تجمع حوامل سوريا-دردشة ورود سوريا-دردشة الغاليات

[أم ملاك ومالك]

الســـــــــــ عليكم ــــــــــــــــــــلام عسولاتي
كيفكم يارب تكونوا بخير .. وبيبياتكم يكونوا بخير يارب .. وكل أحباب قلبكم يارب يكونوا بخير .. وإن شاء الله نفرح بخبر حمل زهرة و وردة وكل وحدة مشتاقة تحمل بجاه الحبيب المصطفى يارب عاجلا" غير آجلا" .. اشتقتلكم كتير كتير طمنوني عنكم ؟؟ .. وملاك بخير وبتبوس الكل ..

بنات بصراحة تعبت نفسيتي آمانة ماتدايقوا مني لاني ماعم اقدر افش خلقي غير إلكم بعرف يمكن تملوا من كلامي حقكم علي .. بنات هاد الحمل كتير متعبني والله العظيم حاسة اني هاد أول حمل إلي سبحان الله بحملي بنتي ماكنت حس بشي أبدا" حتى زوجي قلها لحماتي ماحسيت مرتي حامل والله العظيم بالشهر التاسع كنت اركض وامشي والعب مع الولاد وحماتي تصرخ علي تقلي حرام عليكي ولك حتى كنت اطلع ع الدرج ركض وانزل ركض وأنا ماكنت حس بشي مع أني بطني كانت كبيرة كتير بس سبحان الله كان حمل سهل ويوم دخلت المشفى كان عندي توسع 5ونص من دون ماحس ولو أنه ولدتني وقتها دكتورة شاطرة كانت حتى ولادتي سهلة بس سبحان الله ولدت بمشفى حكومي و ولدتني ممرضة عم تدرب ع التوليد تخيلوا وقتها نزفت كتير و صل دمي ل6 .. وخيطتني 27 قطبة خارجية العفو منكم لفتحة الشرج والله لا يورجيكم شو صار فيني وبعد3 تيام من الولادة رحت ع دكتورة خاصة وبتقوم بتفكلي القطب وبتقلي بعد شهر برجع بخيطلك لاني القطب ملتهبة ههه وانا متت وبعد ال40 الحمدلله حملت بس ربي ماكتبلنا نصيب فيه بسبب التوسع الي عندي والتعب لاني سافرت ع سورية وتعبت كتير ع الطريق وقتها فنزلت وبعدها بشهر عملت عملية جديدة تخدير عام ورجعت خيطت المكان 27 قطبة خارجية عدا القطب الداخلية .. الحمدلله ع كل حال .. المهم بنات انا كتير صايرة عم اتألم وألم مو طبيعي حتى انه صاير عندي دوالي حمل واجري بيتشنجوا كتير وماعم اقدر اوقف كتير وعندي مغض وعدا كل هاد العفو منكم التهابات وشكلا كتير حادة وأنتوا أكبر كرامة عندي امساك قوي وبواسير صاير معي وكتير عم يوجعني راسي وماعم اقدر نام للصبح وكتير احيان عم ينزل مني مي العفو واحيانا دم العفو منكم وفوق كل هاد حرقة بالمعدة وطول الوقت عم نق واشكي لزوجي من الوجع حرام زوجي عم يحاول يخفف عني بس صار عندي احساس انه هو مل وتعب من كتر نقي شو أعمل قولولي وآخر مرة كنت عند دكتورتي صرت قلا هيك كل هل الاشياء فقالتلي عادي هاد بسبب الحمل وماعطتني ولا اي شي يخفف عني .. بس عطتني من شآن الالتهابات دوش مهبلي بيتادين وكريم مهبلي بنات بس قريت المعلومات عنه قريت انه مالازم تستخدموا الحامل مهبلي فترة الحمل فخفت .. انصحوني شو اعمل والله العظيم راااااااااااااااااااااااح طق

بترجاكم بنات تحملوني مالي غيركم .. حقكم علي الله يخليكم

مع كل الود
تحياتي (^_*)

