تجمع الجزائريات الغاليات المتأخرات في الحمل ‏

basouma26 · 02-05-2014, 10:25 PM

لبنات نتعشى و نجي يا رب تكونو جيتو كامل

بسومة و نور اليقين و ام نهى و نور الهدى ارواحو

ام ريتاج و قيس · 02-05-2014, 10:27 PM

ايه و الله ,,,
خاصة خولة صغيرة و نحسها متعرفلهمش مليح ,,,, خلي برك راهي تسمعني ههه
ايه طول تخاف و تولي تصوطي وحدها
هكا كي جات عندي و هي ترضع في وحدة فيهم انا الصح نتخربط و نميزهمش خلاص ايه ولات تسعل وحلها الحليب امالا ولات
تنذب هناء هناء الطفلة وشبيها .... ههه غير المغامرات يا لوكان تشوفوها

نوال الجزائرية · 02-05-2014, 10:28 PM

اقتباس:

المشاركة الأصلية كتبت بواسطة basouma26

نوال انا ما هاجمتكش و على العموم انا لكبيرة نطلب السماح اذا ضلمتك كل واحد و كيفاش نيته انا يغيضوني لبنات كي يفرج على كاش وحدة و من بعد تتهرب عليهم

نقولك حاجة انا راهي عندي عقدة من اللي يتهربو من وحدة ربي ما رزقهاش و طولت باش ترفد انا عندي صحبتي تقولي توام روحي نحبها و نموت عليها تزوجت في 18 سنة احنا هداك وين طلعنا لليسي تزوجت في عمرها 15 سنة في ليلة الدخلة داولها اللي ما يخافوش الله الكتانة نتاعها رفدت تم تم و طاحلها من داك النهار و لاو البنات اللي يرفدو دايما يتهربو منها و اللي دس عليها حملها و اللي تجرحها كانت كي تجي تحكيلي تقعد تبكي لو كان كنت نصيب و الله انا نروح و نبهدلهم ربي هو اللي يقسم الارزاق و حتى وحدة ما تدي رزق الاخرى

و الملاحظة اللي لاحظتها الوحدة الطيب البنات في هاد المنتدى بالاسئلة و يضلو يدعو معاها و مين ربي يفرج عليها تنسي هادوك اللي رفدو يديهم و دعاو معاها في داك النهار

المهم نقولك الله يثبت حملك و يفرح كل حباباتي في هاد التجمع راني ندعي ليل نهار كامل نحبهم و نموت عليهم و راني نتمنى في داك النهار اللي نفرح لفرحتهم يا رب

يااا بسومة انا ماقتلكش راكي غلطتي معايا ولازم تطلبي السماااح .......بصح وعلاه واه انا هربت عليهم ياك لبنات ليدخلو هذاك الوقت كي خبرتهم كامل علابالهم بلي راني حامل و كان عندي بروبلام فالنات كنت ندخل بالخطفة غير كي نروح لدارنا وخبرت لبنات ومن بعد ماعاودتش دخلت للبارح فالليل بعثت ميساج لوصال هذا يسموه الناس هروب يا بسمة كون جيت حابة نهرب ولانخبي ع البنات مانخبرهمش من اصلو ومانعاودش ندخل اصلا ..واذا بغيتي روحي ارجعي اقراي الارشيف منذ 3 اشهر تقريبا تفهمي واش نحكيلك...واي واحد منا ماعلابالو بضروف خوه ماشي دايما لي مادخلش صافي ماشي حاب يدخل وانا والله ماكنت علابالي بلي حكيتو علي ولا جبدتوني حتى دخلت وبديت نقرا الارشيف...انا ايبالي هذا ماهوش هروب ......وان شاء الله كل واحدة ربي يفرحها ويرزقها عاجلا غير اجل

Nourelhouda · 02-05-2014, 10:30 PM

يا ربي يا ستار على خولة و بناتها،،،،،،، ربي يشافيهم يا رب،،،،،،،،. شكون عندها الرقم تاعها تعطيهولي ربي يحفظكم،،،،،،،،،

صبورة · 02-05-2014, 10:31 PM

ام ريتاج و قيس
الف الحمد لله على سلامتك..و بسومة عندها الحق و كيما قالت السن ماعندوا دخل..
و ربي يشافي بنات اختك خولة.راهي قالت انهم مرضوا. ضربهم الهوى و هما سبيعيات ماشي مليح ليهم.بلغي لها السلام و قوليلها رانا ندعولك يخرجوا من السبيطار سالمين معافين....
ريحانة
انا راجلي عشيتوا و خرج يقعد شوي مع اصحابوا عيطولوا..
تصبحي بخير حبيبتي ..شوفي ادا حكمك الوجع ان شاء الله خلينا ميساج باش ندعيولك مليح...

ام ريتاج و قيس · 02-05-2014, 10:32 PM

هيا تصبحو بالف خير

الشاكرة -لله · 02-05-2014, 10:34 PM

لسلام و عليكم
اسعد الله مساءكم

الشاكرة -لله · 02-05-2014, 10:35 PM

صبورة و نور و ام ريتاج و كامل الزينات وشراكم ؟؟؟

الشاكرة -لله · 02-05-2014, 10:40 PM

خولة ربي يشافيلك القمرات
يا عمري عليهم مساكن الولاد شحال يغيضو كي يمرضو و الله تقولي نمرض انا و هوما لالا
ام ريتاج ربي يعوضك نشاء الله
نور حتى اختها راحت واقيلا هي لي تقدر تمدلك رقمها ... و لا شوفي البنات يمكن عندهم

صبورة · 02-05-2014, 10:40 PM

20سنة انتظار
وعليكم السلام و رحمة الله و بركاته
اهلا بك حبيبتي واش راكي اليوم؟

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع الغاليات بنات العراااااقالتجمع الجديد	عطر الربيع	ملتقى عضوات حوامل	764	07-06-2014 12:30 PM
الغاليات بنات فلسطين @هنا التجمع الجديد@	عطر الربيع	ملتقى عضوات حوامل	1033	01-21-2014 09:00 PM
التجمع المغربي الجديد لتجديد الامل و مرحبا بكم من كل بلد	chamcham	منتدى علاج العقم و تأخر الحمل	141	12-12-2013 08:26 PM
تجمع الجزائريات المتأخرات في الحمل و أهلين بالتونسيات الغاليات	اميرة الحنان	منتدى علاج العقم و تأخر الحمل	8220	12-11-2013 11:57 PM
هل الحديد والكالسيوم مهمين للبيبي	احلى شعور	إستفسارات حوامل من الشهر السابع إلى الشهر التاسع	4	05-18-2011 02:57 PM