.·¤ تجمع الحوامل اللي ولادتهم في محرم¤·.

[Marawy]

ملكتني بهمسك ،، هو هذا الفضول بعينه وعلمه هههههه احنا دوم نتعذر بالملابس لبنت او ولد ،، وبالاخير ناخذ شغلات محايده ،، وقطعه او قطعتين بناتي او ولادي ،،
ربي يطمن قلبج فديتج ويخلي لك امج يارب واعيالج ،،
مشكوره يالغاليه ،، راح اروح اشوف لو احصله راح اخذه ،، بس لو ضايقني بالقعده والقومه راح اشيله ههههه

وفعلا الحلاوة مخوفتني من هالناحيه ،، ومفكره اني اشيل بعد النفاس بالليزر ،، الجهاز عاجبني واسمه Visss شكله حلو وشفت له فيديوات كثيره ،، ان شاء الله راح ابتدي اجربه بعد النفاس باذن الله ،،

وشكلج تنسيتي بزوجج ههههه الله يعينج والله ،، انا بداية حملي صار لي نفسج ،، كنت اكرهه كره مو طبيعي بس بعدين خف هذا الكره وتحول لحب بشكل مو طبيعي هههههه صرت ما ابيه يتركني لو دقيقه لو تركني اقعد متضايقه واصيح ،، هههه
والله الحمل لاعب فيني لعب وعلى قولتج هذي ضريبة الامومه ،، الله يعين بس ،،

انا استخدم حبوب الفوليك اسيد وحبوب الحديد ( فيروز) كأن اسمها جي ،، وحبوب الكالسيوم ،، وبكره موعدي راح اشوف لو بتغير لي الدكتورة او لا ،، لانها وصفتهم لي بعد ما شافت ان دمي نزل شوي ،،
الفوليك اسيد مفيد وايد خصوصا للبشره والشعر ،، وشعري وبشرتي صايرين حلوين ماشاء الله معاه ،، مرتاحه منه حيل ،، قلت باخذ لي منه لبعد الولاده ،، راح اواصل عليه خصوصا ان يقولون مع الرضاعه يطيح الشعر ويخف ،،

[Marawy]

عبير ،، طمنينا عنج وعن البيبي ،، والله انا زوجي خلاص قرر انها بنت ،، ويكلمها انها بنت ،، حتى انا صرت متأقلمه على انها بنت لكن عندي احساس قوي ان بيكون غير الكلام في الموعد الجاي ،،

[Marawy]

ام يارا ،، الحمدلله تطمنتي على البيبي وعلى كل شي ،، ومبروك الف مبروك الولد ،، ربي يجعله ولد صالح يارب ويقر عينج به ،،
بالنسبه للالتهاب ،، انا كثير خايفه منه ،، خصوصا ان نزلت علي افرازات كثير الاسبوع اللي فات ،، بس الحين خفت الحمدلله عن قبل ،، والمشيمه مثل ما قلت لج ريحي نفسج ولا تشتغلين كثير ،، ودايما ارفعي رجولج لفوق مستوى الجسم والله هالطريقه نفعتني في بداية حملي ،، كانت المشيمه نازله لعنق الرحم والله ستر ،،

هههههههههه اتخيل لو ولد تلبسينه الفساتين ،، انا اخذت بيجامات بناتيه بصراحه ولو طلع ولد راح البسه ،، ههههه اساسا وقت النوم بيكون مافي حد غيري وغير زوجي يعني عادي عادي >>> تقنع نفسها ،،

[ام يارا القادمه]

المشاركة الأصلية كتبت بواسطة عيش الحياة

ام يارا
مبروك الولد هذا حمل المفاجأت هههه مرة بنت ومرة ولد الحمد لله اهم شي الصحة والعافية
بالنسبة للمشيمة بترتفع ان شاء الله على الخامس اهم شي ارتاحي ولا تشتغلي كثير ولا تشيلي اشياء ثقيلة

