دردشة بنات فلسطين , دردشة حوامل فلسطين , تجمع بنات فلسطين

[احساس أنثى]

صباح الخير صبايا شكرا الكم ياعسولات
بكره في كمان امتحان بس عملت زي حواء مادرست
يلي درستلو وتعبالو ماقدمت منيح هاد سيتو للحظ :) بلكي يزبط

[حلا الماس]

صباااااااااااااااااااااااااح الخير يا حلوات ♥

اشتقتلكم كتييير انا ..

شو اخباركم جميعا .. صاير في غايبات كتير

ام عبد الله اول وحدة .. تعي لشوف ليش غايبة ؟؟ ووين غاطسة يا بنت الحلال ؟؟ ..... جارة كمان اي انتي ؟؟

حيفا .. غموض .. انبثاقة .. دموع >> كلو مختفي .. اين انتم يا شعب ؟؟!!!!!

رفيقاتي بالدوام الصباحي لقد اشتقتلكم >>> وانتوا ؟!!!

بيبو .. لولو .. دودو .. لولو حمادة .. احساس .. حواء .. اية .. سما .. ام جودي .. عيون المها .. تبا لمخي لقد نسيت الباقي

تعوا صبايا يلالالالالالالالالالالا

[حلا الماس]

نور العمر .. يا صامدة انتي ..

ربي ييسر ولادتك وتقومي بالسلامة عن قريب يا رب وتجي تبشرينا

[حلا الماس]

احساس هنا >> يا مرحبا يا مرحبا

يسعد صباحك يا قمر ..

كيفك اليوم؟؟ وكيفو زياد ؟؟ والحمل كيف ؟؟

ربي يوفقك بامتحانك .. صح امتحان للوظيفة !!

[~{{ DoDo }}~]

صباح الخيييييييير
كيفكم يا حلوين

حلا
والله الك وحشة ام خليل
اشتقتلك صرلك كم يوم ما دخلتي
طمنيني عنك وعن ماسة وحلا وخلول وعن البيبي يوسف
والحمل وكل الامور ان شاء الله تمام
الدردشة مش حلوووووووة بدونك

احساس
موفقة يارب
وع قولتك الحظ بيلعب دور ان شاءالله خير

باقي البنات الغايبات اين انتم
ام عبد الله اشتقتلك يا بنتي وين مختفية ؟
وحيفااااااااااا وينك
ما بدي اذكر عشان ما انسى ؛)

[حلا الماس]

حبيبتي يا دودو ..

الله يسعد هالصباح يا رب

تشتقالك الجنة يا عسل .. وانا اشتقتلكم كلكم والله

كنت تعبانة جسديا ونفسيا :( .. بس الحمد لله هلأ احسن دواي انتوا ♥

الله وكيلك من بداية السابع صايبني شد عضلي برجلي وما بقدر اتحرك منها وتقل كمان ومع الشوب انسى الوضع دمار

والنفسية كانت زفت بعيد عنك .. بس الحمد لله .. الله يخليلي جوزي بيخفف عني

انا ووولادي بخير نشكر الله .. ويوسف قالب بطني وعامل حفلة وطول النهار بيرقص رقص

طمنيني عنك وعنك عمورة .. ؟؟

[~{{ DoDo }}~]

حلا
معلش يا قلبي المهم انكم بخير
الله يعينك يارب والف سلامة عليكي
والله النفسية بتلعب فينا كلنا
انا كمان جدا نفسيتي تعبانة وبفكر كتير وجسمي كله مكسر
الحمدلله على كل حال ع قولة زوجي هانت مش باقي شي وكله ثواب الحمدلله
عمورة بخير وكمان عامل بطني ملعب جمباز التاني الله يهونها يارب
وهيني كمان اسبوع موعدي الجاي ومتاملة خير يااااااارب

شو طااابخة اليوم السؤال المعتاد

[حلا الماس]

بيعين الله يا ام عمر .. الله يفرجها ويهون على الجميع

انا بقول بكرة بيجي يوسف وبيكسر الملل والروتتين الي عندي واكيد النفسية رح تتغير معاه .. ربي يجيبهم بالسلامة

شكلو ابنك ازعر متل الي عندي .. ههههههههه

ربي يطمنك عنو ويكون راسو قالب لتحت ان شاء الله

طمنينا عنك وعنو بعد المراجعة ..

السؤال اليومي ههههههههههه لقد ضحكت هههههههه

عندي محشي كوسا اليوم ان شاء الله .. بدي ابدا بالحفر كمان شوي

وانتي ؟؟

[~{{ DoDo }}~]

الله يسمع منك يارب
هم بعرف انا الاولاد مشاكسين برا البطن وجوا البطن هههه
الله يخليلنا اياهم ويجوا بالسلامة ويغيرولنا النفسية والروتين

صحتيييين عالمحشي والله زمان ما عملته بدي اعمله هالاسبوع
اليوم انا بدي اعمل طبخة بامية كمان زمان ما عملتها
مع اني مش هالقد بحبها بس زوجي بيحبها حرام ههههه

[حلا الماس]

يعافي قلبك يا رب ... وكمان صحتين الك على البامية لزيزة كتيييييير انا بحبها

تعي ساعديني بالحفر :)