تجمع حــوامل التوائم

[أستاذة ذوق]

يعني احتمال تكون بنت فيه مستشفى قبل كذا قالوا الثانيه يمكن بنت بس مو متأكده وهي فعلاً مصكره رجولها مسويه فيها مستحيه أنا قلت أعتبرها بنت وخلاص بس زوجي وامي يقولون لا تستعجلين يمكن ولد وشككوني ..عموماً تسلمين حزن على الرد والله يعطيكي اللي تتمنينه

[كوثرية]

توأمي فرحة عمري
إذا أجنتك بويضة وحدة يصيروا نفس الجنس بدون ما يشوفون الثانية

ما قالت لك الدكتورة كم مشيمة ؟
لأن إذا مشيمة وحدة معناها بويضة وحدة معناها نفس الجنس والشكل

[أستاذة ذوق]

هلا اختي كوثرية
الدكتورة قالت بويضتين وفي كيسين بس مدري عن المشيمه
إذا كانوا كيسين يجون نفس الجنس ولا مختلف ؟؟

[كوثرية]

أنا توأمي كيسين لكن مشيمة وحدة

إذا كانت المشيمة وحدة يعني بويضة وحدة وتعدد الأكياس ما يعطي معنى

أنا كيسين وتوأم متشابه، وخالتي نفس الشيء بناتها كيسين وطلع توأمها متشابه ما نفرق بينهم إلى الآن مع أن عمرهم فوق الـ12

[أستاذة ذوق]

والله مو متأكده من موضوع المشيمه بس عندي موعد مع الدكتورة بعد يومين وبسألها..
انتي حددولك موعد الولادة ولا لا يعني دكتورتك تتوقع تكملين التاسع ولا فيه ولادة مبكرة لاسمح الله

[نونة العسولة]

صباح الخير كروشات

شخباركم؟؟؟

اقرا اللي طافني..... برب

[حزن الزمان]

عسولة شلونك شخبارك وحشتينا ... شخبار البنات

[نـــــــارا]

أنا حامل بتوأم ومتخوفة وايد لأن أول حمل لي وأشتغل ووايد أحس بتعب

متى تخبرني الدكتورة إذا كانوا مشيمة وحدة ولا ثنتين؟ في أي شهر؟ لأني بدخل الشهر الرابع الأسبوع الياي

[كوثرية]

توأمي فرحة عمري

انتي حددولك موعد الولادة ولا لا يعني دكتورتك تتوقع تكملين التاسع ولا فيه ولادة مبكرة لاسمح الله

لا والله ما حددت ولا أنا سألتها

ولا أنا قادرة أحدد لنفسي

مرات اقول أكييد رح أولد مبكر لأني أولادي الثنين ولدتهم مبكر

ومرات أقول لاا مو شرط الأولي ولدته مبكر بسبب نزول الماي والثاني بسبب التهاب الربط

وهذا أنا إذا حبيت أزهق نفسي زيادة أقول بولد مبكر وإذا حبيت أطمن نفسي أجيب مبررات للتاخير خخخخ

أنا حامل بتوأم ومتخوفة وايد لأن أول حمل لي وأشتغل ووايد أحس بتعب

عزيزتي نارا اهتمي بنفسج ترى طبيعة التوائم يجون مبكر لا تعجلين عليهم انتي بعد زيادة
أنصحج بالإهتمام وشوفي لج من يساعدج في الشغل .

متى تخبرني الدكتورة إذا كانوا مشيمة وحدة ولا ثنتين؟ في أي شهر؟ لأني بدخل الشهر الرابع الأسبوع الياي

تقدرين الآن تعرفين لأن المشيمة تكونت

أنا أتذكر علموني في الأسبوع الـ16 بس ممكن يعلمونج قبل

[حب العراق]

مرحبا اني اخر زيارة للدكتورة اكتشفت انو اكو نبضين كالت احتمال توام واحتمال شريان واثنينهم نفس الكيس بس لكت جنب كيس الطفل كيس ثاني فارغ اني خفت بس كالت عادي وكالت اكو كيس بحجم 3 سم على المبيض كالت هذا طبيعي من تطلع البيضه يصير بس اني مقتنعت بحجيها وخايفه من هذا الكيس شنو تنصحوني اشوف غير دكتورة