دردشة حوامل القطيف- تجمع بنات القطيف

[مشمر زري]

اني رحت الزهراء لأن قريب و اذا سافر زوجي ما بتعطل اي احد بيوديني ورحت البطي بس من دخلته مارتاحت نفسيتي سبحان الله مادري ليش و مضر زحمممممممممممممممممممه و الدكتوره من الضغط ساعات ما تعطي وجه و اني يمبى ليي طولة بال ناس قالوا ليي روحي بروكير بعيييييييييييييييييد و ناس قالوا ليي الروضه بالدمام نفس الشي بعيييييييييييييييييييييييد و مستشفى القطيف ماحب اروحه يذكرني بيوم تتوفى أمي الله يرحمها والحين رجب و قريب ذكرى وفاتها ما امبى اروح و أذي نفسي بالذكريات أخر مره طبيته في تحاليل الزواج و نفسيتي صارت زفت المواساه مو جاي يقيني عليه ابدا و حتى الصادق مادري ليش

[مشمر زري]

ليلى على فكره انتي رقم 3 بالنذر و الحين باسوي لش الصلوات و الله يسهل عليش ان شاء الله وتولدي بالسلامه و يطلع المولود سعيد و مبارك

سويته انتي رقم 4 بدعي لش وباسوي لش صلواااااات و الله كريم

بنات ذكروني من الي كان في النذر ؟؟؟

[ليلى محمد]

تسلمي مشااااااامر
والله يقضي حاجتش انشاء الله واهم شي الراحة النفسية في المستشفيات نصف العلاج
تدري كنت حاطة في بالي مستشفى الزهراء زي ماقلت قريب وجديد بس سبحان الله ماارتحت فيه بالمرررررررره

بروكير صحيح بعيد بس تدخلي في موعدش بالضبط ومريح نفسياً و الموعد والمشوار كثر الانتظار الي انتظره في الزهراء ههههههههه

في النهاية غناتي الناس اجناس واختاري المكان الي ترتاحي فيه والله يعين الجميع

[ميعاد]

السلام عليكم ورحمة الله تقبل الله طاعاتكم وقضى حاجاتكم،كيف حالكم جميع.
أم حسين يابعد قلبي ما تشوفي شر ولا تقولي جديه تخوفينا عليش مباحة ومبرية الذمة وما شفنا منش الا كل خير وان شاء الله تقومي بالسلامة وتجيبي حسين وأخوته وخواته وتربيهم وتشوفيهم معاريس وتشوفي اولاد اولادهم.
ليلى سلامتش خيوه من الم الظهر هذا من الحمل وشغل البيوت الي ما يخلص .بسألش رفيقتي، في الشهر الخامس استمر على شرب الحديد والكاليسيوم بعد لاني للحين ما رحت الموعد وخلصوا الادوية وصيت زوجي يجيب نفسهم؟
مس سويت الجدول حلو ومرتب وعطيتش العلامة عشرة على عشرة،خيوه الافرازات ان شاء الله تخف بالراحة والماء ينفع لكل شئ سبحان الله سمعت عن الماء والنشا بس ما جربته .
حيدرية الله يسهل عليش كل يوم افتح المنتدى اقول يمكن ولدتي .
حبيبة حسونها يالغالية وين مختفية طمنينا عنش.
والباقي شخباركم ان شاء الله زينين.

[ليلى محمد]

هلا ميعاد
اني للحين اخذ الحديد والكالسيوم وموعدي بعد 11 يوم
والمفروض يوم الموعد اكون اخر يوم في الخامس ادخل على السادس
صدقتي ياختي والله شغل البيوت مايخلص وماناخذ منه لا اجازه ولاتقاعد
لكني استسلمت ونويت استقدم شغاله

[مشمر زري]

