دردشة حوامل الأحساء- تجمع بنات الأحساء - الحسآويآآت

[هجراوية]

الي يولدون بالاحساء مو تولدون وتنسونا تنشغلون بالبيبي الجديد
تذكرونا ننتظر تجاربكم عشان اذا الولاده فيه زينه بنشد الرحال له ونفقش كرشتنا فيه خخخخخخخ

[هجراوية]

المشاركة الأصلية كتبت بواسطة همسة حنين

هلا حوامل كيفكم مع التعب.
اموله اناجربت المانع مرتين وصحيح من سنه لاكن ما حسيت بالعنايه ولا النظافه والغرفه فيها اربع اسره وكان الوضع مو مريح
قلت هالمره بجرب الاحساء وكنت مره تعبانه ورحت فيها دخلوني قسم الولاده كانت غرفه عاديه مره مو مخيفه وفيها قابله فلبينيه شاطره ونادو لي دكتوره باكستانيه على ما اظن وسالت القابله قالت ممتازه. بس هذا المعلومه الي عندي عن الاحساء وان شاء الله اذا ولدت فيها اخبركم عن كل شي

غريبه بالمانع الغرف فيه 4 اسره ؟؟؟
انا والد فيه مرتين ومسقطه مره ودائما الغرف المشتركه سريرين فقط ماعمري حتى شفت باخد الغرف 3 اسره

[هجراوية]

بنات انا ملاحظه نفسي من احمل يختبص نومي ويصير انام بالنهار وسهر بالليل مايجيني نوم ابد ابد الا اذا اذن الظهر والاحظ كذا في كل حملاتي
انتوا مثلي ولا بس انا
احس اني حيل طفشانه من هالوضع ابغا ارجع انام بالليل مثل قبل

[نبض قلبي]

انا ناوية ان شاء الله اذا الله كتب لي بولد في الاحساء .*.

اختي مجربته من 6 شهووور تقول غرفة الطلق اهي نفسها الي تولدين فيها .*.

ولحالك بالغرفه ولاجاتك الولاده يسكرون الستاره بس .*.

اقول لها تسمعين الصراخ اجل >>>لان هذا الي يخووفني بالولاده هههه صراخ الحريم

قالت لا ولاتسمعين شي .*.

استغربت قلت لايكون كل وحده في دور تولد ههههههههههه

وووووومثل ماقالت هجراوية الي بيولد في الاحساء بعد ماتفشوون فيه .*

تعالوا قالوا لنا زييين ولاشين حلووووووومه لاتنسين ها ههههههه

[هجراوية]

قبل سنتين انا والد بالمانع وكل وحده لها غرفه من وقت مارحت كان فيني الطلق الى ان ولدت
اول مارحت مااسمع شي بس من بدى الطلق يحمي اسمع الي بالغرفه الثانيه وحده بعد تصارخ اذا جاتها الطلق وتسكت
بعدين اكتشفت انه بنفس الوقت الي فتحوا لي ماي الجنين فتحوا لها الماي لان حمى طلقها معاي

والمضحك انه وانا اصرخ اقول وينك يايمه واذا راحت الطلقه اسكت اسمعها تردد نفس كلامي

بس الاحساء ماادري ماافي احد احد من اقاربي او اعرفه والد فيه قريب

[دلع الأحساء]

ام ريم مبروك الولاده
وانا خلاص من عوشرت لي يومين بضبط
ورحت امس الموعد قالو تنويم لان تأخرت يوم بس عييت قلت اعطي نفسي مهله كم يوم
ع الاقل 4ايام ان شاء الله مافي ضرر
يعني الربوع لو ماجاني طلق بشيل قشي بروح اتنوم في الولاده
وربكم يسهل
دعواتكم البيبي يكون بخير وبصحه الين الربوع ويصبر نفسه
ويطلع احسن له لان لو ماطلع بطلق طبيعي بكفخه لجا ههه
مجنني هالجنين بالموت ثبت ماذل ابر مثبت ولا احبوب ماكلتها
والحين نترجاه يطلع معيي ههه

[همسة حنين]

شخباركم حوامل هجراويه اناببنتي كان اربع اسره وولدي بس سريرين. بس خلاص خذت فكره وفعلا غرفه الطلق نفسها غرفه الولاده حتى الاحساء نفس الشي لان يوم رحت فيها. حطوني في غرفه صغيره وسمعت وحده تطلق لان الغرف جنب بعض

[همسة حنين]

دلع الاحساء الله يسهل عليك بس بسالك متاكده دخلتي العاشر. لان مره في حملاتي متابعه الحمل عند دكتورتي ولما دخلت التاسع قمت اراجع عند دكتوره الي تولدني في المانع بعد اسبوعين قالت لي خلاص دخلتي العاشر وعطتني موعد لطلق صناعي. لاكن خفت ورجعت لدكتورتي الي تتابع الحمل ولما سمعت ضحكت قالت لا تاخذي طلق وانا متابعه معاك الحمل وفعلا ولدت بدون طلق ونفس اليوم الي حددته لي الدكتوره المتابعه للحمل*

[هجراوية]

المشاركة الأصلية كتبت بواسطة دلع الأحساء

ام ريم مبروك الولاده
وانا خلاص من عوشرت لي يومين بضبط
ورحت امس الموعد قالو تنويم لان تأخرت يوم بس عييت قلت اعطي نفسي مهله كم يوم
ع الاقل 4ايام ان شاء الله مافي ضرر
يعني الربوع لو ماجاني طلق بشيل قشي بروح اتنوم في الولاده
وربكم يسهل
دعواتكم البيبي يكون بخير وبصحه الين الربوع ويصبر نفسه
ويطلع احسن له لان لو ماطلع بطلق طبيعي بكفخه لجا ههه
مجنني هالجنين بالموت ثبت ماذل ابر مثبت ولا احبوب ماكلتها
والحين نترجاه يطلع معيي ههه

عادي كثير يعوشرون وانا منهم
اخر ولاده قالت لي الدكتوره انتي عاشرتي أخذت اسبوع لازم تحريض وبعد التحريض تمشينـ ساعتين
وفعلا سوت لي تحريض بس بصراحه رحت البيت وتعبانه ولامشيت الا بالليل
المهم على الفجر جاني الطلق وولدت بالليل

[الحلم المنتظر]

هجراويه لاتخافين بنقووول لكم عن الولاده بالاحساء ان شاء الله طبع نومك غرييب انا احيانا يتلخبط نومي بس موانام بالنهار واصحى بالليل