هنا تجمع حوامل الشهر (السابع والثامن والتاسع)

[اموورة وكتكوتة]

المشاركة الأصلية كتبت بواسطة ام غلاوزيد

سلااااااااام
شووو اخباااركم
انا من زمااااان مسجله بالمنتدى بس ماارد كثير
انا بالشهر الثاامن تعب مااافي نووم معااناااه بصرااااحه ,,,, بس الله يكتب لنا الاجر والالام اللي تجي طبيعيه والالا اللي بالشهر الثاامن المغص والم رجوولي وظهري ؟؟؟؟

والله حتى انا زيك بس انا في السابع وبكرية .. اتوقع الام الرجول من الملح لا تحطي ملح كتيييير بالاكل مررررة ينفخ الرجول زي حالتي مرررة يتعب

[ميرال..]

يعطيك العافيه ومشكوره&حبيت اساللك اناحامل بالشهر السابع احيان امل من النوم ع الجنبين احب ارفع رجولي عالوساده وانام على ظهري والحين ابي اعرف هل كدا فيه خطوره

[اقصوصه]

كدوشه : امين ان شا الله ، وكل عيد وطني وانتم بخير :)

ام غلا وزيد ، انا بعد في الثامن ، الالام هاي كلها طبيعيه ، وقلة النوم دايما الحال تعاني منها بهالمرحله من الحمل، انا عن نفسي اعاني منها وايد ، بس شنسوي كلها فتره وبتعدي ، وهانت ما بقى شي الله يعين :(

اموره وكدوشه : انا هالفتره شهيتي تعبانه فهالسوالف بس هي اللي اتقبلها ، وهالوجبه اكلها كريوق او عشى او سناك وقت الجوع :) ، اليوم حطيت فبالي اني بنام لين 3 بس 1 ونص رد ريلي وعيالي من بره فقمت من النوم ، مع اني الحين يالسه افكر ارد انام مره ثانيه لوووووول

ميرال : النوم ع الظهر ما ينصح فيه للحامل نهائيا خاصه الحامل بالشهور الاخيره لانه يتسبب بانخفاض ضغط الدم ويضغط على الشريان الرئيسي اللي يضخ الدم لجسم الحامل وللطفل بنفس الوقت لهالسبب مب لازم الحامل تتجنب النوم ع الظهر لانهله وايد اثار سلبيه لها في مرحلة الحمل

[كدوشه]

هلاااا وغلاااا بالصبايا الحلوين

اموره وكتكوته:والله انا احتفلت بالطايف مرررره وناااسه لكن تعرفين اذا كان فيه تجمعات بدون حد وضابط تشوفين شوي جنان ومصخره لدرجة ماقدرنا نرجع البيت الشباب مقفلين الشوارع يرقصون وبعدين عندي احساس انك من الطايف زيي خخخخخخخ
اما من ناحيه النوم فأنا اعاااااني وربي ارق مزمن الله يعين

اقصوصه شخبارك ياقمر لك وحشه وانتي بألف خير يا قلبو

[اقصوصه]

كدوشه : انا بخير الحمدلله يسرج حالي ، من ناحية النوم نمت اليوم بما فيه الكفايه احس الجين اني ريلاكس ومسترخيه واعصابي مرتاحه، صراحه تاثير النوم ع الحامل عجيب :)

[كدوشه]

ايه يازين النوم يون انام زين وعشره لا واذا نمت وربي اقوم راااايقه
لأني اي الم يجيني افرح اقول لايكون ولاده بس مافي امل شكلي مطوله
اقول للدكتور خااايفه من الولاده قام يضحك علي يقول طيب ابلعيه لاتولديه خخخخخخ

[اقصوصه]

كدوشه : والله حتى انا نفس الحال يوم انام عدل وعشره لا فعلا احس مرات لو اقدر اشتري النوم بفلوس كنت بشتريه عشان ارتاح ، والمشكله جامل يعني لا تقدرين تاخذين منوم ولا اي ادويه ثانيه يعني ما في حل :(يلا بكره بعد الولاده النوم هذا بيصير عمله نادره عشان جيه لام هالفتره نستغل اي فرصه سانجه للنوم وما نضيعها:)

[كدوشه]

اقصوصه حبوبتي تدرين وش اللي مأزمني هالايام

عندي تنمل في ايدي اليمين وبالتحديد في االاصبعين السبابه والابهام مره ذابحني
مو راضي يروح ولا قادره امسك شي تألمني تتوقعين من ايش؟

[الحزينه 2]

مساء الخير كروشات

يالغاليات رحت امس المستوصف وعملت تحليل دم طلع عندي انخفاض في السكر والهيموجولبين

والله قمت احاكي...

بناااااااااات تتوقعون يضر الجنين..

وصار فيني خمول وكسل وجفاف بفمي فضيع

الله يخليكم افيدوووني وعساكم ع القوووووووووه

[كدوشه]

المشاركة الأصلية كتبت بواسطة الحزينه 2

مساء الخير كروشات

يالغاليات رحت امس المستوصف وعملت تحليل دم طلع عندي انخفاض في السكر والهيموجولبين

والله قمت احاكي...

بناااااااااات تتوقعون يضر الجنين..

وصار فيني خمول وكسل وجفاف بفمي فضيع

الله يخليكم افيدوووني وعساكم ع القوووووووووه

هلابك والله

وان شاء الله مافيك الا العافيه وتقومين بالسلامه

اتوقع انك لازم تركزين على اكلك زييييييين وتتغذين وتاخذين الفيتامينات اللي وصفهم لك الدكتور