دردشة حوامل القطيف- تجمع بنات القطيف

[مشمر زري]

هلا سماء أمل رفعتي معنوياتي بالقوووووة تخيلي اني حايسه في عمري في الزهراء قالوا ليي اني في الاسبوع السابع الحين الاسبوع الي راح يوم الاثنين نظفت شقتي كلها كلها و طبعا شقتي الحمد لله كبيره و نزل مني افراز بني زي الي ينزل قبل الدورة بيوم أخر اليل رحت الحمام اشيك الا دم وسكتت ما قلت الى زوجي خفت اخلعه في نص اليل و ما احس بألم ابدا ابدا رحنا المستشفى و على طول تحليل دم و بول و تالي اشعة الالتراساوند و الكل ساكت !! و تالي تنويم و مغذي و بعدين ابره ياااااعلي شفت الموت حاره و جتني الالم الدوره النحيسه الله يغربلها و تالي عطوني مسكنات و يوم ثاني رخصوني وقالت حبتين دفاستون و فوليك حبه يوميا بعد 8 ايام وقف النزيف و الحمد لله ( الدوره اقصد ) هم يقولوا نزيف و اني اقول دوره وكله ساكتين امس يوم الاربعاء رحت و قلت اليها وقف النزيف الحمد لله راحت حطت عليي جهاز مادري ويش اسمه شفنا الكيس الحمد لله بس قالت ماني قادره اسمع نبض و عطتني موعد الى الالتراساوند الاسبوع الجاي يوم الثلاثاء لا قالوا ليي اني في اي اسبوع اكيد لا قالوا ليي نتيجة التحاليل لا قالت نتيجة البول و لا كلمه حتى لما رحنا سوينا حجز الى الالتراسوند يقول ليي رجلي والحين خلاص؟ قلت اليه مادري الحين اني قررت ماني مسويه الاشعه مو لعبه هاذي المره كم الا باصور ما صارت دي و المتابعه ماني رايحه الا بعد الناصفه على خير و باروح المستوصف الا في الناصره ان سمعت النبض ان شاء الله كان بها ما سمعته لا سمح الله لكل حادث حديث و لا باتعب نفسيتي و لا باحاتي اني و زوجي متوكلين على رب العالمين و الله يقدم الا فيه الخير اني اكتب هنيه اسلي نفسي و عشان اباعد وسوسة بليس الله يلعنه من راسي و كلام البنات يواسيني

[مشمر زري]

الله نظرتي بنيه كلووووووووووووووووووووووووووووووش

جهزي الشباصات و الاطواق الورديه

الله يتمم لش على خير اسمحي ليي ترى من الي فيي الحمد لله ما نتبهت

على البركه غناتي

ويش بتسميها ؟

عشان من الحين اسميش ام ........

[أميرة دنيتي]

مشمر
وربي مااكذب عليش سويت سونار في بداية حملي بالهبل حتى رجلي يقول لي لاتسوي بس اني من المحاتاه اقول بسويه يعني تخيلي ساعات يكون يومين ورى بعض اسوي سونار من الدم وكله كان في البطي وعلى حسابنا طبعا يعني لو مسويه البرنامج اهون لي ههههههههه
انتي توكلي على ربش حبيبتي والله اذا كان لش نصيب فيه بيعطيش وياه
اهم شي تكوني مرتاحه اني كلما كنت متضايقه او زعلانه ينزل مني او اذا اشتغلت في البيت بعد فانتي كوني مرتاحه ولاتضايقي حالك حتى لو نزل دم الله لايقولها مره تانيه خلي ايمانش بالله قوي ولاتخافي ومثل ماقلتي روحي اول اسمعي النبض وان شاء الله تسمعيه وبعدين روحي تطمني على البيبي
ياقلبي اني اعرف وحده حملت بعد سنه من زواجها وطلع حملها خارج الرحم يعني هي عارفه وش بيكون مصيره بس كان ايمانها بالله قوي سقطت وماشاء الله في الشهر اللي بعده حملت على طول واللحين هي مثلي بالسابع الله يتمم لها على خير

[أميرة دنيتي]

اعذروني حبيباتي عندنا ضيوف اني استاذن
مع السلااااامه

[مشمر زري]

شكرا غناتي

ودعواتش ليي بالصحه و العافيه

[ميعاد]

هلا خواتي كيف حالكم ،مشمر زي ما قالت سماء كل وحدة ليها حالة غير وانتي اتوكلي على الله .ضحكتيني يوم اتقولي اخترب أني أهم شئ زوجي وشقتي والنت لاحقة عليه ما ادخل الاوقت الفراغ بس الحين اني ممنوعة عن الحركة فما اطبخ كله من برى او زوجي يسوي حاجة خفيفة اذاباقوم اساعده او ارتب الشقة على خفيف ،من اشوي مسحت الغبرة عن المجلس وغسلت تكرمي حمام الرجال علشان زوجي عنده ضيوف وجهزت ليهم بعض الاشياء وهذاني منسدحة نزل مني افراز بني والله يستر.

[أميرة دنيتي]

مشمر
مافي بينا شكر ياقلبي
والله يعطيش الصحه والعافيه يارب

ميعاد
ماتشوفي شر وانتبهي لحالك ومو تتعبي نفسش والله يتمم لكم على خير يارب

[مشمر زري]

اني خلاص ما بتعب نفسي اتفقت مع ابو علي قلت اليه بطبخ بس غذاء او عشاء يعني وجبه في اليوم فقط
وغسيل الملابس و الكوي و الحمامات بنجيب شغالة بيت اهلي مرتين في الاسبوع

و المواعين على ابو علي من لين اولد و يمكن بعد الولاده هههههههههههههههههههه

[راقية بذوقها]

ههههههه مشمر زري انا زوجي قبل مايروح ابها كان
كل يوم كان يغسل المواعين مع انه ماكان يسويها قبل

اليوم رحت سويت سونار
استانست لما قالت كل شي طبيعي المشيمه والنبض وقلبه
مدري احس الصوره مو راضيه تفارق خيالي

[ليلى محمد]

هلا مشمر غناتي
ضحكتيني دختوره مره وحده ههههههه
هذا وحم ياحلوه
عادي بتشتهي اشياء ماتحبيها والعكس
والروايح واويلاه بتكرهي العطور والبخور واذا زيي الشامبو ورغوة الجسم وكل شي فيه ريحه
الحوامض تنفع مؤقت بعدين تلوع چبدش من جديد
يالله ذكرتيني بايام الوحم كنت اكل طماط وملح وليمون هههه
وزيتون اخضر بس اشربي ماي واجد لان الملح مش كويس ياختي هههههه

حساب اسابيع الحمل اعطيني تاريخ اخر دورة واحسب لش

ام حسين الدار وينش اليوم طمنينا عنش
يالله تصبحوا على الف خير وجمعه مباركة مقدماً