الله يبارك فيك حبيبتي وجد كله مفأجات مره بنت ومره ولد ومايفرق عندي الحمدلله اهم تجي او يجي بصحه وسلامه

والله اني مهمله شكل سبب النزول هو اني ارفع اشياء ثفيله اقول احيان ارتب واغيراثاث من الطفش حتى زوجي لارجع يقول مين ساعدك اقول انا يتنرفز يقول مجنونه بس الله يستر

[Marawy]

المشاركة الأصلية كتبت بواسطة ام يارا القادمه

الله يبارك فيك حبيبتي وجد كله مفأجات مره بنت ومره ولد ومايفرق عندي الحمدلله اهم تجي او يجي بصحه وسلامه

والله اني مهمله شكل سبب النزول هو اني ارفع اشياء ثفيله اقول احيان ارتب واغيراثاث من الطفش حتى زوجي لارجع يقول مين ساعدك اقول انا يتنرفز يقول مجنونه بس الله يستر

لالالا ديري بالج ،، هذا اخطر شي والله ،، لا ترفعين اي شي ثقيل وخصوصا الاثاث ،، والله هذا لمصلحتج ومصلحة البيبي ،، لاحقه على الشغل وتغيير الديكورات ياقلبي ،، وفكري ان الله استودع في رحمج هالامانه لازم تحافظين عليها وعلى نفسج ،،
ارتاحي ثم ارتاحي ثم ارتاحي ،، والمفروض الحركه تقل عندج لان المشيمه نازله ،، لازم ماتتحركين الا للحمام (الله يعزج) طول وقتج تكونين نايمه بالفراش ورافعه رجولج ،،

حاولي تستحملين بس هالفتره عشان ماتتعبين بعدين ،،

[ملكتني بهمسك]

ام يارا الف مبروووووووووووووك عقبالي يارب

عيش الحياة انا من جده يا الغاليه اراجع بمستوصف صغيرون بس الدكتوره مشاءالله انسانه فاهمه وعارفه شغلها لابعد حد

[ام يارا القادمه]

مراوي الله يبارك فيك حيببتي


الله يستر من الألتهابات مادري وش سببها واهم شي ماتأثر ع البييبي هذا اهم شي


ههههه الفساتين وش اسوي داايم اتخيل عندي بنوته صغيرونه البسها واهتم في شعراتها ياربي وجبت فساتين ودميه دايم اتفرج فيهم واقولها ياروح الماما ههههه جبت فستان وردي وفستان ازرق اذا جاء ولد ماحيكون عنده مشكله اني البسهم اياه اعرف ولدي مؤدب

[ام يارا القادمه]

المشاركة الأصلية كتبت بواسطة marawy

لالالا ديري بالج ،، هذا اخطر شي والله ،، لا ترفعين اي شي ثقيل وخصوصا الاثاث ،، والله هذا لمصلحتج ومصلحة البيبي ،، لاحقه على الشغل وتغيير الديكورات ياقلبي ،، وفكري ان الله استودع في رحمج هالامانه لازم تحافظين عليها وعلى نفسج ،،
ارتاحي ثم ارتاحي ثم ارتاحي ،، والمفروض الحركه تقل عندج لان المشيمه نازله ،، لازم ماتتحركين الا للحمام (الله يعزج) طول وقتج تكونين نايمه بالفراش ورافعه رجولج ،،

حاولي تستحملين بس هالفتره عشان ماتتعبين بعدين ،،

خوفتيني والله بس ماتوقعتها خطيره كذا انا احيان يجيني نشاط ومع الطفش يكمل مدري الله يستر بس وماقدر اكون نايمه طول اليوم صعبه علي حبيبي اطفش صراحه بس بحاول اقلل طلعاتي وابطل اشيل اشياء ثقيله

[ملكتني بهمسك]

سبحان الله صوره اذهلتني مررره

[ام يارا القادمه]

ملكتني الله يبارك فيك حبيبتي وعقبال ماتشوفي جنينك ويجي بالسلامه