[hadeel al rouh]

شام الهوى كيفك حبيبتي وكيفو اطفالك زلي صور اذا بتقدري ‏
ربي يحميلك ياهون وتشوفوهون متل مابتتمني ياااااارب
وردة حلب كيفك ياغالية وكيفون اولادك ربي يحفطون يااارب ايمن
رنومة كيفك وكيفا لولو واختا ا انشالله بطلت تعذبك الله يعينك والله ‏
وربي يحفظك ويحفظ زوجك وبناتك من كل شر ياااارب
اكيد مابعتفضي تدخلي او النت عبينقطع بسمع النت عبينقطع بالشام كتير او الشبكات عبتكون سيئة ‏
ادخلي وخبرينا عن حالكوم ياغالية
زهرة الحب وانا اشتقتلك ياعمري انتي شو اخبارك رحتي لعند دكتورة ولا لسا؟ ‏

الله يشفيكي وينولك يلي ببالك ويطعمك الحمل عاجل غير اجل ياعسل انتي
شو اخر طبخاتك الحلوة ياحلوة وانشالله ازمة الغاز خفت شوي الله يعين الناس ‏
يلا حبيبتي اتفائلي واتوكلي عالله وانزلي عحلب والله حاسة فيكي لاني كمان مشتاقة لاهلي كتير
الله يجمعك فيهون على خير وتشوفيهون كلون باحسن صحة ياااارب

[hadeel al rouh]

ام عاااااااااائشة للللللللللللللليلللللللللللللللللللللللللللييييييي يييييييييييييييييييييييششششششششششششششش
الف مليووووون مبروك ياغالية قيامك بالسلامة انتي والبيبيات ربي يحميهون ويحفظون من كل شر اااااااامين ياااارب
الحمد الله ولدتي بالسلامة مع انك طولتي الغيبة وقلقنا عليكي بس يلا مسامحة ههههه ‏
لاعاد تطولي الغيبة هيك ‏
ومرة تانية مليون مبروك ياقمر ‏

[شام الهوى]

اللهم ياذا الوجه الاكرم والاسم الأعظم والعطية الجزلى اسأل إن لاتفرق ام ملاك وزوجها وان ترزقها الإقامة ولاتحرمهامن زوجها وتحمي أطفالها وأهلها وجميع المسلمين اللهم امين


هدول يا قلبي بدي نزل برنامج منشان انزلكن صور ان شاء الله

زهرة كيفك اليوم يا قلبي وكيف ملاقيه التجمع هون البنات كسولات ها ههههه عم امزح لاتضربوني
وين باقي البنات لكااااان هلموا هيا هههههههه

[وردة حلب]

سلام يا بنات

المشاركة الأصلية كتبت بواسطة hadeel al rouh

ه

شو رايكون نعمل لمة ونشرب قهوة سوااا ياسكان الرياض ههههه

اهلا هديل ...كانك بقلبي ...كنت بدي اقترح على بنات الرياض نجتمع بشي محل
واذا بتجو لعندي مية اهلا وسهلا فيكن انا ساكنة بالعقيق شمال الرياض

المشاركة الأصلية كتبت بواسطة زهرة سورية

شكرا حبيبتي منور بوجودك يا قلبي وشكرا عالنصيحة والله يخليك حمودة ويحفظه يا رب وتشوفيه احلى شب و ان شاءالله بيصير عندو اخوات صبيان وبنات يارب و يرزقك من واسع فضله

تسلمي يارب ...انا الحمدلله متزوجة من 8 سنين عندي لين 5 سنين حملت فيها بعد تاخر سنتين وكان بدي احمل بعد ما جبتها حتى اربيهم مع بعض ولانه حسيت الوقت عم يسرقني وكبرت بس مشيئة رب العالمين ما حملت حتى كملت بنتي 3 سنين ونص والحمدلله على نعمته
وعقبال لما تبشررينا بحملك عن قريب يارب

