دردشة حوامل أهل الرياض - دردشة بنات الرياض - تجمع حوامل الرياض

[أنا بدونك "no thing"]

المشاركة الأصلية كتبت بواسطة راجيتن الله

ام الاسمر كريمات التشققات استخدمها من الحين والا بعد الولاده

والشي الثاني كيفك مع الرضاعه الطبيعيه سمعت من الي جربوها يقولون انها تعور الظهر ومتعبه

وغير كذا البيبي مايبي الصدر يبي الرضاعه ليه ..؟؟

تكفين اولي

نصيحتي لك يالغاليه استخدمي زيت اللوزحق البشره يوميا مسح خفيف ع البطن بإذن الله ماتظهر تشققات بشكل مرعب
أنا نصحتني كوفيرتي ببداية حملي الأول استخدمه والحمد لله جبت أثنين وماشفت التشققات والنصيحه الثانيه لاتحكين بطنك أبد أمسحي مسح لأن الحك بإتجاهه تظهر التشققات وياسلام ع اللي يحكون يمين ويسار وفوق وتحت تصير البطن لوحة شطرنج
وهذي النصيحه وربي ماخليت أحد ماعلمته كل ماشفت بكريه حامل قلتلها
لأن اللي فيها تشققات من أول أعتقد خلاص راحت عليها

[أنا بدونك "no thing"]

ياحياتي أم الأسمر وأم فهود والجوري وكل من فقدني تسلمون ع السؤال
لا الحمدلله تو شفت العافيه جتني انفلونزا وتخيلوا حمل ومرض وصيام وعيال وزوج وفطور
والله كليتها أكله قويه آخر شي رحت بيت أختي أرتحت عندها شوي والدكتوره وصفت لي أبربالعضل فيتامين ب1 وب6 وب12
وصرفت لي فيتامين ثاني لشعري لأنو بصراحه شكلي على ما أولد ألقى نفسي صلعااااء ولا شعره
والحمدلله صحتي هاليومين تمام والنونو مشاء الله بدا يتحرك ويرفس
وشعري أبشركم خف التساقط
بصدق الصحه تاج على رؤوس الأصحاء
إذا مرضنا عرفنا العااااااااااافيه

[jorri sham]

كيفكم شو اخباركم ؟؟ نشالله صحتكم بخييييييير
بنااااااااااات ياحلوووين امانة سؤال ؟؟
اانا بشهر السادس وحللتي الدكتورة مرة تانية دم قالتلي معي فقر دم حاد ؟؟ بس ما قالتلي كم نسبته
بس قالتلي تعالي كل 5 ايام مشان اخد ابر عشان ألحق ؟
بس مين عندها فكرة عن الابر او شو اسمها ؟ وكم تكلفتها ؟؟
امانة ردووووووووولي ؟؟؟؟؟؟؟

[أنا بدونك "no thing"]

المشاركة الأصلية كتبت بواسطة الياسمين الدمشقي

كيفكم شو اخباركم ؟؟ نشالله صحتكم بخييييييير
بنااااااااااات ياحلوووين امانة سؤال ؟؟
اانا بشهر السادس وحللتي الدكتورة مرة تانية دم قالتلي معي فقر دم حاد ؟؟ بس ما قالتلي كم نسبته
بس قالتلي تعالي كل 5 ايام مشان اخد ابر عشان ألحق ؟
بس مين عندها فكرة عن الابر او شو اسمها ؟ وكم تكلفتها ؟؟
امانة ردووووووووولي ؟؟؟؟؟؟؟

الياسمين أكيد الأبر اللي راح تعطيك تخص الحديد بس وربي ماعندي فكره عن اسمها وكم تكلفتها إن شاءالله البنات يفيدونك أكثر
أنا آخذ أبر بالعضل عباره عن فيتامينات العلبه ثلاث إنبولات وسعرها رخيص 13 ريال بس
يعني هيك شي إن شاء الله الأبرموغاليه وأهم شي التغذيه حاولي ترفعين نسبة الدم بالأكل المفيد عندك السبانخ والكبده والخضروات تفيد الدمكثير
وماتشوفين شر يالغاليه

[أم السعد]

