ديوانية البحرين - دردشة حوامل البحرين - البحرينيات

[اقصوصه]

حد هني؟؟؟؟

[حنين للماضي]

السلام عليكم

رجعنا لكم بعد طول الغياب

شموس,حروف,فتوت,ام حماني,روز,ام امل,بنوتة,طفلي,ام خليل,بنت الاياويد,احلام ام,فلونة,فرح عمري,فجورة,حبيبة حسوني كلكم وحشتوني
ويا هلا بالأخت الحبيبة اقصوصة

بصراحة هالجم من يوم نفسيتي كانت تعبانة عن يازعم ومن جذي مادخلت

اليوم الحمدلله رحت موعدي وطلع مافيني سكري والشهادة اللي كنت مقدمة عليها نجحت فيها
فيعني اليوم كنت مستانسة عن جد

ودام طريتوا سالفة الجماع عندي سؤال مهم
احس اذا بصير شيء روحي بتطلع يعني أتألم عددددل كأني أول مرة
ماادري ليش يعني الوحدة الحامل عادي تصير جدي
زوجي يقول مايبي بس اني يكسر خاطري

بقول لكم سالفتي آخر مرة مع زوجي
كان مصر ان مايبي قلت في قلبي مابتقدر علي بسوي لك اشياء بغرك عن يازعم
رحت لبست له ثياب مغرية ودبتي ناطه على برة والبدلة ضيقة بيني وبينكم والبدلة المفروض توصل لركبتي بس بسبة دبتي كانت قصيرة عدل بس شسوي كنت بس ابي اطلع غير
يوم جافتي تدحن من الضحك قال لي فصخي اللي لابسته خنقتي الجاهل
تفشلت عدددل وانحرجت قلت لااا عادي مرتاحة مو ضاغط علي بس كنت ابي اغطي الموضوع

عقب يوم جفته مو راضي يسكت من الضحك انقهرت وقلت له صدق مو كفو ثياب كشخة مالك اله الدشاديش عبالي بفشله اله يقول لي وانا اصلاً هالفترة مابيش اله تلبسين دشاديش سكتني بصراحة ولحد يومكم هذا افكر في موضوع عشان افشله واضحك عليه نفس ماسوى لي

[اقصوصه]

هلا فيج اختي حنين الماضي

[حنين للماضي]

باجر يازعم ناوية اسوي حركات للعشاء
اقصوصة بما ان انتي ربة منزل فعطيني افكارش
عاد ابي افكار سهلة يعني طبخات سهلة وحلوة
ابي وصفة لشوربة خفيفة وحلوة غير شوربة العدس والطماط لأن تمللت منهم

[اقصوصه]

حنين شربتي شوربة الشعيريه؟

[حنين للماضي]

لااا
تقدصين بالشعرية البلاليط اللي نسوي لو الشعرية اللي في الحلاويات
خبرش ماطلع من المطبخ عشان جدي عندي المام كامل بسوالف الطهو

[اقصوصه]

لا اقصد البلاليط

[حنين للماضي]

لااا حبيبتي ماكليتها من قبل
علميني اياها اذا حلوة وسهلة

[اقصوصه]

سهله ما يبيلها شي

بس تفورين الدجاج وتاخذين الماي تحطين فيه شعيريه وخلاص

وطبعا يوم تفوين الدجاج تحطين له قرفه وهيل ولومي يابس ويصل وبس

[طفلي حياتي]

اهلا اهلا حنين
تصدقين توش على بالي وعن بكتب رد اسأل عنش
ان شاء الله يارب اللي طمنش على نتيجتش يطمني اني بعد وارتاح
انتين جم كانت نسبة السكر عندش ؟
وسويتين حميه لولا؟؟