يا علي ميعاد ذكرتيهم نفره نفره الا اني هذا و اني انتظرش تحطي ليي تجربتش اذا على الشغل يخلص العمر و هو ما يخلص اليوم بس حسيت نفسي خفيت شوي قمت اخذت ليي طله على الشقه اني قعدت و زوجي مسكين بدى يساعدني فديته الشغالات ما يعتمد عليهم شغالة بيت أهلي كل يوم تجي ليي بس و الله الشقه قايمه قاعده تحسي مافي على تنظيف الوحده و ترتيبها و شكلي نسيت الطبخ هههههههه من اسبوع ما طبخت و اليوم نسيت ما حطيت ملح في الرز بس اشوى خلطنا الملح مع سلطة الخيار باللبن و عالجنا القضيه هههههههههههههههههههههههههه اني مره متهوسه على أم حسين مادري ويش فيها احاتيها بالقوة

[مشمر زري]

بنات الحين اني وقف النزيف ( و أني متأكده انه دم دوره لأنه نفس عدد الأيام و نفس صفة الدم في اللون و الغلظه و الحرقه ) استمر على الديفاستون لو خلاص اوقف ؟؟؟؟

[ميعاد]

مشمر غناتي كيف حالش اليوم ان شاء الله زينة،راح اقولش الي صار ليي ،هذا ياطويلت العمر بعد زواجي بسبعة أسهر حملت اتأخرت عليي الدورة أربعة أيام ورحت حللت في مضر كان يطلع حمل وبعدها بخمسة ايام نزل افراز بني كأن الدورة بتنزل رحت مضر الا د تقول كلشي تمام الكيس موجود وخدي المثبت حبتين في اليوم واستعمله ولا في فايدة وتنزل افرازات على طول وكل كم يوم من أصحى من النوم اول ما أقوم من على السرير ينزل دم احمر وقطع دم سودة واروح اسعاف القطيف المركزي وتقول كلشي تمام الكيس موجود وظليت على هالحال شهرين بعدين د الي في مضر سافرت ودخلت على الثانية سألتني ان كان اشتكي من شئ قلت ليها عن الدم والفرازات وسوت الاشعة قالت مافي جنين أني انصدمت فكرت انه طاح من كثر القطع الدم الي نزلت ولا حسيت اليه علشان صغير ،قلت اليها تتوقعي انه نزل قالت لاذا ما كان في جنين من اساس يعني انتي حامل بكيس بدون جنين ،سألتها ممكن يصير كذا أحد يحمل وما يكون في جنين وتحليل الحمل الايجابي قالت يصير وسألتها عن السبب قالت اختلال في البويضة او الحيوان المنوي،ونصحتني اني ما استعمل المثبت وكلها اسبوع تقريبا ويطيح وأروح اليها اذا نزل الكيس تشوف احتاج تنظيف ولا لا.طلعت من عندها واني مستغربة وحزينة بخسر حملي ويش اقول الى زوجي وكيف افهمه الشئ وقلت ليه وما صبرت رحت المركزي علشان اشوفها ويش اتقول هي الثانية من غير ما اعلمها بكلام د الي في مضر وفعلا نفس الكلام لكن هذي تقول اسبوعين ويطيح واذا ما طاح تعالي انزله ونسوي لش تنظيف.ومضى ذاك الاسبوع والله لايراويش النفسية وقبل لايطيح بكم ساعة نزل مني دم اطريت البس فوطة ورحت نمت الفجر بعد ساعتين حسيت نفسي محصورة وقمت من على السرير الا الدم ينزل بتدفق شديد وصوت كأنه شئ بنفجر حتى الفوطة تكرمي ما فادت وتتوسخ اثيابي زين زوجي حس عليي من اول ما قمت بدلت ورحت اسعاف مضر ولازم انحصر علشان تشوف الرحم في شئ ولا نظف من كل شئ المهم بعد التيه والتي وبعد ما سويت السونار وطاع الرحم نظيف ما في اي بقايا رحت الحمام تكرمي الا ينزل الكيس كانه قطعة دم كبيرة يشبه القلب او الكبدة والحمد لله ما احتجت تنظيف ونزل الدم كأنه دورة واستمر اسبوع والم الظهر حدث ولا حرج.المهم من هذا كله نصحتني أني وزوجي نستعمل حمض الفوليك على طول والحمل ما يصير الا بعد ثلاث دورات،وزي كل النساء نقرا في النت ونعرف اشياء تكون غايبة عن الاطباء سألتها اختلاف العامل الريسي في الدم اليه اثر قالت ايه وعطتني تحويل الى المركزي سألتها متى اروح قالت الحين ولا قالت خلال 48ساعة واني ما رحت الا بعد 8 ايام كل فات الفوت وما رضيوا يعطوني اياها الا بتحليل والى يومش ما اخدتها كتبت بالتفصيل الممل علشان تنتبهي لكل صغيرة وكبيرة واهم شئ في الموضوع هذا كله ابرة الدم ضروري . والحمد لله صار الحمل الثاني بعد8اشهر دعائش ليي بنت عمي يتم حملي على خير واي شئ مو مفهوم اسألي عنه اني في الخدمة واسفة على الاطالة.