شكرا كثير أم الأسمر جزاك الله كل خير الله ينفس عنك كربات الدنيا والآخرة ويجعلها ف ميزان حسناتك.أنا أخذت الإبرة على مرحلتين.بس حبيبتي ما جوبتني ليش حركة الجنين ضعيفة يوم أحس و يوم لا منذ أن بدأ الحركة وحتى ضعيفة مو قوية في اليوم اللي أحس فيه

[أمونه*]

ياقلبي ياام السعد الحركه موب دليل على مشكله سبق وذكرتلك إن يختلف في بيبي حركته كثيره وبيبي حركته خفيفه
انا في بنتي في السادس لشعرت بحركتها وحتى لما تحركت حركتها خفيفه مررره كانت تتحرك يوم وتسكت يومين ولما رحت اولدها قالوا نايمه صحوها وصحوها ويادوب استجابت
بس في ولدي حسيت بالرابع بالحركه ولين ولدت وهو مسوي حوسه في الداخل وكنت من شدة الحركه اتألم

يمكن ان البيبي حقك هادي ورايق عشان كذه ماتحسين بالحركه ... لا تخافي
الله يتمملك الحمل وتقومين بالسلامه

[ام فهوود]

بنات انا عندي مشكله انا من قالت لي الدكتوره لاتمشين كثير صرت اوصي اهلي باغراض العيد واهلي ماقصروا وخلصت منه بس باقي اشياء بسيطه وقلت ابروح انا اجيبهم لاني بجد استحيت من اهلي لانهم مشغولين بانفسهم واحيانا مايبون يروحون لسوق بس اذا درو اني ابي السوق راحوا عشاني
ولمن قلت لزوجي ابي اروح العصر لسوق ابي اغراض بسيطه قال اهلك مو برايحين وصيهم .....احسه تعود علي اهلي
وزعلت انا ومارحت لسوق وقام هو وزعل ويقول سبب تافهه انك زعلتي
وش رايكم يابنات مو المفروض هو اللي يستحي من اهلي ويلبي طلباتي
ولا انا غلطانه
الوحده وش تبي من زوجها؟
مو تبيه يحس بالمسؤليه

[@@الجوووري@@]

الدلال توه حبيبتي مايبان النبض وبعدين انتي دايم اقري المعوذات عليه وسوره البقره واشربي مويه زمزم

ام الاسمر فديتك والله الحمد لله انا بخير بس تعرفين مع ذا الصيام اللي يشوفني يقول من شهر مااكلت خخخخخخ اسمريت وشنت وكشتي ماغير طايره


ام فهووود خليها على ربتس لاتشكين لي ابكي لتس نفس حالتس والله

[أمونه*]

ام فهود ... معليش حبيبتي لا تزعلين ولا يضيق خاطرك الرجال كذه لو تجلسين في البيت
سنه وبعدها تقولين قوم وديني قال ياكثر مشاويرك
هو الموضوع يزعل وكلامك صحيح لازم هو يلي يقوم على اغراضك بس مع كذه
لا تنسين إحنا في رمضان وانت حامل يعني خلي عنك الزعل وتصبري
وخلاص لا تقولين لأهلك يجيبون شي وانت كل شويه انزلي للسوق لا تمشين كثير شويه وارجعي البيت لين تقومين بالسلامه
الله يقويك وتبشرينا بسلامتك وسلامة البيبي

[بكون بخير]

دعاء الحامل

اللهم اني اسالك ان تجعلة امة واحده ,اللهم اني اسالك ان تجعله مسلمآ مؤمنآ,
اللهم اني اسالك ان تجعله من الدعاة الصادقين المخلصين , اللهم اني اسالك ان ترزقه الشهادة بعد طول عمر وحسن عمل . اللهم اجعلة قرة عين لي و لوالده ولاخوانه المسلمين . اللهم اني اعيذه بك وذريته من اليطان الرجيم . اللهم سهل حمله ,
وسهل ولادته , ويسر سبيله انت الذي خلقته , انت الذي انشأته وسويته وعدلته ابرا اليك من حولي ومن قوتي لااله الا انت , اللهم احفظه من بين يديه و من خلفه و عن يمينه وشماله , واقذف التوحيد في قلبه واعني على تربيته ياارحم الراحمين . اللهم اجعله من المجددين لدينك , ومن المحبين لسنة نبيك محمد صلى الله عليه وسلم ..