تجمع الحوامل الي بيولدون في شهر ذو القعده ^_^

[فتوونه]

ام ماهر
توكلي على الله ولا تخافي اقري سورة مريم واستغفري
الله يهون عليج ويسهل ولادتج يااااااارب

[ورد القلوب]

المشاركة الأصلية كتبت بواسطة %ريحانة الدنيا%

بنات كم المفروض نمشي يعني كم ساعه
انا ما اقدر الا على نص ساعه بس وأحس اني مااحد قدي خخخ
مالت علي وحده قالتلي لازم تمشين ساعه ونص بس احس مااقدر وربي

انا قالت لي الدكتورة حاولي تمشي ساعة او اكثر يوميا
بس انا امشي حسب الاستطاعة اذا تعبت اوقف

شوفي ريحانة .. اذا مشيتي في مجمع راح يمشي الوقت من غير ما تحسي
ساعة او ساعة ونص

اما اذا مشيتي في ممشى او حديقة او كورنيش
نص ساعة بالكثير وتخلص البطارية

واذا مشيتي في البيت ربع ساعة وخلالالالالاص الراس يدور
لان من تمشي خطوتين تلقي جدار قدامك فترجعي تدوري

[ماما زوزو]

بنات انا اليوم اخر يوم لي في التاسع ومافي اي بوادر ولادة ابدا حتى زوجي الصبح يقوللي انه مو حاسس اني بالتاسع لاني ماعندي لا الم ولا شي

انا لي 5 أيام امشي كل يوم ساعة واكل رطب واشرب مي زمزم
وبكرة موعدي عند الدكتورة وقالت حتسويلي فحص داخلي عشان تشوف عنق الرحم فاتح ولا لأ
ادعولي يابنات يكون فاتح ولو شوية عشان احس بأمل

ربي يسهل علي وعليكم

بنات صحيح بسألكم .. قالولي اشرب كف مريم بس ما ادري شلون اسوي يعني اطحنة ولا اكسرة بس ؟وكم ملعقة احط في الكاسة ؟ واغليه ولا اصب عليه ماي فاير بس؟؟ لانه شكل العشبة غريب ومو عارفة اتعامل معاها!!! هههههههه

وبعد قولولي ينفع اخذها وانا ما ادري الرحم فاتح او لا؟؟ يلا ياخبيرات انصحووني

[ورد القلوب]

المشاركة الأصلية كتبت بواسطة ام ماهر

بنات ادعولي اليوم موعد ولادتي وماحسيت بأي اعراض ولارحت عشان يحطون لي طلق صناعي ادعولي اولد بالطلق الطبيعي مدري ليش خايفه من الطلق الصناعي

ياااارب يسهل عليكِ الولادة وعلى جميع الحوامل

ويرزق جميع المحرومين

[سوسو الأموره]

ماما زوزو سمعت انها موزينه والرحم مقفل اصبري لين يفتح واستخدميها

[ام ماهر]

كيف طريقه الكشف عشان اشوف اذا كان مفتوح ولا لا؟ يوجع ولاعادي والله اني خااايفه موووت صدق تدخل يدهااا ؟؟؟

[سوسو الأموره]

تلبس قفاز ابيض ويكون فيه جل زي حق السونار وتدخل اصبعين اناجربته ووجعني مدري عشان الالتهابات والا ليش

[ورد القلوب]

كراريش أكتوبر
باين عليكم كلكم بتاخذوا التاسع كااااامل
وزيادة كم يوم

[MooNi]

الله يسهل عليكم جميعا.

ماما زوزو لاتاخذين كف مريم لين يفتح الرحم عندك
لانه يحمي الطلق ووش الفائدة طلق بدون فتح رحم ؟؟؟؟

طريقتها على ماقريت انك تاخذين العشبة وتحطيها في ماء مغلي وتخلينها ربع ساعه وتشربينها

[ورد القلوب]

ماما زوزو راح تتعبي اذا اخذتي شي يحمي الطلق
والرحم مسكر
اصبري حتى لو زدتي كم يوم
وكثري مشي
ربي يسهل عليكِ