشفى اسولف معها يا حليلها

[شهد الحلوة]

السلام عليكم
انا جنس طفلي بنت وحابة افيدكم في ملابسها واغراضهاوووالخ
طبعا ملابسها من موقع اسمه تشلدرن صالون طلبتها وحولت
الفلوس وانشحنت على السعودية وجت طبعا اخذت لها عشان الاستقبال فستان اسود وهذي صورته :

واخذت لها زي الكيس لكن كذا تلبسه



لكن له قبعة وهذي صورته



واخذت لها بجايم كثيييييرة من حبيب الملايين مذركير واخذت لها شرابات بعد منه
واخذت جزم لها طبعا ما اخذت جزم جزم لا اخذت جزم تجي كأنها شرابات هذي صورتها



واخذت لها الوان كثيرةةةة من هذا النوع طبعا سعرها ما يتجاوز الـ50
واخذت لها جزمة وحدة رياضة هذي صورتها :



وباقي الجزم الكشخة والتايتات من مونسون
واخذت لها كم جاكيت وواحد كشخة وهذي صورته :


واخذت لها شنطة وحدة قال الموقع بتوصل بعد اسبوع و1 كشخة وهذي صورة الشنطة الكشخة :


واخر شيء الاكسسوارات اخذت لها قبعة وحدة وشيال واحد وبالنسبة لربطات الشعر اغلبها من مونسون بس لكنني اخذت من الموقع 3 ربطات وتحذير للحوامل لا تاخذين شباصات لأن راس البنوتة ما يتحمل ولا راح يكون لها شعر وهذي صورها :














واخذت لها ربطة فخمة هذي صورتها :

والباقي اخذته من مذركير الا الملابس اخذتها من كذا محل ان شاء الله انزلها في موضوع في منتدى ملابس الاطفال وبس اتمنى اني افدتكم وان شاء الله تولدون بالسلامة

[شهد الحلوة]

المشاركة الأصلية كتبت بواسطة jojo-2028

مرحبا بنات كيفكم

انا بولد باذن الله في قوى الامن اذا الله كتب لي

شايله هم الولاده مره لان الدكتوره تقول تدخلين التاسع في العيد والولاده حتكون في شهر 11 هجري واحس انها لخبطتني

شوفي حبيبتي انا امي ولدتني في مستشفى قوى الامن يوم كنت حاملة ببنتي الاولى سألت امي عن مستشفى قوى الامن وقالت لي :

يا ويلي !! تسألين عن قوى الامن !! انا ولدتك في مستشفى قوى الامن ! ممتازين صراحة والدكتورة احلى واحلى !.

طبعا انا ما ولدت فيه بناتي لأني ما ضمنت ان ذيك الدكتورة موجودة الى الحين لأن امي ولدتني من زماااااااااااااااااااااااااااااااان فما توقعت انها موجودة

[طفلي انتظرتك طويلا]

المشاركة الأصلية كتبت بواسطة jojo-2028

مرحبا بنات كيفكم

انا بولد باذن الله في قوى الامن اذا الله كتب لي

شايله هم الولاده مره لان الدكتوره تقول تدخلين التاسع في العيد والولاده حتكون في شهر 11 هجري واحس انها لخبطتني

هلا فيک اختي انا مثل حسبتک قالت ادخل بالعيد واولد بذي القعده
قوي الامن حکومي ولاخاص

[طفلي انتظرتك طويلا]

المشاركة الأصلية كتبت بواسطة شهد الحلوة

انا عندي 3 بنات يعني ولدت 3 مرات والحين حامل بالبيبي الرابع
انا عن نفسي ولدت بكل بناتي في مستشفى مدينة الملك عبد العزيز الطبية ماشاء الله تعامل وادب واخلاق لدرجة ان فيه ممرضة فلبينية صارت صديقتي كلما اجي هالمستشفى اسولف معها يا حليلها

شکرا اختي هذا حکومي ولاخاص

[طفلي انتظرتك طويلا]

بنات انا قررت علي رعايه الرياض وش رايکم فيه ومن احسن دکتوره توليد
انا خاايفه کثير وبکر