[ميعاد]

افا افا مشمر ما ذكرتش وياهم لاني حاسبة لش رد خاص جديه تظلميني ،عاتبتيني واني في نفس الوقت اكتب لش تدري أن أني ما سويت شئ في الشقة من أول ما قعدت من النوم وأني على لاب توب أقرأ وأرد حتى أفطر وأني أقرأ أخباركم .يابعد قلبي لاتعبي نفسش واذا على الدفاستون أني ما استفدت منه .

[مشمر زري]

أسم الله عليش ميعاد عاد و اني اقرى و زوجي ويايي و ثنينا ندعي لش الله يتمم عليش و يسهل كل امورش و يبلغش شوفت الضنا السليم المعافى اسمعي اليوم اني قررت قرارات خطيييييييييييره باقي شوي و يخلص الديفاستون يعني 3 ايام اني قلت الى زوجي من بكره بس حبه في اليوم بدل حبتين لأني باصوم بالصراحه عليي 3 ايام و خايفه الدنيا حياه و موت و ماني رايحه المستشفى الا في الشهر الثالث و برتاااااااح و اذا بيثبت و بينبض خير من الله و اذا ما باكمل الحمل خيره بعد و ماليي غير الله و أهل البيت بدعي ربي يجعل لي من امري مخرج هو القادر على كل شي اني نفسيتي تمام كله حاطه في بالي علمت ان رزقي لن يأخذه أحد غيري فطمئنيت بس الا موترني يابنت العم اني بكريه و صايره هبله مادري عن شي و زوجي كله غايب بحكم عمله و من تجي اليل اخاف يصيبني شي و ماحد ويايي بس الحين خلاص ويايي رب العالمين انيس من لا انيس له و هو ارحم بي من اي انسان في الدنيا و الي كاتبنه ربي بيصير تخيلي قالوا ليي حامل و فرحت و الكل فرحان تالي بعدها ب 3 اسابيع تنزل الدوره اني اقول اليهم الدوره و هم يقولوا نزيف زين اني قلت بستسلم الى كلامهم مهما كان هم دكاتره و أفهم مني بس أني شفت كيف بالضبط نفس الدوره و نفس عدد الأيام و مواصفات الدم و استخدمت الدفاستون اليوم يصير 9 بس ناس واجد قالوا عادي تنزل الدوره حتى و انتي حامل في 3 اشهر الأولى و حتى كلام الناس واااجد ناس تقول كذا و ناس تقول كذاك اني بتبع احساسي عمره ما خيبني حتى لما كلمت زوجة الشيخ عشان الصلاه اني الا حددت الحكم الشرعي من خلال الاجابه على اسئلتها و قالت عجل دوره زي ما قلتي فيني شي من داخل يقول ليي انتين حامل و عقلي الباطن مو قادر يستوعب ان يمكن يطلع العكس لكن هذا كله بيد الله سبحانه اذا اراد لشيء كن فيكون بقدرته و مافي شي عسير على رب العالمين مشكوره ميعاد و ان شاء الله نفرح جميع بسلامتنا