المشاركة الأصلية كتبت بواسطة أم ملاااااك

وردة حلب كيفك ياقمر ؟؟ وكيف الاولاد ؟؟ يارب تكونوا بخير

وين هل غيبة طمنيني عنك اشتقتلك

مع كل الود

تحياتي (^_*)

اهلين ام ملاك ...انا بخير والحمدلله وموجودة كل يوم بالتجمع انتو يلي عم تغيبو ههههههههه
والاولاد الحمدلله تمام وبنتي معطلة وطول اليوم مشاكل وعم تشتغل فينا والله يعين على هالاجازة شلون بدها تمضى
وبالنسبة لحالتك انا رايي انه الدكتورة تعملك مسحة وتحللهامو فحص نسائي بس مجرد انه تحط عود قطن متل اعواد الاذن بكل سهولة بتاخد المسحة وتحللها وبتعرف شو معك ان شاء الله
وبوسة للامورة ملاك

المشاركة الأصلية كتبت بواسطة hadeel al rouh

وردة حلب كيفك ياغالية وكيفون اولادك ربي يحفطون يااارب ايمن

امين يارب ...الله يتم حملك على خير ويقومك بالسلامة

[زهرة سورية]

المشاركة الأصلية كتبت بواسطة شام الهوى

زهرة كيفك اليوم يا قلبي وكيف ملاقيه التجمع هون البنات كسولات ها ههههه عم امزح لاتضربوني
وين باقي البنات لكااااان هلموا هيا هههههههه

أهلين حبيبتي شامووو والله الحمدلله ماشي الحال ومبسوطة كتير فيكن والله بيعلم ، والله التجمع يعني ههههه بتجننو حلوين كتير وتجمع غير شكل الله يديم هالجمعة الحلوة النشيطة ههههه

[hadeel al rouh]

بنات عبصير معي احيانا ماعبحسن اتنفس وبدق قلبي بسرعة وشي بيشغط تحت صدري بديق عصدري كتير
شو بكون هاد وكيف اتأقلم معو امشي ولااتسطح امانة لاتبخلوا علي بنصايحكون ‏
بكرية ومافي حدا لا امي ولاحماتي معي اهئئئئئ

[silla]

المشاركة الأصلية كتبت بواسطة hadeel al rouh

بنات عبصير معي احيانا ماعبحسن اتنفس وبدق قلبي بسرعة وشي بيشغط تحت صدري بديق عصدري كتير
شو بكون هاد وكيف اتأقلم معو امشي ولااتسطح امانة لاتبخلوا علي بنصايحكون ‏
بكرية ومافي حدا لا امي ولاحماتي معي اهئئئئئ

امشي او ارفعي ايديك وحطيهن ع راسك واقعدي جلسة صحية وحاولي تتنفسي ببطئ وتاخدي نفس عميق وتفتحي تمك وتطالعيه ببطئ

يمكن يكون حالة نفسية ... انو ازا معصبة او مخنوقة ومدايقة

كمان ازا اكلة كتير وخصوصي دسم وزيوت كمان الها علاقة

يعني حسب الشي اللي صاير معك قبل هالحالة اللي عم تجيكي
وماعقلبك شر ياقلبي ... الله يكون بعونك وبعون اهلك ويحميلك ياهن يارب

طمنيني شو اخر اخبارك واخبار البيبي صرتي بنص الرابع؟؟

[وردة حلب]

بالمناسبة يا بنات بعرفكم باولادي لين ومحمد ^_^

[silla]

المشاركة الأصلية كتبت بواسطة وردة حلب

بالمناسبة يا بنات بعرفكم باولادي لين ومحمد ^_^

يخليلي ماشالله الله يحميلك ياهن
بنوتك شكلها رايقة ودلوعة وهادية

وهالحمودة هاد اااااااااااااااخ منو
الله يحميه بس شكلو شقوووووووووووة ولزيييييييييييييييييييييز اشتهيت بوسو
ماشالله تبارك الله الله يحميهم يارب